Ռոստելեկոմի լրագրողների մրցույթի հայաստանյան հաղթողը Մոսկվայում մասնակցեց ամփոփիչ մրցանակաբաշխությանը

«Ռոստելեկոմի» կողմից լրագրողների շրջանում անցկացված՝ «Տեխնոլոգիաներ կյանքի համար-Ինտերնետ լույսի արագությամբ» խորագիրը կրող մրցույթի հայաստանյան հաղթողը՝ Հայկուհի Ասատրյանը, մասնակցեց հունիսի 10-ին Մոսկվայում անցկացվող ամփոփիչ միջոցառմանն ու մրցանակաբաշխությանը, ուր պարզ դարձան աշնանը Չինաստան մեկնող վեց լրագրողների անունները։

Ինչպես ԱրմԻնֆո գործակալությանը տեղեկացվել է Ընկերության մամուլի ծառայությունից, միջոցառումը ներառում էր այցելություն Ռոստելեկոմի գլխամաս, հանդիպում ՌԴ կապի և հեռահաղորդակցության նախարարություն և մրցանակաբաշխության արարողություն մրցույթի գլխավոր գործընկեր Huawei ընկերության մոսկովյան ցուցասրահում։

Մրցույթը ռուսաստանյան լրագրողների շրջանում շուրջ չորս տարվա պատմություն ունի, և 2015թթ․ հայաստանյան լրագրողների մասնակցությունը մրցույթին հաղորդեց միջազգային կարգավիճակ։

Աշնանը հաղթող լրագրողների պատվիրակությունը կայցելի Huawei ընկերության գլխամաս Չինաստանի Շենչժեն քաղաքում։

Մոսկովյան այցի ընթացքում լրագրողներին ներկայացվեց Ռոստելեկոմ ընկերության առաքելությունը, հնարավորություններն ու մասշտաբները, մարկեթինգային քաղաքականությունը, գնումների գործընթացի թափանցիկությունն ապահովող գործիքները։

Լրագրողների շրջանում անցկացվող IV ամենամյա մրցույթի հայաստանյան մեկնարկի մասին «Ռոստելեկոմը» հայտարարել էր տարեվերջին կայացած մամլո ասուլիսի ժամանակ, երբ  Հայաստանում էր գտնվում նաև մրցույթի համակարգող Իրինա Ժաբրովան:

Մրցույթն անց էր կացվում տեղեկատվական տեխնոլոգիաների և ծառայությունների, տարբեր ոլորտներում կիրառման վերաբերյալ առավել օբյեկտիվ և որակյալ լուսաբանմանը ԶԼՄ-ների և բլոգերների ուշադրությունը հրավիրելու նպատակով: Գլխավոր մրցանակակիրը 2015թ. աշնանը պետք է Չինաստանի Շենչժեն քաղաքում Huawei ընկերության գլխամաս այցելի ռուսաստանյան պատվիրակության կազմում:

Մասնակցության հայտ ներկայացնելու համար անհրաժեշտ էր գրանցվել www.smi.rt.ru կայքում մինչև 2015թ. ապրիլի 10-ը: Նույն կայքում էլ  տեղակայված են աշխատանքներն ու մանրամասն տեղեկատվություն մրցույթի մասին (http://smi.rt.ru/works/armenia/ ) :

«Տեխնոլոգիաներ կյանքի համար-Ինտերնետ լույսի արագությամբ» մրցույթին կարող էին մասնակցել բոլոր լրագրողները, ովքեր լուսաբանում էին ՏՏ ոլորտը՝ տպագիր մամուլ (պարբերականներ, ամսագրեր), ռադիո և հեռուստատեսություն, առցանց մամուլ (այդ թվում նաև լրատվական գործակալություններ), սոցիալական մեդիա հարթակներ (բլոգերներ), ֆոտոլրագրողներ: Մայիսին ժյուրին ամփոփեց արդյունքներն ու հաղթող ճանաչվեց ՏՏ ոլորտը ամփոփող աշխատանքը, որի հեղինակն էր հեռուստալրագրող Հայկուհի Ասատրյանը:

Հայաստանյան ժյուրիի կազմում էին  հեռահաղորդակցության ոլորտը ներկայացնող մի շարք կառույցների և ԶԼՄ-ների ղեկավարներ՝ Ինֆորմացիոն տեխնոլոգիաների ձեռնարկությունների միության գործադիր տնօրենը, Ձեռնարկությունների Ինկուբատոր Հիմնադրամի տնօրենը, Մայքրոսոֆթ Հայաստանի տնօրենը, ԱՐՄԵՆՊՐԵՍ լրատվական գործակալության տնօրենը, Новости-Армения ՄՏԳ գլխավոր տնօրենը, ՋԻԷՆՍԻ-ԱԼՖԱ ՓԲԸ (Ռոստելեկոմ Հայաստան) Հանրային կապերի բաժնի ղեկավարը։

«Ռոստելեկոմը» մրցույթը կազմակերպել էր Huawei ընկերության, Էլեկտրոնային հաղորդակցության ասոցիացիայի (Ռուսաստան) (РАЭК), Միխայիլով և գործընկերների հետ համագործակցության շրջանակներում, ինչպես նաև առաջատար ռուսաստանյան և հայկական ԶԼՄ-ների տեղեկատվական աջակցությամբ:

Նշենք, որ 2012թ. դեկտեմբերից ՀՀ-ում հեռահաղորդակցության ոլորտի առաջատար օպերատորներից մեկը՝ՋԻԷՆՍԻ-ԱԼՖԱ ՓԲԸ-ն հաջողությամբ մատուցում է ինտերնետ հասանելիության և ֆիքսված հեռախոսակապի ծառայություններ մանրածախ շուկայում Rostelecom ապրանքանիշի ներքո: 2013թ. սեպտեմբեր ամսից ընկերությունը «ՀԻԲՐԻԴ ՍՈԼՅՈՒՇՆԶ» ընկերության հետ համատեղ մատուցում է նոր սերնդի Այփի հեռուստատեսության ծառայությունը ևս: «Ռոստելեկոմի» ցանցը Հայաստանում կառուցված  է օպտիկա-մանրաթելային մալուխով, որի երկարությունը կազմում է ավելի քան 3000 կմ` ծածկելով ՀՀ տարածքի 80%-ը: Իրանի և Վրաստանի օպերատորների միջոցով «Ռոստելեկոմի» ցանցը փոխկապակցված  է տարածաշրջանի հիմնական մայրուղային ցանցերի և տրաֆիկի փոխանակման խոշորագույն կենտրոնների հետ:

Ընկերության կորպորատիվ հաճախորդների ցանկում են խոշորագույն ձեռնարկություններ ու բանկեր, ՀՀ կառավարությունը և պետական մարմիններ, հեռահաղորդակցության ընկերություններ և միջազգային կազմակերպություններ: Գերժամանակակից տեխնոլոգիաների կիրառումը ընկերությանը հնարավորություն է տալիս լիովին բավարարել ժամանակակից բաժանորդի կարիքները՝ տարածվելով և ծառայությունների հասանելիությունն ապահովելով ՀՀ ողջ տարածքով: 2014թ.-ից ընկերությունը բնակչությանը ծառայություններ է մատուցում Երևան քաղաքի Կենտրոն, Էրեբունի, Նուբարաշեն, Աջափնյակ, Դավիթաշեն, Մալաթիա-Սեբաստիա, Նոր Նորք և Ավան, Արաբկիր վարչական շրջաններում և Աբովյան, Չարենցավան, Հրազդան, Վանաձոր, Գյումրի, Աշտարակ, Մեծամոր, Արմավիր, Մասիս, Արտաշատ, Արարատ, Սևան, Դիլիջան, Իջևան, Կապան, Մարտունի, Ալավերդի և Քաջարան քաղաքներում: Նշված բոլոր քաղաքներում գործում են վաճառքի և սպասարկման սրահներ, ինչպես նաև  վաճառակետեր: Ընկերությունը առաջատար դիրք է գրավում ինտերնետի հասանելիության և վճարովի հեռուստատեսության ծառայությունների ռուսաստանյան շուկայում. Ինտերնետ հասանելիության ծառայությունից օգտվողների թիվը գերազանցում է 10.9 մլն-ը, իսկ վճարովի հեռուստատեսությանը՝ 7.7 մլն-ը: «Ռոստելեկոմ» ԲԲԸ-ն առաջատարն է ռուսաստանյան պետական կառույցների  և բոլոր մակարդակների կորպորատիվ հաճախորդներին մատուցվող հեռահաղորդակցության ծառայությունների շուկայում: Ընկերությունը առաջատար դիրքեր ունի նաև Էլեկտրոնային կառավարության համար ինովացիոն լուծումների, ամպային տեխնոլոգիաների կիրառման, առողջապահության, կրթության, անվտանգության, կենցաղ-կոմունալ ծառայությունների ոլորտներում: Ընկերության կայուն ֆինանսական վիճակը հաստատվում է վարկանիշային աղյուսակներում գրաված դիրքերով՝  Fitch Ratings գործակալությունն այն գնահատում է վարկանիշային աղյուսակի "BBB-" մակարդակում, իսկ Standard&Poor’s գնահատմամբ այն "BB+" է: