Երեթշաբթի, 23 Ապրիլի 2024 17:45

Արմինֆո.ԵԿՄ և նրա ղեկավար Սասուն Միքայելյան, հավաքեք ձեզ, հիշեք ձեր առաքելության մասին. դուք երկիր պահող եք, երկիր հանձնող չեք: Այս խոսքերով ՀԱԵ Տավուշի թեմի առաջնորդ Նորին Սրբություն Բագրատ Գալստյանը դիմել է ԵԿՄ ղեկավարին, որի անդամներն այսօր Նոյեմբերյանում ցույցի ժամանակ կրկին հարձակվել են մարդկանց վրա:

 

Սրբազան հայրը հիշեցրել է, որ մի խումբ քաղաքացիներ, հետևելով, թե ինչ է կատարվում Տավուշում, ինքնակազմակերպվել են և ի նշան բողոքի փակել Իջևան-Նոյեմբերյան ճանապարհը: Սակայն երկրապահներից ոմն Յուրի սկսել է ահաբեկել հավաքվածներին։ "Այսօր մենք հետևում ենք, թե ինչպես է հայկական ոստիկանությունը պաշտպանում այն հայ զինվորականներին, ովքեր ականազերծում են իրականացնում մեր հողում, այսինքն, բացում են մեր դարպասները թշնամու առջև։ Իսկ այդ ընթացքում ոստիկանությունը պաշտպանում է այդ սակրավորներին սեփական ժողովրդից։ Պատմության մեջ նման բան չի եղել, որ բանակը ճանապարհ բացի թշնամու համար, իսկ ժողովուրդը փորձի ընդդիմանալ դրան", - վրդովվել ք Սրբազան Բագրատը, ևս մեկ անգամ մեղադրելով, որ երկրապահները քաղաքացիներին բախման են հրահրում ։

 

Ընդ որում, նա ընդգծել է, որ իր համար Հայաստանի սահմանը թվերով չի հաշվարկվում։ Բագրատ Սրբազանը նաև ուշադրություն է հրավիրել, որ մինչև 2020 թվականը Հայաստանում ոչ ոք չի լսել ոչ Ալմա-Աթայի հռչակագրի, ոչ էլ որևէ այլ փաստաթղթի մասին: "Ես այս երկրի վարչապետը չեմ, ես կարող եմ սխալվել։ Բայց նա, ով մեր երկրի գլխին է, պետք է պատասխանատվություն կրի իր բոլոր որոշումների և գործողությունների համար։ Մեկ հանրագիտարանի համաձայն,  Հայաստանի սահմանները, ըստ այդ մարդու, 29 800 կմ են, մեկ այլ հանրագիտարանի համաձայն՝ 29 740: Վաղը, հավանաբար, կլինի 28 հազար՝  ըստ ինչ-որ այլ հանրագիտարանի: Երկրի վարչապետը պետք է իմանա, որ պատասխանատվություն է կրելու իր յուրաքանչյուր խոսքի համար։ Չի կարող պետության ղեկավար լինել նա, ով չգիտի, թե իր երկիրն ունի կադաստրի թուղթ, չի կարող կողմնորոշվել, թե որն է իր երկրի տարածքը։ Պետության ղեկավար չի կարող լինել նա, ով հակառակորդին ասում է. "բեր քո քարտերը և ասա, թե ինչ ես ուզում": Եվ այդ ցուցակն անթիվ է", - հավելել է Բագրատ Սրբազանը։ Նա նաեւ ողջունել է Նոյեմբերյանի համայնքապետարանի հայտարարությունը, որում անհամաձայնություն է հայտնվում այն ամենին, ինչ այսօր անում է Հայաստանի կառավարությունը: Սրբազանը մյուս համայնքներին կոչ է արել հետևել Նոյեմբերյանի օրինակին և անվստահություն հայտնել այս կառավարությանը, քանի որ վաղը նույնը տեղի է ունենալու Սյունիքում և հանրապետության մյուս մարզերում: Նա կոչ է արել գործել նախապես։