Վլադիմիր Վարդանյան. Իրական քաղաքականությունը կառուցվում է այն բանի վրա, որ փորձենք գտնել այն հատվածները, որտեղ հնարավոր է հասնել փոխհամաձայնության և առաջ շարժվել

Արմինֆո. Այն, որ մենք հնարավորություն կունենանք ունենալ դե-յուրե հաստատված սահմանի որոշակի տեղամաս, լուրջ հիմքեր է տալիս իրավական գործընթացների հետագա աշխատանքների համար։ Այս մասին լրագրողներին հայտարարել է "Քաղաքացիական պայմանագիր" կուսակցության պատգամավոր Վլադիմիր Վարդանյանը՝ մեկնաբանելով սահմանազատմանն առնչվող իրավիճակը Տավուշում։

«Կա պետական սահմանի հատված, կա պայմանավորվածություն, որ սահմանը պետք է անցնի Ալմա-Աթայի հռչակագրի հիման վրա, իսկ դա նշանակում է, որ ԽՍՀՄ վարչական սահմանները հիմք են հանդիսանում սահմանազատման եւ սահմանագծման համար: Դա նշանակում է, որ այդ հատվածում պայմանավորվածություն է ձեռք բերվել", - ասել է նա,  նշելով, որ մի շարք միջազգային դերակատարներ, այդ թվում՝ ԵՄ-ից, ՄԱԿ-ից, որոնք ներգրավված են այդ գործընթացում, արդեն գոհունակություն են հայտնել այդ կապակցությամբ։

Միևնույն ժամանակ, խորհրդարանականը չի կարողացել պատասխանել լրագրողների ուղիղ հարցին, թե արդյոք դա միակողմանի զիջում չէ Հայաստանի կողմից: Վարդանյանն այդ առումով միայն կրկին հղում է արել Ալմա-Աթայի հռչակագիրին։

Հարցին, թե արդյոք ճիշտ չէր լինի սահմանազատման եւ սահմանագծման գործընթաց սկսելը Ջերմուկում Հայաստանի ինքնիշխան տարածքից ադրբեջանական զորքերի դուրսբերումից հետո, օրինակ, նա ընդգծել է, որ իրական քաղաքականությունը կառուցվում է այն բանի վրա, որ փորձենք գտնել այն հատվածները, որտեղ հնարավոր է փոխհամաձայնության հասնել և առաջ շարժվել:

"Փոքր քայլերի նկատմամբ փոխադարձ վստահությունը շատ ավելի կարևոր է, քան դարակազմիկ որոշումները", -ասել է պատգամավորը:

Ընդ որում, նա նշել է, որ կան ուժեր, որոնք չեն ցանկանում, որպեսզի Հայաստանի անվտանգության մակարդակը բարձրանա, իսկ սահմանները լինեն կայուն: "Ես այն կարծիքին եմ, որ մենք պետք է ամեն ինչ անենք, որպեսզի բոլոր հարեւանների հետ ունենանք որոշակի, սահմանազատված եւ իրավաբանորեն հիմնավորված սահմաններ, ինչը հիմնված լինի Ալմա-Աթայի հռչակագրի վրա", - ընդգծել է ՔՊ ներկայացուցիչը:

Հիշեցնենք, որ ՀՀ կառավարության հայտարարության համաձայն, երկու հանձնաժողովները՝ հայկական և ադրբեջանական, քարտեզի վրա վերարտադրել են Հայաստանի Բաղանիս, Ոսկեպար, Կիրանց, Բերքաբեր եւ Ադրբեջանի Բաղանիս - Այրում, Աշաղը Ասկիպարա,  Խայրեմլի, Ղըզիլ Հաջիլի գյուղերի միջև սահմանները:

Նշվում է, որ կողմերը համաձայնության են եկել սահմանազատում իրականացնել, առնվազն, Տավուշի մարզի այդ հատվածում ՝ խորհրդային վերջին քարտեզների հիման վրա, որոնք հիմք են հանդիսացել 1991թ. Ալմաթիի համաձայնագրերի համար:

Այդ առնչությամբ Տավուշի 4 գյուղերի բնակիչներն ապրիլի 21-ին բողոքի ակցիա են նախաձեռնել և փակել Կիրանց-Ոսկեպար ճանապարհը: Գյուղացիները գիշերն անցկացրել են փողոցում։ Ակցիայի մասնակիցների թվում կան բազմաթիվ կանայք, կան նաև երեխաներ ունեցող ընտանիքներ։ Ցուցարարները կարծում են, որ Հայաստանի կառավարությունը միակողմանիորեն Ադրբեջանին է զիջում տարածքներ, որոնք խաթարում են մարդկանց անվտանգությունն ու իրավունքները:

ԱրմԻնֆո-ի հետ զրույցում սահմանամերձ գյուղերի բնակիչները հաղորդել են, որ մտադիր չեն ցրվել տներով և ճանապարհ բացել՝ այնքան ժամանակ, քանի դեռ չեն իրենց համար դրական որոշումներ չեն ստացել, մասնավորապես,  երկրի տարածքները թշնամուն հանցավոր հանձնելուց հրաժարվելը։ Նրանք նաև պատմել են, որ փոխվարչապետ, սահմանազատման հանձնաժողովի նախագահ Մհեր Գրիգորյանը հրաժարվել է Տավուշ այցելելու և այն գյուղերի բնակիչների հետ հանդիպելու գաղափարից, որոնք հանձնում են թշնամուն։ Գյուղացիները պատմել են, որ այսօր ժամը 18:00-ին Կիրանց համայնքի ղեկավար Կարո Սարյանը և գյուղի մեկ ներկայացուցիչ կմեկնեն Երևան՝ բանակցելու: