Ֆրանսիացի ջութակահար Ֆրանսուա Պինո-Բենուան ելույթ կունենա երևանյան հանդիսատեսի առջև՝ Հայաստանի պետական կամերային նվագախմբի նվագակցությամբ

Արմինֆո. Հայաստանում Ֆրանկոֆոնիայի օրերի շրջանակում տեղի կունենա ֆրանսիացի ջութակահար Ֆրանսուա Պինո-Բենուայի համերգը՝ Հայաստանի պետական կամերային նվագախմբի նվագակցությամբ, որը հանդես կգա իսպանացի դիրիժոր Հմայակ Դուրգարյանի ղեկավարությամբ:

Երաժշտական երեկոյի համերգային ծրագրում՝ Ալբեր Ռուսելի Սինֆոնիետա, Շեւալյե դե Սեն Ժորժի Ջութակի կոնցերտ Op.2,  Քամիլ Սեն-Սանսի Ռոնդո Կապրիչոզո:

Համերգը տեղի կունենա մարտի 28-ին, ժամը 19:00-ին՝ Կոմիտասի անվան Կամերային երաժշտության տանը՝ Հայաստանում Ֆրանսիայի դեսպանատան և Ֆրանսիական ինստիտուտի աջակցությամբ:

Նշենք, որ Ֆրանսուա Պինո-Բենուան ծնվել է 1994 թվականին և երաժշտությամբ սկսել է զբաղվել 4 տարեկանից՝ հենց ջութակով։ Պատանի տարիքում նա արդեն մեկ անգամ չէ, որ հրավիրվել է ելույթ ունենալու Radio France Musique - ում ՝ և որպես մենակատար, և որպես կամերային նվագախմբի մասնակից։ Բորդոյի կոնսերվատորիայում և Վերսալի կոնսերվատորիայում ուսանելուց հետո նա ընդունվել է Փարիզի կոնսերվատորիայի լեգենդար ջութակահար Ռեժի Պասկիեի դասարան, որտեղ էլ 2012 թվականին ստացել է ջութակ նվագելու բակալավրի աստիճան, 2014 թվականին ՝ մագիստրոսի աստիճան, և 2016 թվականին ՝ կամերային երաժշտության մագիստրոսի աստիճան։

Ֆրանսուա Պինո-Բենուան արժանացել է բազմաթիվ միջազգային մրցանակների մրցանակների, այդ թվում ՝ Լեոպոլդ Մոցարտի անվան երիտասարդ ջութակահարների միջազգային մրցույթի, Չերեպնինի ընկերության (ԱՄՆ) մրցույթի, Ավստրիայի Բադ Լեոնֆելդի ակադեմիայի, Ռավելի ակադեմիայի գլխավոր մրցանակի և այլն:

Ֆրանսուան նվագում է վարպետ Բեռնարդել Պերեի 1853 թվականի ջութակի վրա, որը նրան է հանձնել Zilber - Vatelot հիմնադրամը։ Ֆրանսուան հաճախել է Մաքսիմ Վենգերովի, Սալվատորե Ակարդոյի, Ֆելիքս Անդրիևսկու, Ռիմա Շուշանսկայայի, Ուլֆ վալինի և այլ նշանավոր մանկավարժների և ջութակահարների վարպետության դասեր: Մասնակցել է նաև հեղինակավոր փառատոնների և միջոցառումների, որպես մենակատար հանդես է գալիս բազմաթիվ նվագախմբերի հետ: