Արմինֆո. Ադրբեջանը շարունակում է ավելացնել սպառազինության գնումները։ Այդ մասին Twitter-ի (X) իր միկրոբլոգում գրել է ամերիկացի լրագրող Լինդսի Սնելը՝ զետեղելով Ֆլայ-ռադար կայքի լուսանկար, որտեղ երևում է, որ ռազմական ինքնաթիռը Իսրայելից ուղևորվում է Բաքու:
Լրագրողը նաև ուշադրություն է հրավիրել այն հանգամանքի վրա, որ ադրբեջանական կողմը շարունակում է ինտենսիվ զինվել, միաժամանակ հայտարարելով, որ Հայաստանի կողմից արված ցանկացած պաշտպանական գնում ցույց է տալիս, որ նա ծրագրում է հարձակվել Ադրբեջանի վրա:
"Իսրայելը շարունակում է ԱՄՆ-ից միլիարդավոր դոլարների ռազմական օգնություն պահանջել ՝ միաժամանակ միլիարդավոր դոլարների զենք վաճառելով Ադրբեջանին", - հավելել է նա:
Հիշեցնենք, որ Իսրայելն Ադրբեջանին սպառազինության խոշորագույն մատակարարներից մեկն է: Խոսքն ավելի քան 5 մլրդ դոլարի պայմանագրերի մասին է։