Խորհրդարանական. ԵՄ-ի եւ Հայաստանի միջեւ վիզային ռեժիմի ազատականացման շուրջ երկխոսություն սկսելու գործում առաջընթացի բացակայության խնդիրը թաքնված է Եվրախորհրդում

Արմինֆո. Հաջորդ շաբաթ Եվրախորհրդարանի լիագումար նիստում մենք առաջ ենք քաշելու բանաձեւ, որով առաջ ենք մղելու Հայաստանի հետ ինստիտուցիոնալ կապերը, վիզային ազատականացման ծրագիրը։ Այդ մասին հայտարարել է Գերմանիայից Եվրոպական խորհրդարանի պատգամավոր Վիոլա ֆոն Կրամոնը։

"Մենք շատ կցանկանայինք, որպեսզի Հայաստանն ինչ-որ պահի դառնա Եվրամիության մաս։ Եվ այսպես, եթե մենք գոնե առաջ շարժվենք վիզաների կամ ազատականացման գործողությունների ծրագրով, դա շոշափելի ինչ-որ բան կլինի մարդկանց համար և առևտրի ու մեր շուկաների ազատականացման տեսանկյունից", - հայտարարել է պատգամավորը "Արմենպրես"-ին:

Անդրադառնալով այն հարցին, որ Հայաստանի Արտգործնախարարը ԵՄ-Հայաստան գործընկերության խորհրդի նիստից հետո հայտարարել է, որ հայկական կողմը հնարավոր ամեն ինչ արել է վիզային ռեժիմի ազատականացման շուրջ բանակցություններ սկսելու համար, և արդյոք կան խոչընդոտներ այդ բանակցությունները սկսելու համար, պատգամավորը հավաստիացրել է, որ Եվրախորհրդարանը չէ, որ արգելափակում կամ մինչ այժմ արգելափակել է Հայաստանի համար վիզային ռեժիմի ազատականացման գործընթացը: "Ցավոք, խնդիրը Եվրոպական խորհրդում է։ Ես չեմ ուզում այստեղ նշել այդ երկրների անունները, բայց այդ արգելափակումը, հաստատ, կապված չի լինի խորհրդարանում եվրոպացի քաղաքական գործիչների բարի կամքի բացակայության հետ", - ամփոփել է նա։

Վիզաների տրամադրման ընթացակարգերի պարզեցման մասին համաձայնագիրը ստորագրվել է 2012թ. դեկտեմբերին, իսկ Հայաստանի և Եվրամիության միջև ռեադմիսիայի մասին համաձայնագիրը՝ 2013թ. ապրիլին: Երկու համաձայնագրերն էլ ուժի մեջ են մտել միաժամանակ՝ 2015 թվականի հունվարի 1-ից: Մեծ Բրիտանիան, Իռլանդիան և Դանիան համաձայնագրի մաս չեն կազմում: Մուտքի արտոնագրային ռեժիմի դյուրացման համաձայնագրին համապատասխան, ՀՀ քաղաքացիներն օգտվում են Շենգենյան գոտի մուտքի արտոնագրեր ստանալու դյուրացված ընթացակարգերից: Սա ենթադրվում է Հայաստանի մի շարք խմբերի քաղաքացիների, մասնավորապես, պաշտոնական պատվիրակության անդամների, գիտնականների, ուսանողների, լրագրողների, սպորտի և մշակույթի գործիչների, ԵՄ երկրներում օրինական բնակվող մերձավոր ազգականների, ԵՄ-ում գործող հայկական սփյուռքի կառույցների կողմից կազմակերպված միջոցառումների մասնակիցների և այլոց համար: Շենգենյան գոտու մուտքի վիզայի սակագներն ավելի ցածր էին ՝ 60 եվրոյից մինչու 35 եվրո։ Դրա հետ մեկտեղ, այդ վիզան անվճար տրամադրվում է մի շարք կատեգորիաների քաղաքացիների, այդ թվում ՝ երեխաների և թոշակառուների համար։ Բացի այդ, այս համաձայնագիրը թույլ է տալիս Հայաստանի քաղաքացիներին կարճաժամկետ վիզաներով այցելել ԵՄ երկրներ 180 օր ժամկետով ՝ նախկին 90-ի փոխարեն ։ Մուտքի արտոնագրային ռեժիմի դյուրացման համաձայնագրին համապատասխան, Հայաստանի քաղաքացիներն օգտվում են Շենգենյան գոտի մուտքի արտոնագրեր ստանալու դյուրացված ընթացակարգերից:

Նշենք նաև, որ, չնայած Հայաստանն ամբողջությամբ կատարել է համաձայնագրի առաջին փուլը, ԵՄ-ը տարբեր պատճառներով ձգձգում է մուտքի արտոնագրային ռեժիմի ազատականացման երկխոսության երկրորդ փուլի մեկնարկը: