Երկուշաբթի, 19 Փետրվարի 2024 16:14

Արմինֆո. 20 տարի առաջ փետրվարի 19-ին Բուդապեշտում ՆԱՏՕ-ի ուսումնամարզական ճամբարում դաժանաբար սպանվեց Հայոց բանակի սպա Գուրգեն Մարգարյանը. քնած ժամանակ նրանց կացնահարեց ադրբեջանցի Ռամիլ Սաֆարովը։ Այսօր հանցագործը ոչ միայն հանգիստ զբոսնում է ազատության մեջ, այլև Ադրբեջանում ընկալվում է որպես ազգային հերոս։

 

Հիշեցնենք, որ 2004թ. փետրվարի 19 - ին ՆԱՏՕ-ի "Գործընկերություն հանուն խաղաղության" ծրագրի շրջանակում անգլերենի դասընթացների մասնակցելու համար Բուդապեշտ գործուղված լեյտենանտ Գուրգեն Մարգարյանը քնած վիճակում կացնահարվել էր նույն դասընթացների մասնակից ադրբեջանցի սպա Ռամիլ Սաֆարովի կողմից: 2006 թվականի ապրիլի 13-ին Բուդապեշտի առաջին ատյանի դատարանը Սաֆարովին դատապարտել էր ցմահ ազատազրկման, 30 տարին՝ առանց ներման իրավունքի: 2012թ. օգոստոսի 31-ին Ռամիլ Սաֆարովը արտահանձնվեց հայրենիք: Նույն օրը Ադրբեջանի նախագահ Իլհամ Ալիևը հրամանագի ստորագրեց նրան ներում շնորհելու մասին: Ադրբեջանի պաշտպանության նախարարությունը մարդասպանին վճարեց աշխատավարձը, որը կուտակվել էր անազատության մեջ գտնվելու ողջ ժամանակահատվածում (ավելի քան ութ տարի), նրան բնակարան  տրամադրեց, ինչպես նաև մայորի կոչում շնորհել: Սաֆարովի արտահանձնման կապակցությամբ Հայաստանը նույն օրը կասեցրեց դիվանագիտական հարաբերությունները և բոլոր պաշտոնական կապերը Հունգարիայի հետ: Սակայն 2022 թվականին հայկական կողմը Հունգարիային առաջարկեց շրջել այդ էջը երկկողմ հարաբերություններում, վերսկսել դիվանագիտական շփումները ։