Արմինֆո. Փետրվարի 18-ին Մյունխենի անվտանգության համաժողովի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Հնդկաստանի ԱԳ նախարար Սուբրամանյամ Ջայշանկարի հետ։
Ինչպես հաղորդում է Հայաստանի ԱԳՆ մամուլի ծառայությունը, զրուցակիցները քննարկել են երկկողմ գործընկերության օրակարգային հարցեր։ Գոհունակությամբ ընդգծվել է բարձր մակարդակի քաղաքական երկխոսությունը, ինչպես նաև համատեղ ջանքերով տարբեր ոլորտներում համագործակցությունն ավելի խորացնելու պատրաստակամությունը։ Նախարար Միրզոյանը ներկայացրել է անվտանգային իրավիճակը Հարավային Կովկասում՝ անդրադառնալով Հայաստանի և Ադրբեջանի միջև հարաբերությունների կարգավորման գործընթացում վերջին զարգացումներին։
Մյունխենի անվտագային համաժողովի շրջանակներում ՀՀ ԱԳ նախարար Արարատ Միրզոյանը հանդիպել է նաեւ Հորդանանի Հաշիմյան Թագավորության փոխվարչապետ, արտաքին գործերի և սփյուռքի նախարար Այման ալ Սաֆադիի հետ: Հանդիպման ընթացքում անդրադարձ է կատարվել բարձր մակարդակի քաղաքական երկխոսության ակտիվացմանը, փոխայցելություններին, երկու երկրների միջև տարբեր ոլորտներում ինտենսիվ համագործակցության հետագա ընդլայնմանը։ Գոհունակությամբ արձանագրվել են մասնավորապես կրթության ոլորտում փոխանակումները և առկա լրացուցիչ հնարավորությունները։
Հայաստանի և Հորդանանի ԱԳ նախարարները մտքեր են փոխանակել տարածաշրջանային հարցերի շուրջ։ Արարատ Միրզոյանը ներկայացրել է Հայաստանի և Ադրբեջանի միջև հարաբերությունների կարգավորման գործընթացում ՀՀ մոտեցումներն առանցքային հարցերի շուրջ։ Հանդիպմանն անդրադարձ է կատարվել Երուսաղեմում հայկական թաղամասի շուրջ ստեղծված իրավիճակին։
Փետրվարի 18-ին Մյունխենում ԱԳ նախարար Արարատ Միրզոյանը հանդիպում է ունեցել նաեւ Լեհաստանի ԱԳ նախարար Ռադոսլավ Սիկորսկիի հետ։ Զրուցակիցները քննարկել են տարածաշրջանային անվտանգության հարցեր։ Արարատ Միրզոյանն իր լեհ գործընկերոջն է ներկայացրել Հայաստան-Ադրբեջան հարաբերությունների կարգավորման գործընթացի վերջին զարգացումները՝ ընդգծելով հայկական կողմի մոտեցումներն առանցքային հարցերի շուրջ։ Տարածաշրջանում տրանսպորտային և տնտեսական կապուղիների ապաշրջափակման համատեքստում Արարատ Միրզոյանը ներկայացրել է ՀՀ կառավարության կողմից մշակված «Խաղաղության խաչմերուկ» ծրագիրը՝ որպես տնտեսական փոխկապակցվածության ապահովման և Հարավային Կովկասում խաղաղության կարևոր երաշխիք։
Անդրադարձ է կատարվել Հայաստանի և Լեհաստանի միջև երկկողմ համագործակցության հարցերի։ Նախարարները նաև մտքեր են փոխանակել Հայաստանի և Եվրոպական միության միջև համապարփակ գործընկերության օրակարգի, վերջինիս ընդլայնման և փոխգործակցության խորացման հեռանկարների շուրջ։
Միաժամանակ, ինչպես Միրզոյանը հաղորդել է Twitter-ում (X), նա հանդիպել է նաև Կանադայի արտաքին գործերի նախարար Մելանի Ժոլիի հետ, որի հետ մտքեր են փոխանակվել մի շարք հարցերի շուրջ։ «Մեր համագործակցությունն առավել ընդլայնելու հանձնառությունն ամուր է՝ հիմնված ընհանուր արժեքների և Հարավային Կովկասում կայուն զարգացումը խթանելու շահերի վրա», - նշել է Հայաստանի արտգործնախարարը:
Արարատ Միրզոյանը դրական է գնահատել նաև Մյունխենի անվտանգության համաժողովի երկրորդ օրվա ընթացքում Նորվեգիայի, Ալբանիայի և Ռումինիայի իր գործընկերների հետ շփումները: "Մեր երկկողմ համագործակցության հետագա ամրապնդումը, ինչպես նաև բազմակողմ ձևաչափերում ներգրավվածությունը կարող են նպաստել նաև տարածաշրջանային համագործակցության ամրապնդմանը", - նշել է նա:
Միրզոյանը տեղեկացրել է, որ Մյունխենի անվտանգության համաժողովի շրջանակներում հանդիպել է Պորտուգալիայի արտաքին գործերի նախարար Ժոաո Գոմեշ Կրավինյոյի հետ։ "Մենք մեծ նշանակություն ենք տալիս բարձր մակարդակի քաղաքական երկխոսությանը ինչպես երկկողմ ձևաչափով, այնպես էլ ԵՄ շրջանակներում", - նշել է նա:
Իսկանդարյան. Հայաստանի և Ադրբեջանի միջև խաղաղության պայմանագրի ստորագրումը քիչ հավանական է՝ բանակցային գործընթացում ասիմետրիայի պատճառով
Կարինե Գևորգյան. Ֆրանսիան, նույնիսկ, տեսականորեն չի կարող ապահովել Հայաստանի անվտանգությունը՝ անհրաժեշտ ռազմական լոգիստիկայի բացակայության պատճառով
Ջրբաշյան. Հայաստանի մարդկային կապիտալում ներդրումները կբերեն 43.6 մլրդ դոլարի ավելացված արժեք
Փորձագետ. "Զանգեզուրի միջանցքի" բացումը կարմիր գիծ է հայոց պետության համար
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Վլադիմիր Վարդանյան. քանի դեռ Գյումրիի ավագանու լիազորությունները չեն դադարեցվել, Հայաստանի իշխանությունները միջամտելու սահմանադրական իրավունք չունեն
«Իմ տունը իմ ամրոցն է» բանաձևը պետք վերաձևակերպել «մեր պետությունն է մեր ամրոցը». Փաշինյան
Հայկ Մարությանը ստորագրահավաք է սկսում՝ ընդդեմ 2025 թվականի հունվարի 1-ից հասարակական տրանսպորտի ուղեվարձի թանկացման
Քաղաքագետը նշել է Հայաստանում ընդդիմադիր շարժումների ձախողումների պատճառները
Կարծիք. Փաշինյանն ավելի ու ավելի է գնում ազգային-պետական ինքնության վերաֆորմատավորման ճանապարհով
Հայաստանը փախստականի կարգավիճակ կտրամադրի Վլադիմիր Բալանդինին
Քաղաքագետ. Հայաստանում հասունանում է հեղաշրջում
Հայաստանի դատավորների միություն. Կարեն Անդրեասյանը ոտնձգություն է իրականացնում դատական իշխանության անկախության նկատմաբ
Հայաստանի ֆուտբոլի ազգային հավաքականի գլխավոր մարզիչը հեռացվել է զբաղեցրած պաշտոնից
Ընդդիմադիր գործիչը կոչ է արել ձևավորել Համահայկական միացյալ դաշինք՝ Հայաստանում իշխանափոխության համար
Երևանում կկայանա օպերային արվեստի լեգենդ Պլասիդո Դոմինգոյի համերգը
Կոբախիձե. Վրաստանը Հայաստանին եւ Ադրբեջանին առաջարկում է տարածաշրջանային համագործակցության ձեւաչափ՝ հարաբերությունների կարգավորման համար
Ինչպե՞ս է պատկերացնում Քամալա Հարիսը հայերի, այսպես կոչվող, արժանապատիվ վերադարձն Արցախ. Հակոբ Բադալյան
ՀՅԴ. Ադրբեջանի հետ սահմանագծման մասին դրույթը հակասահմանադրական է
Քամալա Հարիս. Լեռնային Ղարաբաղի հայերի՝ իրենց տներ վերադառնալու իրավունքը վճռորոշ նշանակություն ունի հայ ժողովրդի արժանապատվության վերականգնման և տարածաշրջանում կայունության համար
