Հինգշաբթի, 8 Փետրվարի 2024 16:46

Արմինֆո. Արցախի հարցը փակված չէ Կիլիկիո Կաթողիկոսության համար։ Այդ մասին CILICIA TV-ի հարցազրույցում հայտարարել է Մեծի Տանն Կիլիկիո կաթողիկոս Արամ Ա-ն՝ պատասխանելով Արցախի մասին հարցին։

 

Աղբյուրը հիշեցնում է, որ վերջին ամիսներին կաթողիկոսը հովվապետական այցեր է կատարել Մեծի Տանն Կիլիկիո կաթողիկոսության մի շարք թեմեր, մասնավորապես, Հունաստան, Կիպրոս, Կանադա, Հյուսիսային Ամերիկայի արևելյան հատված, Քուվեյթ, Քաթար և Արաբական Միացյալ Էմիրություններ:

 

Անդրադառնալով հարցին, թե՝ արդյոք այդ հանդիպումների ժամանակ Արցախի հարցը բարձրացվել է, Արամ Ա-ն, մասնավորապես, ասել է. "Օտար պետութիւններու բարձրաստիճան պատասխանատուներուն հետ Մեր ունեցած բոլոր հանդիպումներուն, բնականաբար արծարծեցինք Արցախի հարցը: Նախ ուզեցինք ունենալ անոնց տեսակէտները եւ ապա պարզեցինք Մեր մտահոգութիւնները ու սպասումները: Այս գծով անհրաժեշտ է յստակ տարբերութիւն մը դնել Արցախի բռնագրաւումէն առաջ եւ անկէ ետք Մեր ունեցած հանդիպումներուն միջեւ: Ինչ կը վերաբերի Արցախի անկումէն առաջ մեր հանդիպումներուն (Գանատայի վարչապետ, Կիպրոսի նախագահ, Յունաստանի վարչապետ, եւ Մայրավանքէն ներս՝ զանազան դեսպաններու հետ), կարեւորութեամբ ընդգծեցինք Արցախի ժողովուրդին իրաւունքները պաշտպանելու հրամայականը՝ միջազգային օրէնքին համաձայն, եւ նոյնիսկ մատնանշեցինք Արցախին ինքնորոշման իրաւունքի եւ Ազրպէյճանի հողային ամբողջականութեան - որոնք որպէս սկզբունքներ մաս կը կազմեն միջազգային օրէնքին - մինչեւ գոյակցութիւն ստեղծելու կարելիութիւնները: Մեր խօսակիցները ընդգծելով հանդերձ Ազրպէյճանի հողային ամբողջականութիւնը պահելու կարեւորութիւնը՝ շեշտեցին Արցախի ժողովուրդին իրաւունքները պահպանելու անհրաժեշտութիւնը, անկախ այն իրողութենէն, որ Ազրպէյճան հետեւողական աշխատանք կը կատարէր միջազգային համայնքէն ներս՝ իր տեսակէտները ամրապնդելու իմաստով: Արցախի բռնագրաւումէն ետք Մեր ունեցած հանդիպումներուն, որոնք ներառեցին նաեւ միջ-եկեղեցական կառոյցներ, հետեւեալ կէտերը շեշտեցինք.- Արցախի ժողովուրդին վերադարձի իրաւունքը, արցախահայութեան իրաւունքներու վերահաստատումը՝ միջազգային երաշխաւորութեամբ, կրօնամշակութային կառոյցներու անվթար պահպանումը, գերիներու ու ձերբակալուած պետական պատասխանատուներու ազատ արձակումը եւ Հայաստան հաստատուած արցախցի գաղթականներու մարդասիրական օժանդակութիւնը: Յիշեալ կէտերուն շուրջ ընդհանրապէս հասկացողութիւն կար օտար պետութիւններու պատասխանատուներուն մօտ: Արցախի հարցը Կիլիկիոյ Կաթողիկոսութեան համար չէ փակուած: Արցախը մեր ազգային պահանջատիրութեան օրակարգին վրայ կարեւոր տեղ կը գրաւէ":