Արմինֆո. Ադրբեջանին ականապատ դաշտերի քարտեզները հանձնելու որոշման մեջ Հայաստանն առաջնորդվում է մարդասիրական սկզբունքներով։ Այդ մասին ասվում է ՀՀ արտաքին գործերի նախարարության հայտարարությունում՝ ի պատասխան ականապատ դաշտերի քարտեզների սպասվող փոխանցման վերաբերյալ Ադրբեջանի ԱԳՆ արձագանքի:
Երկրի արտաքին քաղաքական գերատեսչությունն իր X-ի էջից ուշադրություն է հրավիրել այն հանգամանքի վրա, որ Հայաստանը, որպես վստահության միջոց, Ադրբեջանին է փոխանցել իր տրամադրության տակ եղած ականապատ դաշտերի բոլոր քարտեզները՝ դրանք ստանալով Լեռնային Ղարաբաղի պաշտոնական անձանցից: "Հայաստանը, առաջնորդվելով մարդասիրական սկզբունքներով, վերջերս ականապատ դաշտերի նոր քարտեզներ է նախապատրաստել, հարցնելով Լեռնային Ղարաբաղի նախկին պաշտոնական անձանց, դրանք Ադրբեջանին փոխանցելու նպատակով։ Ցավոք, այդ նախաձեռնությունն անմիջապես ադրբեջանական կողմից ընկալվեց բացասական կերպով և հեգնանքով ՝ երկրների միջև վստահություն կառուցելու Հայաստանի ջանքերի ժխտմամբ և Հայաստանի դրական քայլը բացասական լույսի ներքո ներկայացնելով", - ասվում է հանրապետության արտաքին քաղաքական գերատեսչության հայտարարությունում:
Հունվարի 23-ին Երևանում կայացած մամլո ասուլիսում ԱԳ նախարար Արարատ Միրզոյանը հայտարարել էր, որ Հայաստանը կարող է Ադրբեջանին փոխանցել Ղարաբաղում ականապատ դաշտերի նոր քարտեզներ՝ վստահության մթնոլորտի ստեղծման և միջազգային հանրության ներգրավման դեպքում: "Հայաստանն արդեն երկու անգամ ականապատման քարտեզներ է փոխանցել Ադրբեջանին։ Բայց տարօրինակ է. Ադրբեջանից հայտարարություններ են եղել, թե դրանք ճշգրիտ չեն, երբ ականապատումը եղել է, հիմնականում, իննսունական թվականներին, այդ թվում՝ հենց Ադրբեջանի կողմից։ Հիմա հայկական կողմը փորձում է հարցումների միջոցով նոր քարտեզներ ստեղծել, և եթե վստահության մթնոլորտ լինի, հայկական կողմը կարող է քննարկել դրանք Ադրբեջանին հանձնելու հարցը, բայց այս անգամ՝ միջազգային հանրության մասնակցությամբ", - ասել էր Միրզոյանը։
Այդ առնչությամբ հայտարարությամբ է հանդես եկել նաև ՀՀ Ազգային անվտանգության ծառայությունը, որը տեղեկացրել է, որ պատրաստ է առաջիկայում ադրբեջանական կողմին փոխանցել ականապատ դաշտերի վերաբերյալ նոր տվյալներ:
Ավելի վաղ Ադրբեջանի ԱԳՆ-ը հանդես էր եկել հայտարարությամբ, որում նշել էր, որ Հայաստանից ակնկալում են ականապատված բոլոր տարածքների ճշգրիտ քարտեզների տրամադրում: Ըստ ադրբեջանական կողմի՝ Հայաստանն, իբր, մտադիր չէ նպաստել մարդասիրական գործընթացին և այդ քայլը չի դիտարկում որպես վստահության ամրապնդման միջոց: "Ադրբեջանական կողմը սպասում է ականապատված տարածքների ճշգրիտ քարտեզներին, որոնք մինչ օրս ամբողջությամբ չեն հանձնվել, իսկ տրամադրված քարտեզներն անօգուտ են ու թերի, դրանք չեն արտացոլում իրական իրավիճակը։ Ադրբեջանը նաև հայկական կողմից ակնկալում է, որ հրատապ միջոցներ կձեռնարկվեն վերջին 30 տարում անհետ կորած ադրբեջանցիների ճակատագրերի, ինչպես նաև նրանց եղբայրական գերեզմանների գտնվելու վայրի մասին տեղեկատվություն փոխանցելու ուղղությամբ", - ասվում է հարևան պետության ԱԳՆ հայտարարությունում:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
ՀԱՊԿ գլխավոր քարտուղար․ Շատ դժվար է լինել ԵՄ անդամ և միաժամանակ անդամակցել ԵԱՏՄ-ին
Զախարովան Հայաստանին համեմատել է մի ուղևորի հետ, ով ցանկանում է «Ա» կետից հասնել «Գ» կետ
ԵՄ-ն աջակցություն է պատրաստում Հայաստանի համար՝ Ռուսաստանի կողմից սահմանված տնտեսական սահմանափակումների պայմաններում. ԶԼՄ-ներ
Մենք պարտավոր ենք գործադրել բոլոր հնարավոր ջանքերը, որպեսզի արցախահայության նկատմամբ արդարությունը հաղթանակի
Ընդդիմադիրը հաղորդել է, թե Վայոց ձորի որ նորակառույց դպրոցներն են հանձնվելու ադրբեջանցիներին
Փորձագետ․ Հայաստանն ու Ադրբեջանը մասնակցում են Իրանի շրջապատման ԱՄՆ-ի աշխարհաքաղաքական խաղին
Breavis ընկերությունը “Եվրոնյուզ»-ին մերկացրել է Հայաստանի ընտրությունների վերաբերյալ կեղծ տեղեկատվություն տարածելու մեջ
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
