Արմինֆո.Որպես պատճառ օգտագործելով նոր սահմանադրությունը՝ Հայաստանի իշխանությունները կարող են արտահերթ խորհրդարանական ընտրություններ անցկացնել։ Այդ մասին ԱրմԻնֆո-ի թղթակցի հետ զրույցում հայտարարել է ԱրմԻնֆո-ին հայտարարել է քաղտեխնոլոգ Վիգեն Հակոբյանը:
Նշենք, որ վերջին շրջանում Հայաստանում հաճախակի են դարձել երկրում արտահերթ ընտրությունների անցկացման հնարավորության մասին խոսակցությունները։ Թեև իշխանության ներկայացուցիչներն՝ իրենք, հերքում են իրադարձությունների նման զարգացումը, այնուամենայնիվ, փորձագիտական հանրությունը չի բացառում այդ հնարավորությունը, հատկապես, վարչապետ Նիկոլ Փաշինյանի հայտարարած՝ երկրի նոր սահմանադրության մշակման և ընդունման նախագծի ֆոնին:
Ճիշտ է, ինչպես նշել է քաղտեխնոլոգը, անհրաժեշտ է նկատի ունենալ, որ սահմանադրության ընդունման համար ամիսների աշխատանք կպահանջվի։ "Առավել ևս, որ եթե ես ճիշտ եմ հասկացել, տվյալ դեպքում խոսքը կառավարման համակարգի փոփոխության մասին չէ", - ընդգծել է Հակոբյանը, չբացառելով, որ երկրի նոր հիմնական օրենքի ընդունման հարցը կարող է հանրապետությանը պարտադրված լինել դրսից՝ լուծելու Լեռնային Ղարաբաղին վերաբերող մի շարք դրույթների և Անկախության հռչակագրում ամրագրված պահանջների հետ կապված խնդիրները: "Այստեղ ես ուղիղ կապ չեմ տեսնում, եթե խոսքն իսկապես արտաքին պատվերի մասին չէ, որն առնչվում է արտաքին քաղաքականության և գաղափարախոսության վերակողմնորոշմանը", - ասել է քաղտեխնոլոգը:
Նա ընդգծել է, որ արտահերթ խորհրդարանական ընտրությունների անցկացմամբ պետք է շահագրգռված լինեն հենց երկրի իշխանությունները: "Առաջին հերթին, խոսքը նրանց նկատմամբ վստահության քվեի մասին է։ Իշխանություններին քաջ հայտնի է, որ փակ ու բաց սոցիոլոգիական հարցումների տվյալների համաձայն, գործող վարչապետի վարկանիշն անշեղորեն նվազում է։ Եթե հինգ տարի առաջ այն հավասար էր 70 տոկոսի, ապա այժմ, ըստ վերջին ամիսներին անցկացված տարբեր սոցհարցումների արդյունքների, այն տատանվում է 15-19%ի սահմաններում։ Իշխանությունների մտահոգությունը պայմանավորված է նաև Երևանի ավագանու ընտրությունների արդյունքներով, որոնք տեղի են ունեցել ընտրողների աննախադեպ ցածր՝ մոտ 30 տոկոս մասնակցության պայմաններում: Նման ցածր մասնակցության դեպքում իշխանության նույնիսկ 20 տոկոս վարկանիշը կարող է ապահովել ընտրություններին մասնակցած քաղաքացիների ձայների ավելի քան 40 տոկոսը։ Այդ ցուցանիշը կարող է գերազանցել նաեւ 50%-ը՝ վարչական ռեսուրսի օգտագործման դեպքում", - ասել է քաղտեխնոլոգը, հավելելով, որ չնայած Փաշինյանի վարկանիշի անկմանը, նրա քաղաքական ընդդիմախոսների նկատմամբ քաղաքացիների վստահության մակարդակը տատանվում է 3-6%-ի սահմաններում: Հակոբյանն ընդգծել է, որ Փաշինյանը դա շատ լավ գիտի, հասկանալով, որ արտահերթ ընտրությունները թույլ կտան իրեն վերընտրվել և վերականգնել իր լեգիտիմությունը, որը խարխլվել էր Արցախի փաստացի հանձնումից հետո:
Հակոբյանի ասելով՝ արտահերթ ընտրություններ անցկացնելու երկրորդ պատճառը ընդդիմությունը վերաֆորմատավորելու իշխանության ձգտումն է։ "Փաշինյանը կարծում է, թե քանի որ ընդդիմությունը ցածր վարկանիշ ունի, իրեն կհաջողվի խորհրդարան բերել նոր ընդդիմադիր ուժեր՝ ի դեմս արևմտամետ քաղաքական գործիչների։ Եվ, վերջապես, արտահերթ խորհրդարանական ընտրությունների գնալու երրորդ պատճառն արտաքին գործոնն է։ Արևմուտքի համար շատ կարևոր է, որպեսզի Փաշինյանը, որը փորձում է երկրի արտաքին վեկտորը դեպի Արևմուտք վերակողմնորոշել, ունենա բավարար լեգիտիմություն այդ գործողությունները կատարելու համար, այսինքն, կարողանա բաց տեքստով հանդես գալ ժողովրդի առջեւ, ստանալ նրա ձայները և անարգել գործել արտաքին քաղաքականության ոլորտում, լեգիտիմացնել իր բոլոր քայլերը՝ լինի դա Ադրբեջանի հետ խաղաղության պայմանագրի ստորագրում, թե՝ արտաքին քաղաքական վեկտորի փոփոխություն", - ասել է Հակոբյանը։
Նշենք, որ նոր սահմանադրության հարցին, որի մասին հայտարարել էր վարչապետ Նիկոլ Փաշինյանը վերջերս ՀՀ արդարադատության նախարարություն կատարած այցի ժամանակ, անդրադարձել էր նաև Ազգային ժողովի ընդդիմադիր "Հայաստան" խմբակցության պատգամավոր Քրիստինե Վարդանյանը: Նա Facebook-ի իր էջում նշել էր, որ երկրի ներկայիս հիմնական օրենքի մի շարք դրույթներ խնդրահարույց են ինչպես Թուրքիայի եւ Ադրբեջանի, այնպես էլ հենց Նիկոլ Փաշինյանի համար: Մասնավորապես, ՀՀ Սահմանադրության նախաբանում հղում է կատարվում Անկախության հռչակագրին, որում ճանաչվում է ԼՂՀ-ի և ՀՀ-ի վերամիավորման իրավունքը: Խնդրահարույց է համարվում նաև Անկախության հռչակագրի 11-րդ կետը, որտեղ ասվում է, որ Հայաստանի Հանրապետությունն աջակցում է Օսմանյան Թուրքիայում 1915 թվականի Հայոց ցեղասպանության միջազգային ճանաչմանը: Բացի այդ, ինչպես նշել էր Վարդանյանը, իշխանություններին դուր չի գալիս երկրի Հիմնական օրենքի 18-րդ հոդվածը, որում Հայաստանի Հանրապետությունը ճանաչում է "Հայ Առաքելական Եկեղեցու ՝ որպես ազգային եկեղեցու յուրահատուկ առաքելությունը հայ ժողովրդի հոգեւոր կյանքում, նրա ազգային մշակույթի զարգացման եւ ազգային ինքնության պահպանման գործում": Իշխանությունների համար ոչ պակաս խնդրահարույց է ՀՀ Սահմանադրության 21-րդ հոդվածը, որտեղ խոսվում է Հայաստանի Հանրապետության խորհրդանիշների մասին:
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Փորձագետ. Քաղաքների կայուն զարգացման համար անհրաժեշտ է ընդլայնել որոշումների կայացմանը բնակիչների մասնակցության մեխանիզմները
Քաղաքական գործիչ․ Հայաստանի երրորդ նախագահի հայտարարությունն ընդդիմությանը կարող է զրկել Փաշինյանին իշխանությունից զրկելու միակ քաղաքական հիմքից
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
