Արմինֆո.The Best FIFA Football Awards 2023 մրցանակի "տղամարդկանց ֆուտբոլի 2023 թվականի լավագույն խաղացող" անվանակարգում հաղթող է ճանաչվել "Ինտեր Մայամի" ֆուտբոլային ակումբի և Արգենտինայի հավաքականի հարձակվող Լիոնել Մեսսին: Հարկ է նշել, որ արգենտինացի հարձակվողն այդ մրցանակին արժանանում է երկրորդ տարին անընդմեջ:
FIFA-ի վարկածով տղամարդկանց ֆուտբոլի լավագույն դարպասապահ է ճանաչվել "Մանչեսթեր Սիթիի" եւ Բրազիլիայի հավաքականի դարպասապահ Էդերսոն Մորաեսը:
1950-ականների հունգարական "Ոսկե թիմի" ավագ, հարձակվող Ֆերենց Պուշկաշի պատվին մրցանակը, որպես ամենագեղեցիկ գոլի հեղինակ, շնորհվել է "Բոտաֆոգո Ռիբեյրան Պրետ" -ի բրազիլացի կիսապաշտպան Գիլհերմա Մադրուգային: 23-ամյա բրազիլացին մրցանակ է ստացել Բրազիլիայի երկրորդ դիվիզիոնի խաղում "Նովորիզոնտինոյի" դարպասին կատարած հարվածով խփած գոլի համար:
2023 թվականի Fair play մրցանակով պարգեւատրվել են Բրազիլիայի հավաքականի ֆուտբոլիստները՝ ռասիզմի դեմ գործողությունների համար։
FIFA The Best 2023 "տղամարդկանց ֆուտբոլի լավագույն մարզիչ" անվանակարգում մրցանակի է արժանացել "Մանչեսթեր Սիթիի" գլխավոր մարզիչ Խոսեպ Գվարդիոլան:
Ֆուտբոլի միջազգային ֆեդերացիան (ՖԻՖԱ) հրապարակել է նաև խորհրդանշական հավաքականը, որի կազմում են դարպասապահ Տիբո Կուրտուա ("Ռեալ Մադրիդ", Բելգիա), պաշտպաններ Քայլ Ուոլքերը ("Մանչեսթեր Սիթի", Անգլիա), Ջոն Սթոունզը ("Մանչեսթեր Սիթի", Անգլիա), Ռուբեն Դիաշը ("Մանչեսթեր Սիթի", Պորտուգալիա), կիսապաշտպաններ Քևին դե Բրույնեն ("Մանչեսթեր Սիթի", Բելգիա), Ջուդ Բելինգհեմը ("Ռեալ Մադրիդ", Անգլիա), Բերնարդու Սիլվան ("Մանչեսթեր Սիթի", Պորտուգալիա), հարձակվողներ ՝ Լիոնել Մեսսին ("Ինտեր Մայամի", Արգենտինա), Կիլիան Մբապեն (ՊՍԺ, Ֆրանսիա), Էրլինգ Հոլանդը ("Մանչեսթեր Սիթի", Նորվեգիա), Վինիսիուս Ժունիորը ("Ռեալ Մադրիդ", Բրազիլիա):
Նշենք, որ The Best FIFA Football Awards 2023 մրցանակաբաշխությունը կայացել է հունվարի 15-ին Լոնդոնում: Մրցանակաբաշխությունն անցկացվում է ֆուտբոլի միջազգային ֆեդերացիայի կողմից ՝ սկսած 2016 թվականից: