Հայաստանի արտգործնախարարը ցավակցություն է հայտնել Ճապոնիային՝ ավերիչ երկրաշարժի կապակցությամբ

Արմինֆո. ՀՀ ԱԳ նախարար Արարատ Միրզոյանը ցավակցություն է հայտնել Ճապոնիային ավերիչ երկրաշարժի կապակցությամբ:

"Ես խորապես վշտացած եմ Ճապոնիայի արեւմուտքում տեղի ունեցած ավերիչ երկրաշարժի եւ ցունամիի մասին հաղորդագրություններից, որոնք մարդկային զոհերի եւ զգալի վնասների պատճառ են դարձել ։ Իմ խորին ցավակցությունն եմ հայտնում երկրի ԱԳՆ ղեկավար Յոկա Կամիկավային և զոհերի ընտանիքներին", - գրել է Միրզոյանը՝  «Թվիթերի» իր միկրոբլոգում։

Նշենք, որ հունվարի 1-ին Ճապոնիայի տարածքում  7,6 մագնիտուդի երկրաշարժ է տեղի ունեցել, էպիկենտրոնը Ճապոնիայի կենտրոնական Նոտո թերակղզին էր: Երկրաշարժի հետևանքով հողի շերտը բարձրացել է ավելի քան չորս մետր և շարժվել 130 սմ դեպի արևմուտք։ Բազմաթիվ տներ են փլուզվել, և սկսվել են հրդեհներ։ Լուրջ վնասվածքներ են ստացել ճանապարհները, ինչը դժվարացրել է փրկարարական ծառայությունների աշխատանքը։ Առնվազն 62 մարդ է զոհվել, տասնյակ մարդիկ տուժել են։ Ճապոնիայի կառավարության տվյալներով՝ ավելի քան 97 հազար մարդ տարհանման հրաման է ստացել:

Բացի այդ, հունվարի 2-ին Տոկիոյի "Հանեդա" օդանավակայանում բռնկվել է Japan Airlines ընկերության ուղևորատար ինքնաթիռը, որը գետնին բախվել է առափնյա պահպանության ինքնաթիռին: Օդանավում գտնվող բոլոր 379 մարդիկ տարհանվել են ։ Առափնյա պահպանության ինքնաթիռն ուղևորվում էր երկրաշարժի շրջան՝ տուժածներին սնունդ և առաջին անհրաժեշտության պարագաներ հասցնելու համար: Ինքնաթիռում 5 մարդ  զոհվել։