ՀԱԿ խորհրդարանական խմբակցկության ղեկավար Լևոն Զուրաբյանը Հայաստանի իշխանություններին և պրոֆիլային կառույցներին կասկածում է «Հյուսիս-Հարավ» ավտոմայրուղու կառուցման համար նախատեսված միջոցները վատնելու մեջ: Այդ մասին Զուրաբյանը հայտարարել է այսօր Ազգային ժողովում լսումների ժամանակ:
Ընդդիմադիր գործիչը վկայակոչել է Վերահսկիչ պալատի ղեկավար Իշխան Զաքարյանի նախորդ տարվա հաշվետվությունը բազմաթիվ խախտումների, ֆինանսական մեքենայությունների և չարաշահումների վերաբերյալ, որոնք թույլ էին տրվել այդ ծավալուն նախագծի իրագործման ժամանակ: «ՎՊ ղեկավարի հաշվետվությունում նշվում էր, որ ճանապարհածածկույթը 30 սմ փոխարեն կազմում է 3 սմ: Բացահայտվել են նախահաշվում նշված գումարի գերազանցման բազմաթիվ դեպքեր: Վերահսկիչ պալատը նաև նշել է մայրուղու բազմամթիվ հատվածներում աշխատանքի որակի չափազանց ցածր մակարդակի մասին», - նշել է Զուրաբյանը:
Ի պատասխան` տրանսպորտի և կապի փոխնախարար Արթուր Առաքելյանը պատգամավորին հավաստիացրել է, որ գերատեսչությունում տեղյակ են բոլոր խախտումների և չարաշահումների մասին, որոնք արձանագրված են եղել դեռ մինչև ՎՊ ստուգումների անցկացումը: Նա նշել է, որ եղել են մասնակի բացթողումներ և թերություններ, որոնք արդեն վերացված են:
Հիշեցնենք, 556 կիլոմետր ընդհանուր երկարություն ունեցող «Հյուսիս–Հարավ» միջանցքը ելք կապահովի դեպի Սև ծով և եվրոպական երկրներ Հայաստանի (Մեղրի–Կապան–Գորիս–Երևան–Աշտարակ–Գյումրի–Բավրա) և Վրաստանի տարածքներով։ 1 մլրդ դոլար արժողությամբ ներդրումային ծրագիրն նպատակաուղղված է Հայաստանի հյուսիսի (Վրաստանի հետ սահմանում) և հարավի (Իրանի հետ սահմանում) կապի ապահովմանը տրանսպորտային այնպիսի հաղորդակցությունների միջոցով, որոնք բավարարում են միջազգային բարձր չափանիշներն ու ելք են ապահովում դեպի համաշխարհային շուկաներ։ Ավտոճանապարհը կունենա բետոնե ծածկույթ: Նախագծի իրագործման համար Հայաստանը 500 մլն դոլարի վարկ է ներգրավել Ասիական զարգացման բանկից: Եվս 150 մլն դոլար կտրամադրի Եվրասիական զարգացման բանկը: Հայկական կողմը նախագծի իրացման համար նաև 60 մլն դոլար է ներգրավել Եվրոպական ներրդումային բանկից: Միջանցքի շինարարությունը նախատեսվում է լիովին ավարտել 2019 թվականին: «Հյուսիս-Հարավ» ծագրի առնչությամբ Հայաստանի կառավարությունը հաշվարկել է 2,5 դոլարի խնայողություն յուրաքանչյուր ուղևորի մեկ ժամվա երթևեկության և 1-ական դոլարի խնայողություն 1 տոննա բեռի փոխադրման 1 ժամվա համար: Ինչպես ակնկալում են Հայաստանի իշխանությունները, ծրագիրը թույլ կտա ապագայում մեղմել Ադրբեջանի և Թուրքիայի կողմից շրջափակման հետևանքները, ստանձնել տարանցիկ պետության դեր տարածաշրջանի երկրների բեռանփոխադրումներում, ինչպես նաև միանալ Սևծովյան օղակաձև ավտոմայրուղուն:
Այսօրվա լսումների ժամանակ Ասիական զարգացման բանկի հայկական մասնաճյուղի տնօրեն Դևիդ Դոլը հաղորդել է, որ բանկը նշված 500 մլն դոլարից արդեն հատկացրել է 330 մլն դոլար: Նա ընդսմին հավելել է, որ բանկը բաց է առաջադրված խնդիրների հետագա իրագործման շուրջ Հայաստանի կառավարության հետ քննարկումների համար: «Այս վիթխարի նախագծի կարևորությունը Հայաստանի տնտեսական զարգացման համար դժվար է գերագնահատել», - նշել է նա:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
