Զախարովա. Հենց արևմտամետների մատուցմամբ՝ ոչ մի բառով չեն հիշատակվել Ղարաբաղի հայերի իրավունքների և անվտանգության հարցերը

Արմինֆո. Մոսկվան ողջունում է նոյեմբերի 30-ին հայ-ադրբեջանական սահմանի սահմանազատման հանձնաժողովի ներկայացուցիչների հանդիպումը։ Այդ մասին դեկտեմբերի 6-ին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Նա փաստել է, որ այս միջոցառման ընթացքում կողմերը համաձայնեցրել են մեթոդաբանական, կազմակերպչական հարցեր ՝ սահմանազատման աշխատանքների մեկնարկի նախապատրաստման շրջանակներում: Այս առումով նա կրկին ընդգծել Է Մոսկվայի պատրաստակամությունը ՝ ամեն կերպ աջակցել այդ գործընթացին, այդ թվում ՝ քարտեզագրական տվյալների տրամադրման միջոցով ։ Նրա խոսքով ՝ դա հաստատել է դեկտեմբերի 5-ին Ռուսաստանի ԱԳ նախարարը ՝ Ադրբեջանի գործընկերոջ հետ հանդիպման ժամանակ։

"Ինչ վերաբերում է Ռուսաստանի, Հայաստանի և Ադրբեջանի փոխվարչապետների համանախագահությամբ տարածաշրջանային տրանսպորտային հաղորդակցությունների ապաշրջափակման հարցերով եռակողմ աշխատանքային խմբին, ապա, ինչպես ավելի վաղ նշել էինք, դրա շրջանակներում էական առաջընթաց է գրանցվել ։ Եվ երկու կողմերի քաղաքական կամքի առկայության դեպքում կարող էին օպերատիվ կերպով ավարտել կոնկրետ նախագծերի համաձայնեցումն ու առարկայական գործունեություն ծավալել։ Մենք կարծում ենք, որ եռակողմ աշխատանքային խմբի շրջանակներում կոնկրետ պայմանավորվածությունների հասնելու հետագա ձգձգումը կաշխատի տարածաշրջանի երկրների շահերի, այդ թվում ՝ Հայաստանի շահերի դեմ", - հավելել է նա։

Անդրադառնալով Երևանի և Բաքվի միջև խաղաղության պայմանագրի կնքման հնարավորությանը՝ ռուս դիվանագետը հիշեցրել է, որ Մոսկվան հրավերներ է ուղարկել Երևանին և Բաքվին ՝ Մոսկվայում և բազմակողմ միջոցառումների շրջանակներում հանդիպում կազմակերպելու համար: "Բաքվում մեզ միշտ հաստատել են բանակցություններ վարելու պատրաստակամությունը ։ Ցավոք, նույնը չենք կարող ասել մեր հայ գործընկերների մասին։ Գուցե նրանք կարծում են, որ իրենց նոր խորհրդականները Վաշինգտոնից, Բրյուսելից, Փարիզից կկարողանան ավելի հետաքրքիր, ավելի լավ բան առաջարկել ։ Չգիտեմ, կարծում եմ, որ միշտ պետք է նայել հարևանների նախորդ փորձին: Թե ինչի հանգեցրին ԵՄ հովանու ներքո հավաքները, այդ թվում՝ Պրահայում և Բրյուսելում, մենք բոլորս տեսանք", - ասել Է Զախարովան։

Ընդ որում, նա ենթադրություն է հայտնել, թե, հնարավոր է,  հայ ժողովուրդն ամեն ինչի մասին տեղյակ չէ, քանի որ նրան ամեն ինչի մասին չեն տեղեկացնում։ Միևնույն ժամանակ, նա նախազգուշացրել է սցենարի կրկնությունից, որը կհանգեցնի նոր "անակնկալների": "Հենց արևմտականների մատուցմամբ՝ համապատասխան փաստաթղթերում ոչ մի բառով չեն հիշատակվել Ղարաբաղի հայերի իրավունքների և անվտանգության հարցերը։ Ինչ - որ մեկը հիմա հիշու՞մ է այդ մասին, երբ կրկին ցանկանում է վստահել արևմտյան խորհրդականներին", - հարցրել է Զախարովան։ Ընդ որում, նա հավաստիացրել է, որ եթե այդ կետերը շարադրվեին, ապա հարցեր չէին առաջանա, թե ինչ պետք է անեն այն մարդիկ, ովքեր լքել են իրենց տները, ապավինելով Երեւանի իշխանություններին, որոնք նրանց շատ բան են խոստացել: "Էլի որք՞ան և որտե՞ղ պետք է իրենց դրսևորեն արևմուտքցիները, որպեսզի հասկանալի լինի, որ նրանք երբեք չեն գործի ի շահ այլ երկրների ժողովուրդների ։ Նրանք միշտ գործում են իրենց շահերից ելնելով, իսկ մնացած բոլոր երկրները նրանց պետք են բացառապես այդ նպատակներն իրականացնելու համար ։ Սա պատմականորեն ապացուցված կանոն է", - ամփոփել է Ռուսաստանի ԱԳՆ պաշտոնական ներկայացուցիրը։