Չորեքշաբթի, 29 Նոյեմբերի 2023 15:57

Արմինֆո. Եթե ռազմական գործողությունների ժամանակ բանակը ղեկավարում է ոչ թե հրամանատարը, այլ՝ այլ անձինք, անհրաժեշտ է մանրակրկիտ հետաքննություն անցկացնել: Այդ մասին նոյեմբերի 29-ին լրագրողներին հայտարարել է Արցախի պաշտպանության բանակի նախկին հրամանատար, ԱԽ նախկին քարտուղար Սամվել Բաբայանը՝ 44-օրյա պատերազմի հանգամանքներն ուսումնասիրող խորհրդարանական հանձնաժողովում լսումների ավարտին։

 

<Ես մանրամասն և ազնվորեն ներկայացրել եմ իմ ունեցած տվյալները ինչպես 44-օրյա պատերազմի արդյունքների վերաբերյալ, այնպես էլ դրանից հետո։ Ընդ որում, կոնկրետ դեմքերի մասին ես չեմ խոսել, ներկայացրել եմ միայն պատերազմի առանձին դրվագներ և փաստեր", - ասել է Բաբայանը ՝ միաժամանակ մեղադրելով ՀՀ վարչապետ Նիկոլ Փաշինյանին սխալ կադրային քաղաքականության համար, որը հավատում և վստահում էր նրանց, ում պետք չէր հավատալ։ <Ուրիշ ինչպե՞ս կարելի է բնութագրել բանակում կադրային սխալ որոշումների փաստը: Ակնհայտ է, որ դա դավաճանություն է>, - նշել է Արցախի պաշտպանության բանակի նախկին հրամանատարը,  հավելելով, որ 2020 թվականի նոյեմբերի 9-ի եռակողմ հայտարարության ստորագրումը նույնպես դավաճանություն է։

 

Բաբայանը հայտարարել է, որ շարունակում է պնդել իր նախորդ հայտարարությունը, թե Արցախը հանձնվել է Արցախի և Հայաստանի իշխանությունների դավադիր որոշմամբ: "Եթե ես ինչ - որ բան եմ ասում, ապա հետո տեսակետս չեմ փոխում",- նշել է Արցախի ՊՆ նախկին ղեկավարը