Արմինֆո. Մարդիկ, ովքեր ստիպված լքել են Արցախի իրենց տները, պետք է հնարավորություն ունենան վերադառնալ այնտեղ՝ երբ ցանկանան։ Այս մասին հայտարարել է ԱՄՆ կոնգրեսական Ջիմ Կոստան՝ "Ամերիկայի Ձայն"-ի հետ հարցազրույցում։
Անդրադառնալով արցախցիներին իրենց տները վերադարձնելու հնարավորություններին և այդ իրավունքի իրացման ապահովման մեխանիզմներին՝ ԱՄՆ օրենսդիրը համոզմունք է հայտնել, որ դա խնդրահարույց հարց է: "Ես չեմ կարծում, որ այն փաստը, որ Պետդեպարտամենտը հայտարարել է, թե իրենց հայրենիքը լքած մարդկանց պետք է հնարավորություն տրվի վերադառնալ, լուծում կամ երաշխիք է այն հայերի համար, ովքեր ստիպված են եղել լքել իրենց տները ։ Ես կարծում եմ, որ այս հարցը պետք է հստակ ներկայացվի ապագա քննարկումներում, և ես չեմ կարծում, որ այդ մարդկանց թույլտվություն է պետք։ Նրանք պետք է կարողանան վերադառնալ իրենց տները՝ երբ ցանկանան", - ասել է նա:
Հարցին, թե՝ ով պետք է երաշխավորի Լեռնային Ղարաբաղ վերադառնալ ցանկացողների անվտանգությունը, Կոստան համոզմունք է հայտնել, որ դա պետք է ամրագրվի խաղաղության համաձայնագրում, և հենց այդ պատճառով համաձայնագիրն այդքան կարևոր է: "ԱՄՆ-ը պետք է վստահ լինի, որ դա կլինի ապագա բանակցությունների գլխավոր կետերից մեկը, ինչին համաձայնել է նաև Ադրբեջանը", - նշել է օրենսդիրը:
Միևնույն ժամանակ, նա կարծում է, որ այսօր հիմք կա Հայաստանի և Ադրբեջանի միջև լարվածության համար, իսկ բանակցային սեղանի շուրջ վերադառնալու Ադրբեջանի ցանկության բացակայությունը դրա հաստատումն է։ "Այդ մասին է խոսում նաև Թուրքիայի և Ռուսաստանի հետ գործ ունենալու Նրանց ցանկությունը:
Պարզվել է, որ 2400 ռուս զինվորները, որոնք պետք է խաղաղապահներ լինեին, ոչինչ չեն ձեռնարկել, երբ մարդկանց ստիպել են տարհանվել: Մինչ այդ Լեռնային Ղարաբաղի շրջափակման ժամանակ թույլ չէին տալիս միջանցքով Արցախ տեղափոխել սննդամթերք և դեղորայք ։ Միացյալ Նահանգները պետք է ապահովի արդարություն և համաձայնություն, որը կպահպանեն բոլոր կողմերը", - շարունակել է կոնգրեսականը։
Ճշգրտող հարցին, թե՝ խաղաղության ինչ հեռանկարներ կան Հարավային Կովկասում, Կոստան նշել է, որ աշխարհը կրակի մեջ է, 20 ամիս առաջ Ռուսաստանը ներխուժեց Ուկրաինա, 6 շաբաթ առաջ ՀԱՄԱՍ-ը դաժան հարձակում գործեց Իսրայելի վրա և սպանեց 1400 իսրայելցիների, ինչը սկիզբ դրեց Մերձավոր Արևելքում հակամարտությանը: "Եվ այս ամենի մեջ ավելի քան 100 հազար հայեր կորցնում են իրենց պատմական հայրենիքը։ Դա շատ է դժվարացնում խաղաղությունը Կովկասում", - շարունակել է նա, նշելով, որ Բայդենի վարչակազմը լուրջ մարտահրավերների առջեւ է հայտնվել։
Նրա կարծիքով ՝ ներկայիս պայմաններում ԱՄՆ-ը և եվրոպական դաշնակիցները պետք է միավորվեն և ռազմավարական ծրագիր մշակեն՝ փորձելով ստիպել երկրներին նստել բանակցությունների սեղանի շուրջ, խուսափել հակամարտություններից և պարտավորվել լուծել իրենց տարաձայնությունները խաղաղ ճանապարհով:
Անդրադառնալով Հարավային Կովկասում Ռուսաստանի դերին, ինչպես նաև այն հարցին, թե արդյոք Ռուսաստանը կարող է բարեխիղճ միջնորդ լինել Հայաստանի և Ադրբեջանի միջև, Կոստան համոզմունք է հայտնել, որ՝ ոչ: "Ես կորցրել եմ հավատը Ռուսաստանի հանդեպ։ Ներխուժելով Ուկրաինա՝ Ռուսաստանը խախտեց նախկինում ստորագրված համաձայնագրերը։ Ռուսաստանը ցուցադրում է տալիս բարու և չարի տարբերությունը: Ռուսաստանը նվազող ազդեցություն ունեցող տերություն է, որը ցանկանում է խարխլել ժողովրդավարական երկրների դաշինքները և ԱՄՆ-ի ազդեցությունն աշխարհում: Պուտինն իրեն պատկերացնում է Պետրոս Մեծ, իբր, վերակենդանացնելով հին կայսերական Ռուսաստանը։ Նա մի քանի անգամ հայտարարել է, թե 20-րդ դարի ամենամեծ աղետը ԽՍՀՄ փլուզումն էր, և այժմ փորձում է վերադարձնել կորցրածը ։ Օրինակ, այնպիսի երկրներ, ինչպիսիք են Ուկրաինան, Կովկասը, Հայաստանը, որոնք նայում են դեպի Արևմուտք։ Այդպիսին է Պուտինն այսօր", - ամփոփել է ԱՄՆ կոնգրեսականը։