Չորեքշաբթի, 15 Նոյեմբերի 2023 18:37

Արմինֆո.ՀՀ վարչապետ Նիկոլ Փաշինյանը վստահեցնում է, որ Երևանը, ՀԱՊԿ միջոցառումներին մասնակցելուց հրաժարվելով, հող չի նախապատրաստում կազմակերպությունից դուրս գալու համար: Ընդ որում, նրա ասելով, Երեւանը, գործընկերների՝  իրեն զենք վաճառելու անկարողության պատճառով դիվերսիֆիկացնում է հարաբերությունները անվտանգության ոլորտում։

 

«Ցավոք, ՀԱՊԿ-ը, ի հեճուկս իր դե-յուրե պարտավորությունների, պատշաճ կերպով չարձագանքեց Հայաստանի անվտանգության ոլորտի մարտահրավերներին։ Դա կրկնվել է բազմիցս", - հայտարարել է Փաշինյանը՝ նոյեմբերի 15-ին խորհրդարանում կառավարության ժամի ընթացքում, պատասխանելով ընդդիմադիր պատգամավոր Ագնեսա Խամոյանի հարցին, որը հիշեցրել է, որ օրերս վարչապետը հրաժարվել է մասնակցել ՀԱՊԿ Հավաքական անվտանգության խորհրդի նիստին, որը տեղի կունենա նոյեմբերի 23-ին Բելառուսի մայրաքաղաք Մինսկում: