Արմինֆո. Ֆրանսիա կատարած աշխատանքային այցի շրջանակում ՀՀ պաշտպանության նախարար Սուրեն Պապիկյանը հանդիպումներ է ունեցել Ֆրանսիայի Հանրապետության Ազգային ժողովի ազգային պաշտպանության և զինված ուժերի հանձնաժողովի նախագահ Թոմա Գասիյուի և արտաքին հարաբերությունների հանձնաժողովի նախագահ Ժան-Լուի Բուրլանժի հետ:
Հայաստանի ՊՆ հաղորդագրության համաձայն, քննարկվել են հայ-ֆրանսիական երկկողմ պաշտպանական համագործակցությանն ու տարածաշրջանային անվտանգությանն առնչվող հարցեր:
Պաշտպանության նախարարը շնորհակալություն է հայտնել ֆրանսիացի խորհրդարանականներին՝ համագործակցության զարգացմանն աջակցելու և ազգային ու եվրոպական հարթակներում հայանպաստ գործունեություն ծավալելու համար:
Օրվա ընթացքում նախարար Պապիկյանն այցելել է «Լեզ Էնվալիդ» (Les Invalides) զինհաշմանդամների վերականգնողական և վետերանների աջակցության կենտրոն, ծանոթացել կենտրոնի գործունեությանը:
Հավելենք նաև, որ Փարիզում Հայաստանի և Ֆրանսիայի պաշտպանական գերատեսչությունների ղեկավարների հանդիպման եւ համագործակցության շուրջ պայմանագրի ստորագրման արդյունքների վերաբերյալ Politico պարբերականը հոդված է հրապարակել, որում նշվում է. "Ինչպես հայտարարել Է Ֆրանսիայի կառավարությունը, Ֆրանսիան Հայաստանին վաճառում է ռազմական տեխնիկա, ինչպիսիք են հակաօդային պաշտպանության համակարգերը, քանի որ աճում են մտավախությունները, որ Ադրբեջանը կարող է անցյալ ամիս Լեռնային Ղարաբաղի գրավումից հետո հարձակումներ իրականացնել իր հարևանի տարածքի վրա":
Պարբերականը հավելում է, որ ԱՄՆ պետքարտուղար Էնթոնի Բլինքենի արտահայտած մտահոգությունը, թե՝ գուցե սա Ադրբեջանի տարածաշրջանային նկրտումների վերջը չէ, և ողջ ուշադրությունն այժմ սևեռված է Զանգեզուրի միջանցքին՝ Իրանի հետ Հայաստանի սահմանով անցնող հողակտորին: Վտանգը կայանում է նրանում, որ Բաքվի ուժերի ևս մեկ քայլը կարող է ավելի լայն հակամարտություն հրահրել Հարավային Կովկասում, մի տարածաշրջանում, որտեղ Թուրքիան, Ռուսաստանը և Իրանը ունեն հիմնական ռազմավարական շահեր:
Ֆրանսիան՝ Եվրոպայի ամենամեծ հայկական համայնք ունեցող երկիրը, հասկացրել է, որ չի պատրաստվում անմասն մնալ։ "Նույնիսկ, եթե մենք միեւնույն ռազմական եւ քաղաքական դաշինքների մաս չենք կազմում, մենք ենթադրում ենք այդ պաշտպանական հարաբերությունները, որոնք հիմնված են մի պարզ սկզբունքի վրա. դուք պետք է կարողանաք պաշտպանել ինքներդ ձեզ եւ ձեր քաղաքացիական բնակչությանը", - հայտարարել է Ֆրանսիայի զինված ուժերի նախարար Սեբաստիեն Լեկորնյուն՝ հայ գործընկեր Սուրեն Պապիկյանի հետ մամուլի ասուլիսի ժամանակ:
"Արեւմուտքի կողմից աճող քաղաքական աջակցությունը տեղի է ունենում այն ժամանակ, երբ Հայաստանը փորձում է հեռանալ Ռուսաստանից ։ Չնայած այն հանգամանքին, որ երկիրը Մոսկվայի գլխավորած ՀԱՊԿ ռազմական դաշինքի անդամ է, Ադրբեջանի դեմ հակամարտությունում Ռուսաստանի նախագահ Վլադիմիր Պուտինին ուղղված օգնության մասին երկրի կոչերն անուշադրության են մատնվել, իսկ վարչապետ Նիկոլ Փաշինյանն անցյալ ամիս POLITICO-ին հայտարարել էր, որ ժամանակն է դադարեցնել հույսը դնել Ռուսաստանի վրա՝ պաշտպանության համար:
Անցյալ տարվա սեպտեմբերին Փարիզն սկսել էր ակտիվացնել պաշտպանական համագործակցությունը Երեւանի հետ, Սակայն Ադրբեջանի հարձակումն արագացրեց ռազմական կապերը խորացնելու Ֆրանսիայի պատրաստակամությունը: Անցած ամիս Ֆրանսիան ռազմական կցորդ է ուղարկել Հայաստանում Ֆրանսիայի դեսպանատուն", - նշում է պարբերականը։
Ընդ որում, հաղորդում է, որ "երկուշաբթի օրը Հայաստանը պայմանագիր է ստորագրել Thales-ի արտադրության երեք Ground Master 200 ռադարների գնման մասին, որոնք մատակարարվել են Ուկրաինա ռուսական ագրեսիան հետ մղելու համար, ու նաեւ՝ հեռադիտակներ եւ Safran-ի հետ տվիչներ։ Հայաստանն ու Ֆրանսիան ստորագրել են նաև արձանագրություն MBDA-ի արտադրության "Միստրալ" ԶՀՀ-ների գնման գործընթաց սկսելու մտադրությունների մասին":
Լեկորնյուի ասելով՝ առաջիկա ամիսներին Ֆրանսիան ռազմական պաշտոնյայի կուղարկի Հայաստան ՝ որպես խորհրդատու այնպիսի հարցերի շուրջ, ինչպիսիք են զինված ուժերի պատրաստությունը: Ֆրանսիան նաև կուսուցանի հայ զինվորներին և կօգնի Երևանին ստուգել Հայաստանի հակաօդային պաշտպանությունը՝ կույր գոտիները հայտնաբերելու համար:
Միևնույն ժամանակ, Լեկորնյուն դեմ է արտահայտվել այն մեղադրանքներին, որ ֆրանսիական զենքը կարող է օգտագործվել պատերազմ սկսելու համար: "Դրանք սպառազինության համակարգեր են, որոնք իրենց բնույթով կարող են տեղակայվել միայն Հայաստանի տարածքում ագրեսիայի դեպքում", - ասել է նա։
"Ոչ ոք չի կարող մեղադրել ինքնիշխան պետությանը՝ իր երկինքը և դրա տակ ապրող բնակչությանը պաշտպանելու համար", - հավելել է նա:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
Քաղաքագետ. Հայաստանում իրավիճակը փոխելու միակ հնարավորությունը վաղաժամկետ խորհրդարանական ընտրությունների անցկացումն է
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
Վարդան Ոսկանյան. Բագրատ Սրբազանը այլևս դարձել է ոչ թե միայն Տավուշի, այլ ամբողջ Հայաստանի խարիզմատիկ հոգևոր-հանրային դեմք
Նիկոլ Փաշինյանը չի մասնակցի նաև Հաղթանակի զորահանդեսին Մոսկվայում
Երևանում մայիսմեկյան երթ կանցկացվի. Խաղաղություն, աշխատանք, Մայիս
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
