Արմինֆո. Աշխատանքի և սոցիալական հարցերի նախարարի տեղակալ Դավիթ Խաչատրյանը և վարչապետի մամուլի քարտուղար Նազելի Բաղդասարյանը կառավարության «Հումանիտար կենտրոնից» ներկայացրել են թարմացված տվյալներ Լեռնային Ղարաբաղից բռնի տեղահանված անձանց աջակցությանն ուղղված ծրագրերի ընթացքի վերաբերյալ:
Կառավարության հաղորդագրության համաձայն, Նազելի Բաղդասարյանը ներկայացրել է, որ այս օրերի ընթացքում հավաքագրվել են բոլոր տվյալներն այն կենտրոններից, որտեղ մարդիկ հաշվառվել են: Նա հիշեցրել է, որ Հայաստանի Հանրապետության մարզերում՝ առավել քան 60 կետերում, հաշվառման գործընթաց է տեղի ունենում: «Այս պահին Միգրացիայի և քաղաքացիության ծառայությունը փորձում է համադրել, նույնականացնել տվյալները՝ բացառելով կրկնակի անվանումների զետեղումն այդ ցուցակներում»,-ասել է Նազելի Բաղդասարյանը:
Վարչապետի մամուլի քարտուղարը տեղեկացրել է, որ այս գործընթացին զուգահեռ շարունակվում է միանվագ դրամական աջակցության տրամադրումը և առավել քան 50 տոկոսի հաշվեհամարներին արդեն փոխանցվել է գումարը: Նա հիշեցրել է, որ անչափահասներին այս աջակցության տրամադրման համար անհրաժեշտ է լրացնել նրանց տվյալները dimum.ssa.am հարթակում, որտեղ երեխաների տվյալները կցվում են մոր կամ խնամակալի տվյալներին: Հարթակում զետեղված է նաև ուղեցույց, թե ինչպես պետք է լրացնել երեխայի տվյալները: Այս դիմում լրացման հարցում կարելի է դիմել նաև Միասնական սոցիալական ծառայության աշխատակիցներին և կամավորներին՝ ուղղորդման նպատակով:
Առողջապահության ոլորտի թարմացված տվյալների համաձայն, 278 բուժառու շարունակում է գտնվել Հայաստանի տարբեր բուժհաստատություններում, 95-ի վիճակը գնահատվում է ծանր, 11-ը՝ ծայրահեղ ծանր: Անչափահասների շրջանում կան միջին ծանության հիվանդներ, նրանց թիվը կազմում է 7: 38 ծնունդ է գրանցվել Լեռնային Ղարաբաղից բռնի տեղահանված անձանց ընտանիքներում, որից 14-ը Երևանում է, 24-ը՝ մարզերում: Նազելի Բաղդասարյանը տեղեկացրել է, որ շարունակվում է նաև առողջապահության առաջնային օղակներին կցագրման գործընթացը, ըստ որի՝ 16 448 անձ արդեն կցագրված է պոլիկլինիկաներին և ամբուլատորիաներին: Նա նաև հիշեցրել է, որ բռնի տեղահանված անձինք Հայաստանում բուժումն անցնում են պետական պատվերի շրջանակում:
Ինչ վերաբերում է կրթության ոլորտին, ապա վարչապետի մամուլի քարտուղարի ներկայացմամբ, այս պահի դրությամբ արդեն 9082 երեխա ընդգրկվել է տարբեր կրթական հաստատություններում: Ըստ այդմ՝ Երևանում՝ 2910, Կոտայքում՝ 1561, Արարատում՝ 1322, Արմավիրում՝ 790, Լոռիում՝ 472, Գեղարքունիքում՝ 441, Արագածոտնում՝ 430, Սյունիքում՝ 390, Շիրակում՝ 342, Վայոց ձորում՝ 166, Տավուշում՝ 258:
Աշխատանքի և սոցիալական հարցերի նախարարի տեղակալ Դավիթ Խաչատրյանը ներկայացրել է, որ Կառավարության՝ հոկտեմբերի 3-ին ընդունած «Սոցիալական հրատապ աջակցության միջոցառման մասին» որոշմամբ, արդեն շուրջ 52 600 անձ ստացել է 100 000 դրամ միանվագ աջակցությունը: Ընդհանուր առմամբ՝ 26 963 անչափահաս երեխայի տվյալներց այսօր ժամը 15:00-ի դրությամբ ընդունվել է 17 139 երեխայի տվյալ dimum.ssa.am հարթակի միջոցով: Ընդունված դիմումներից 1005-ի մասով արդեն կատարվել է նույնականացում, 306-ը մերժվել է, 15 828-ը գտնվում է մշակման փուլում, որը կավարտվի 1-2 օրվա ընթացքում:
Մանրամասնելով մերժված դիմումների հիմքը՝ Դավիթ Խաչատրյանը նշել է, որ ամենատարածված խնդիրը շահառու չհանդիսանալն է, այսինքն՝ Լեռնային Ղարաբաղից սեպտեմբերի 24-ից հետո բռնի տեղահանված չլինելն է: Որպես պատճառ նշվել է նաև երկրից բացակայելը, քանի որ ծրագրից օգտվելու պայմաններից մեկը Հայաստանի Հանրապետությունում գտնվելն է: Լինում են նաև ծրագրային խնդիրներ:
Վարչապետի մամուլի քարտուղարը հիշեցրել է նաև, որ Ֆինանսների նախարարությունը գանձապետական հաշիվ է բացել Հայաստանում և արտերկրում բնակվող քաղաքացիների կողմից ցանկացած տարադրամի միջոցով նվիրատվությունների համար: Գանձապետական հաշվի համարն է՝ 900005002762:
Քաղաքագետ. Հայաստանում իրավիճակը փոխելու միակ հնարավորությունը վաղաժամկետ խորհրդարանական ընտրությունների անցկացումն է
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
Նիկոլ Փաշինյանը չի մասնակցի նաև Հաղթանակի զորահանդեսին Մոսկվայում
Երևանում մայիսմեկյան երթ կանցկացվի. Խաղաղություն, աշխատանք, Մայիս
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
