Մոսկվա. Ռուսաստանն ակտիվորեն օգնում է Երևանին և Բաքվին՝ Մեղրիի երթուղու շուրջ պայմանավորվածություն ձեռք բերելու համար

Արմինֆո.Ռուսաստան ակտիվորեն աջակցում ենք ադրբեջանցի և հայ գործընկերներին՝ Մեղրիի երթուղու շուրջ պայմանավորվածության հասնելու հարցում: Այդ մասին RBC-ին տված հարցազրույցում հայտարարել է Ռուսաստանի փոխարտգործնախարար Միխայիլ Գալուզինը, ով համակարգում է ԱՊՀ երկրների հետ հարաբերությունները։

Ճշգրտող հարցին, թե արդյոք տեղաշարժեր կան տարածաշրջանում տրանսպորտային եւ տնտեսական կապերի ապաշրջափակման հարցում, Գալուզինը, մասնավորապես, ասել է. "Այս տարվա հունիսի 2-ին, երբ տեղի ունեցավ եռակողմ աշխատանքային խմբի վերջին նիստը, կողմերը նկատելիորեն առաջընթաց արձանագրեցին տրանսպորտային հաղորդակցությունների ապաշրջափակման ուղղությամբ: Մենք ակնկալում ենք, որ այդ գործընթացը կշարունակվի", - ասել է Գալուզինը: "Մենք կարծում ենք, որ Հայաստանի եւ Ադրբեջանի միջեւ տրանսպորտային հաղորդակցությունների ապաշրջափակումը, այն է ՝ Մեղրիի երթուղու ստեղծումը, որն Ադրբեջանի հիմնական տարածքը կկապի Նախիջեւանի հետ":

Ճշտմանը, թե արդյոք նկատի ունի, այսպես կոչված, "Զանգեզուրի միջանցքը", Գալուզինը նշել է. "Այնուամենայնիվ, խոսքը Հայաստանի տարածքով երկաթուղու մասին է, դրա համար ես ինձ թույլ եմ տվել օգտագործել Մեղրիի երթուղի անվանումը։ Այո, Ադրբեջանում դա կոչվում է Զանգեզուրի միջանցք։ Այնպես ասենք, որ այդ ձևակերպումը գոհացնի բոլորին. մենք ակտիվորեն օգնում ենք մեր ադրբեջանցի և հայ գործընկերներին համաձայնության հասնելու հարցում։ Կարծում ենք, որ այդ պայմանավորվածությունը շատ կարեւոր գործոն կլինի Անդրկովկասում ընդհանուր կայունացման համար"։

Նրա խոսքով, այդ պայմանավորվածությունները կնպաստեն Անդրկովկասյան բոլոր պետությունների տնտեսական զարգացմանը, քանի որ Հայաստանն այդ դեպքում հնարավորություն կստանա դառնալ տրանսպորտային-լոգիստիկ հանգույց, կամրապնդի և կընդլայնի իր տրանսպորտային կապերը և Ադրբեջանի, և Թուրքիայի, և Ռուսաստանի հետ:

"Ադրբեջանը կստանա երկրի երկու հատվածների միջև անխափան ռիթմիկ տրանսպորտային հաղորդակցության հնարավորություն։ Եվ Անդրկովկասում իրավիճակի ընդհանուր կայունացումը կծառայի Հայաստանի և Ադրբեջանի միջև ապագայի համար վստահության հիմքերի ամրապնդմանը։ Այնպես որ, մենք տրամադրված ենք հետագայում ևս առաջ տանել այդ խորհրդակցությունները եռակողմ աշխատանքային խմբի շրջանակներում", - ընդգծել է նա։

Պարզաբանմանը, թե որքանով են հիմնավորված Երևանում մտավախությունները, որ Լեռնային Ղարաբաղից հետո նոր պատերազմ է լինելու հենց Սյունիքի մարզով այդ միջանցքի համար, և ինչպես կարելի է այդ պայմաններում լուծել Հայաստանի և Ադրբեջանի միջև հակասությունները, Գալուզինը համոզմունք է հայտնել, որ դրանք կարելի է լուծել միայն բանակցությունների շարունակմամբ և փոխընդունելի լուծումներ գտնելով՝ եթե խոսենք տեսականորեն: "Իսկ գործնականում մենք ելնում ենք այն բանից, որ պետք է հետագայում ևս հավաքվի եռակողմ աշխատանքային խումբ ՝ կողմերից յուրաքանչյուրի կառավարությունների նախագահների տեղակալների գլխավորությամբ, և յուրաքանչյուր կողմի մասնակցությամբ շարունակի քննարկումը բոլոր իրավասու պետական կառույցների ներկայացուցիչների մասնակցությամբ, որոնք, այսպես թե այնպես, կապված են քննարկվող խնդրի հետ ։ Եվ իհարկե, ամեն ինչ պետք է արվի միջազգային իրավունքի շրջանակներում։ Բայց, ինչ վերաբերում է ձեր նշած մտավախությանը, որ հնարավոր են ինչ-որ ռազմական գործողություններ, ապա, այնուամենայնիվ, Ռուսաստանը ելնում է այն բանից, որ բոլոր խնդիրները ցանկալի է լուծել քաղաքական-դիվանագիտական ճանապարհով",-եզրափակել է նա։

Հայաստանի Սյունիքի մարզի տարածքով Մեղրիի երթուղին շուրջ 40 կմ երկարությամբ տրանսպորտային երթուղու նախագիծ է, որը տրանսպորտային կապ կապահովի Ադրբեջանի արևմտյան շրջանների և նրա էքսկլավի՝ Նախիջևանի Ինքնավար Հանրապետության միջև: Տարածաշրջանում տրանսպորտային ուղիների բացումը նախատեսված էր 2020 թվականի նոյեմբերին ղարաբաղյան երկրորդ պատերազմն ավարտած պայմանավորվածություններով ։