Արմինֆո. Ամերիկայի հայ ազգային կոմիտեն (ANCA) վճռական կոչով դիմել է Ջո Բայդենի վարչակազմին՝ պատասխանատվության ենթարկելու Ադրբեջանի իշխանություններին: Այդ մասին Կապիտոլիումի բլուրում կայացած մամուլի ասուլիսի ժամանակ հայտարարել է ANCA-ի ԱՄՆ կառավարության հետ կապերի գծով տնօրեն Թերեզա Երիմյանը։
Նա կոչ է արել անհապաղ քայլեր ձեռնարկել Ադրբեջանին տրամադրվող ողջ ռազմական օգնությունը դադարեցնելու և այդ երկրի նկատմամբ պատժամիջոցներ կիրառելու համար՝ Արցախի 120-հազար բնիկ հայ քրիստոնյա բնակչության էթնիկ զտման համար: "Այսօր, որպես ամերիկացիներ, մենք իրավամբ և արդարացիորեն վրդովված ենք, որ մեր կառավարությունը զինել, հրահրել, օգնել և համարձակություն է տվել նավթով հարուստ Ալիևի ադրբեջանական ռեժիմին, որն այսօր իրական ժամանակում ցեղասպանություն է իրականացնում Արցախի 120 000 բնիկ քրիստոնյա հայերի նկատմամբ: Ադրբեջանի ագրեսիան՝ Թուրքիայի աջակցությամբ, հսկայական տառապանքներ պատճառեց և խախտեց միջազգային իրավունքը, ներառյալ Ցեղասպանության մասին կոնվենցիայի II(b) և II(c) հոդվածները: Մենք այսօր հավաքվել ենք այստեղ՝ ԱՄՆ-ի կառավարությանը պատասխանատվության ենթարկելու մեր մտադրության մասին հայտարարելու համար։ Այժմ անհրաժեշտ է փրկել այն, ինչը կարելի է փրկել", - ասել է Երիմյանը։
Նա հիշեցրել Է ԱՄՆ նախագահի՝ ՄԱԿ-ի ամբիոնից հնչեցրած խոսքերը, հավելելով, որ դրանցում ճշմարտություն կա, բայց իրականացման որևէ գործողություն չկա: "Մեր Պետդեպարտամենտը վերջերս երդվեց Կոնգրեսի առջեւ, որ չի «հանդուրժի» Ադրբեջանի կողմից Արցախի վրա ոչ մի հարձակում, սակայն, Բաքուն հենց դա էլ արեց։ Մենք, ընդհանրապես, չենք տեսնում Իլհամ Ալիևի՝ ներկայիս սերնդի Սադամ Հուսեյնի դեմ հանդես եկող ամերիկյան ղեկավարություն։ Միայն դատարկ խոստումներ հայերի համար, սպառազինություն ադրբեջանական բանակի համար, ծաղիկներ ՝ Արցախի հուղարկավորությանը", - ասել է ANCA-ի ներկայացուցիչը ՝ մատնանշելով այն սկզբունքների հանդեպ դավաճանությունը, որոնք այսօր պաշտպանվում են։
Երիմյանը նշել է, որ ԱՄՆ վարչակազմը մատը մատին չի տվել Ադրբեջանի կողմից Արցախի շրջափակումը ճեղքելու համար, չի դադարեցրել Բաքվին ռազմական օգնությունը, ոչ մի պատժամիջոց չի սահմանել Ալիևի նկատմամբ։ "Ամոթալի հրաժարում իր բարոյական պարտականությունից։ Վտանգավոր ազդակ այս աշխարհի ավտորիտար իշխանություններին։ Կանաչ լույս հաջորդ ցեղասպանությանը: Նույնիսկ հիմա, այն բանից հետո, երբ Արցախի կեսից ավելին ենթարկվել է բռնի էթնիկ զտման, նախագահ Բայդենը հրաժարվում է ապահովել Ադրբեջանին տրամադրվող օգնությունը սահմանափակող ԱՄՆ օրենքը, հրաժարվում է ապահովել "Ազատության աջակցության մասին" օրենքի 907-րդ բաժնի պահպանում: Սա ուղերձ է թուլության, այլ ոչ թե ուժի, անհանդուրժողականության ուժերի առջև կապիտուլյացիայի, ոչ միայն մեր արժեքների, այլև մեր շահերի դավաճանության մասին, որովհետև Ադրբեջանը մեր դաշնակիցը չէ: Ալիևների ընտանիքը ղեկավարում է նավթով հարուստ բռնապետությունը։ Նրա երեխաները հարյուր միլիոնավոր դոլարների անշարժ գույք ունեն ողջ Եվրոպայում և Մերձավոր Արևելքում: Նրանք կարիք չունեն, և, իհարկե, արժանի չեն մեր ամերիկյան հարկային դոլարներին: Մենք կարող ենք դադարեցնել այսդօգնությունն այսօր: Նախագահ Բայդենը կարող է ապահովել 907-րդ կիրառումը, կամ մեր Կոնգրեսը կարող է չեղարկել օրենքը վերացնելու նախագահի լիազորությունները: Դա այնքան պարզ է: Եթե քաղաքական կամք լինի ։ Մեզ բախտ է վիճակվել այսօր համերաշխություն ցուցաբերել մեր գործընկերների հետ՝ սատարելու հալածյալ քրիստոնյաներին Արցախում, Լիբանանում, Սիրիայում, Իրաքում, Նիգերիայում, Եգիպտոսում, Եթովպիայում և ողջ աշխարհում: Մենք պետք է ռիսկի գոտում գտնվող այս բոլոր կրոնական համայնքներից պահանջենք ամերիկյան առաջնորդություն՝ ամերիկյան գործողություններ։ Արցախի համար դա սկսվում է Ադրբեջանի կողմից Արցախի դեմ ցեղասպանություն հայտարարելուց, այնուհետև Ադրբեջանին ռազմական օգնությունը դադարեցնելուց, նրա բռնապետի դեմ պատժամիջոցներ սահմանելուց և հարյուր հազարից ավելի անօթևան փախստականներին ԱՄՆ-ի կողմից խոշոր մարդասիրական օգնություն ուղարկելուց: Հակառակ դեպքում, դա նշանակում է, որ Բայդենի վարչակազմը պատասխանատվության կենթարկվի հանցագործությունների կատարմանը մեղսակցության համար", - ամփոփել է ANCA-ի ներկայացուցիչը։
Նշենք, որ մամուլի ասուլիսը կազմակերպել էին կոնգրեսական Բրեդ Շերմանը և քրիստոնյաների պաշտպանության կազմակերպությունները:
Քաղաքագետ. Արեւմուտքի կողմից անվտանգության երաշխիքները կհանգեցնեն Հայաստանի համար միանգամայն հակառակ արդյունքի
Քաղաքագետ. ԱՄՆ-ն սկսում է Հայաստանն ընկալել որպես բարեկամ գործընկեր-երկիր
Հայաստանի և Ադրբեջանի միջև խաղաղության պայմանագրի շուրջ բանակցային գործընթացում մրրկային իրավիճակ է ստեղծվել. քաղաքագետ
Փախստականներ եւ քաղաքացիներ. Արցախի բնակիչներին կարգավիճակ տալու գործընթացի նրբությունների մասին
Քաղաքացիություն կամ փախստականի կարգավիճակ. արցախցիների ընտրության ստորջրյա խութերը
Փորձագետ. "Խաղաղության խաչմերուկ" նախագիծը կամ այն ամենը, ինչ ենթադրվում է դրա տակ, լիովին իրագործելի չէ
Զախարովա. ՀԱՊԿ-ը, առավել ևս ներկա պայմաններում, կոչված է կարևոր դեր խաղալ Հարավային Կովկասում կայունության ապահովման գործում
Հայաստանի ՆԳՆ-ը հանդես է եկել պարզաբանմամբ՝ Ուելսի հավաքականի երկրպագուներին առնչվող միջադեպի վերաբերյալ
ԵՄ ներկայացուցիչ. Լեռնային Ղարաբաղի նկատմամբ տեղի ունեցածը միակողմանի ռազմական քայլ է
ԱՄՆ-ում ընդունել են Ադրբեջանին ռազմական օգնությունն արգելող ակտը
Ադրբեջանն սպառնացել է Եվրամիությանը՝ Ժոզեպ Բորելի վերջին հայտարարությունների ֆոնին
Հայաստանում կարող է բարձրացվել քաղաքացիների զորակոչային տարիքը. պատգամավոր
Ղարաբաղի հայերի իրավունքներն ապահովելու անհրաժեշտության մասին ՀՀ-ում Իրանի դեսպանի խոսքերը հիստերիա են առաջացրել Բաքվում
Արցախի օմբուդսմենը Եվրահանձնաժողովի ղեկավարին մեղադրել է երեսպաշտության մեջ
Փորձագետ. Հայաստանի կախվածությունը մեկ ուժային կենտրոնից հավասարազոր է ինքնասպանության
Արցախի ՄԻՊ-ը միջազգային դերակատարների ուշադրությունը հրավիրել է հայերի և ադրբեջանցիների համատեղ ապրելու անհնարինության վրա՝ հրապարակելով Ստեփանակերտում քանդված Շահումյանի արձանի կադրերը
"Պինակա" ՀԿՌՀ-ների գնումից հետո Հայաստանը Հնդկաստանից ձեռք կբերի ԱԹՍ-ների հայտնաբերման և ճնշման համակարգեր. ԶԼՄ
