Արմինֆո. Նախիջևանի և Ադրբեջանի մյուս շրջանների հետ ցամաքային և երկաթուղային ուղիղ կապերի հաստատումն էլ ավելի կամրապնդի մեր հարաբերությունները։ Այդ մասին հայտարարել է Թուրքիայի նախագահ Ռեջեփ Թայիփ Էրդողանը՝ Նախիջևանից վերադառնալուց հետո լրագրողների հետ զրույցում։
"Այս ամուր հարաբերությունների շնորհիվ մենք շատ հարցերի շուրջ էլ ավելի կմեծացնենք անցած տարածությունը։ Այդ իսկ պատճառով մենք ամեն ջանք կգործադրենք, որպեսզի հնարավորինս շուտ բացենք այդ միջանցքը (միջանցք ՀՀ Սյունիքի մարզով - խմբ.)։ Այդ միջանցքի իրականացումը, որը շատ կարևոր է Թուրքիայի և Ադրբեջանի համար, կրում է ռազմավարական բնույթ և պետք է ավարտվի։ Երբ այդ միջանցքը բացվի, Բաքվից մեկնող մեքենաներն ու գնացքները կժամանեն անմիջապես Կարս։ Թուրք-ադրբեջանական եղբայրությունն էլ ավելի կամրապնդվի։ Եթե Հայաստանը չմասնակցի, երթուղին ինչպե՞ս կընթանա։ Իրանով:ս Իրանը դրական է վերաբերվում դրան, այնպես որ, կարող է Իրանի տարածքով դեպի Ադրբեջան ճանապարհ ստեղծվել", - ըստ APA-ի՝ ասել է Էրդողանը։
Անդրադառնալով հայ-թուրքական կարգավորմանը՝ Էրդողանը նշել է, որ Թուրքիան Հայաստանից ակնկալում է ոչ թե գործընթացի ձգձգում, այլ ուժեղ կամքի դրսևորում: "Այս ակնկալիքի մասին ես ասել եմ Հայաստանի վարչապետ Նիկոլ Փաշինյանին՝ սեպտեմբերի 11-ին տեղի ունեցած հեռախոսազրույցի ժամանակ", - հավելել է նա:
"Մենք չենք տեսնում որևէ խնդիր, որը չի լուծվի Ադրբեջանի տարածքային ամբողջականության, ինքնիշխանության և հարևանության իրավունքի պահպանման դեպքում։ Ադրբեջանահայկական գործընթացում առաջընթացի ապահովումը մեծ ներդրում կունենա տարածաշրջանում կարգավորման գործում։ Մենք կշարունակենք աշխատել Ադրբեջանի հետ՝ Հարավային Կովկասում կայունություն, խաղաղություն և բարգավաճում հաստատելու համար", - վստահեցրել է Էրդողանը ։ Ընդ որում, Թուրքիայի առաջնորդը կարծում է, որ Արցախի բռնազավթումից հետո "եկել է կայուն խաղաղության և հանգստության ժամանակը": "Հայաստանի պարտքն է՝ լինել խաղաղության կողմնակից՝ այդ խաղաղությունը հաստատելու և պաշտպանելու համար", - ասել է նա:
Նշենք, որ Թուրքիան և Ադրբեջանը փորձում են ՀՀ Սյունիքի մարզով արտատարածքային միջանցք ստանալ ։ Նրանք վստահեցնում են, որ Հայաստանի վարչապետն իրենց խոստացել է։ Մինչդեռ, պաշտոնական Երևանը հավաստիացնում է, որ ՀՀ-ով ոչ մի միջանցք չի կարող լինել։ Փորձագետները հակված են կարծելու, որ ադրբեջանաթուրքական տանդեմի կողմից Արցախը գրավելուց հետո հերթը կհասնի Սյունիքին։