Արմինֆո. Լեռնային Ղարաբաղից էթնիկ հայերի ելքն անընդունելի է։ Այդ մասին հայտարարել է Գերմանիայի արտաքին գործերի նախարար Աննալենա Բերբոկը՝ Լեռնային Ղարաբաղում իրավիճակի վերաբերյալ ՄԱԿ Անվտանգության խորհրդի հրատապ նիստի ժամանակ։
"Ադրբեջանն ընտրել է ռազմական ուժի ուղին։ Մենք ակտիվորեն դատապարտում ենք Բաքվի հարձակումը, կոչ ենք անում ամբողջությամբ դադարեցնել ցանկացած ռազմական գործողություն։ Շատ մարդիկ մահացան ընդամենը երկու օրվա ընթացքում, հազարավոր մարդիկ ստիպված էին փախչել իրենց տներից: Մենք ի գիտություն ընդունեցինք հրադադարի մասին հաղորդումները, բայց այժմ անհրաժեշտ է բռնության լիակատար դադարեցում։ Ադրբեջանը պատասխանատվություն է կրում այն բանի համար, որպեսզի ողջ ծավալով ապահովի քաղաքացիական բնակչության, հատկապես, երեխաների պաշտպանությունը, որոնք բնակվում են Լեռնային Ղարաբաղում: Լեռնային Ղարաբաղից էթնիկ հայերի ելքն անընդունելի է ։
Թե Հայաստանի, թե Ադրբեջանի տարածքային ամբողջականությունը և ինքնիշխանությունը չպետք է կասկածի տակ դրվեն", - հայտարարել է նա։
Գերմանիայի ԱԳ նախարարի խոսքով ՝ դժվար է պատկերացնել դժվարությունները, որոնք կրում են Լեռնային Ղարաբաղի բնակիչները ամիսներ շարունակ՝ այն բանից հետո, երբ Բաքվի իշխանությունները, պարզապես, արգելափակեցին Քաշաթաղի (Լաչինը) միջանցքը, երբ խանութները դատարկ են, դեղորայք չկա, չկա էլեկտրաէներգիա, վառելիք: "Վերջին մի քանի շաբաթների ընթացքում բազմաթիվ գործընկերների հետ մենք ամենաակտիվ կերպով աշխատել ենք կարիքավորների, հատկապես, հղի կանանց, հաշմանդամների և ծերերի համար մարդասիրական հասանելիություն ապահովելու համար ։ Եվ հենց որ հույսի լույս հայտնվեց, որ հնարավոր կլինի մարդասիրական օգնություն հասցնել Լեռնային Ղարաբաղ, Բաքուն խախտեց մշտական հավաստիացումներն այն մասին, որ ուժ չի կիրառելու։ Դա հանգեցրել է բնակչության լուրջ տառապանքների, որոնք առանց այդ էլ ապրում են բարդ պայմաններում ։
Լեռնային Ղարաբաղի ժողովուրդն արժանի է ապրելու անվտանգության և իրավունքների պաշտպանության պայմաններում", - հավելել է Բերբոքը ։
Ընդ որում, նա բացառիկ կարեւոր է համարել Քաշաթաղի միջանցքի բացումը՝ և ոչ միայն մարդասիրական նկատառումներից ելնելով։ "Սա նաև մշակութային և սոցիալական կամուրջ է էթնիկ հայերի համար, ովքեր
ապրում են Ղարաբաղում։ Բաքուն և Ղարաբաղի հայերը երկխոսության կարիք ունեն։ Այս տարածաշրջանում ապրող ժողովրդին անհրաժեշտ է հաստատուն խաղաղություն Ադրբեջանի և Հայաստանի միջև։ Դրան կարելի է հասնել միայն բանակցությունների սեղանի շուրջ ։ Կոչ եմ անում վերադառնալ Եվրամիության միջնորդությամբ բանակցություններին։
Լեռնային Ղարաբաղի և ողջ տարածաշրջանի տղամարդիկ, կանայք և երեխաները արժանի են ապրելու առանց վախի, որ կարող է բռնություն բռնկվել, որ իրենց կարող են վտարել տներից, որ իրենց կարող են զրկել իրավունքներից, լեզվից, կրոնից ։ Նրանք արժանի են խաղաղ կյանքի: Ոչ մի երկիր չպետք է օգտագործի այս իրավիճակը Հայաստանում ժողովրդավարությունն ապակայունացնելու համար", - ամփոփել է Գերմանիայի ԱԳ նախարարը ։
Քաղաքագետ. Արեւմուտքի կողմից անվտանգության երաշխիքները կհանգեցնեն Հայաստանի համար միանգամայն հակառակ արդյունքի
Քաղաքագետ. ԱՄՆ-ն սկսում է Հայաստանն ընկալել որպես բարեկամ գործընկեր-երկիր
Հայաստանի և Ադրբեջանի միջև խաղաղության պայմանագրի շուրջ բանակցային գործընթացում մրրկային իրավիճակ է ստեղծվել. քաղաքագետ
Փախստականներ եւ քաղաքացիներ. Արցախի բնակիչներին կարգավիճակ տալու գործընթացի նրբությունների մասին
Քաղաքացիություն կամ փախստականի կարգավիճակ. արցախցիների ընտրության ստորջրյա խութերը
Փորձագետ. "Խաղաղության խաչմերուկ" նախագիծը կամ այն ամենը, ինչ ենթադրվում է դրա տակ, լիովին իրագործելի չէ
Զախարովա. ՀԱՊԿ-ը, առավել ևս ներկա պայմաններում, կոչված է կարևոր դեր խաղալ Հարավային Կովկասում կայունության ապահովման գործում
Հայաստանի ՆԳՆ-ը հանդես է եկել պարզաբանմամբ՝ Ուելսի հավաքականի երկրպագուներին առնչվող միջադեպի վերաբերյալ
ԵՄ ներկայացուցիչ. Լեռնային Ղարաբաղի նկատմամբ տեղի ունեցածը միակողմանի ռազմական քայլ է
ԱՄՆ-ում ընդունել են Ադրբեջանին ռազմական օգնությունն արգելող ակտը
Ադրբեջանն սպառնացել է Եվրամիությանը՝ Ժոզեպ Բորելի վերջին հայտարարությունների ֆոնին
Հայաստանում կարող է բարձրացվել քաղաքացիների զորակոչային տարիքը. պատգամավոր
Ղարաբաղի հայերի իրավունքներն ապահովելու անհրաժեշտության մասին ՀՀ-ում Իրանի դեսպանի խոսքերը հիստերիա են առաջացրել Բաքվում
Արցախի օմբուդսմենը Եվրահանձնաժողովի ղեկավարին մեղադրել է երեսպաշտության մեջ
Փորձագետ. Հայաստանի կախվածությունը մեկ ուժային կենտրոնից հավասարազոր է ինքնասպանության
Արցախի ՄԻՊ-ը միջազգային դերակատարների ուշադրությունը հրավիրել է հայերի և ադրբեջանցիների համատեղ ապրելու անհնարինության վրա՝ հրապարակելով Ստեփանակերտում քանդված Շահումյանի արձանի կադրերը
"Պինակա" ՀԿՌՀ-ների գնումից հետո Հայաստանը Հնդկաստանից ձեռք կբերի ԱԹՍ-ների հայտնաբերման և ճնշման համակարգեր. ԶԼՄ
