Ադրբեջանում «քավության նոխազ» են գտել Արցախում ռուս խաղաղապահների սպանության առնչությամբ

Արմինֆո.Ադրբեջանական զինված ուժերի կորպուսի հրամանատարը, որի ենթակաները մեղավոր են ՌԴ խաղաղապահների զոհվելու համար, հեռացվել է պարտականություններից, հանցագործության մեջ առաջին կասկածյալները ձերբակալվել են, հաղորդում է ՏԱՍՍ-ը ՝ վկայակոչելով ՌԴ ուժային գերատեսչությունում իր աղբյուրը:

< Ադրբեջանական զինված ուժերի կորպուսի հրամանատարը, որի ենթակաները մեղավոր են ռուսական խաղաղապահ զորախմբի զինծառայողների մահվան մեջ, հեռացվել է պարտականություններից: Հանցագործության մեջ առաջին կասկածյալները ձերբակալված են", - ասել է աղբյուրը ։

Նշենք, որ նախօրեին թշնամական ուժերը հարվածել են Լեռնային Ղարաբաղում պարեկությունից վերադարձող ՌԽԶ ավտոմեքենային, որում գտնվող 5 խաղաղապահները զոհվել են։ ԱՀ նախագահը զանգահարել է Ռուսաստանի առաջնորդին և ներողություն խնդրել միջադեպի համար ՝ պատրաստակամություն հայտնելով նյութական օգնություն ցուցաբերել զոհվածների ընտանիքներին:

Հավելենք, որ սա առաջին դեպքը չէ, երբ թշնամական կողմն, իբր, սխալմամբ հարվածներ է հասցնում ռուս զինվորականների ուղղությամբ ։ 2020 թվականի նոյեմբերի 9-ին ԱՀ ԶՈՒ-ն ՀՀ տարածքում խոցել է ռուսական ուղղաթիռ, երկու օդաչուներն Էլ զոհվել են ։ Թշնամական կողմն այն ժամանակ նույնպես միայն ներողություն է խնդրել։ Մեղավորները պատասխանատվության չեն ենթարկվել։