Արմինֆո.Եվրախորհրդարանի ավելի քան 60 պատգամավորներ միացել են Եվրախորհրդարանի ֆրանսիացի պատգամավոր Նատալի Լուազոյի՝ Ադրբեջանի նախագահ Իլհամ Ալիևի նկատմամբ պատժամիջոցներ սահմանելու պահանջին: Այս մասին Twitter-ի իր միկրոբլոգում հաղորդել է Եվրոպական խորհրդարանի անվտանգության և պաշտպանության հարցերի ենթակոմիտեի նախագահ Նատալի Լուազոն:
"Եվրախորհրդարանի ավելի քան 60 պատգամավորներ միացել են ինձ և պահանջում են, որպեսզի Եվրոպան պատժամիջոցներ կիրառի Իլհամ Ալիևի ռեժիմի նկատմամբ ՝ Լեռնային Ղարաբաղի հայ ժողովրդի վրա նրա հարձակման համար", - գրել է Լուազոն:
ԵՄ արտաքին քաղաքական ծառայությանն ուղղված իրենց հարցման մեջ Լուազոն և մյուս եվրախորհրդարանականները կոչ են անում ԵՄ-ին գործել՝ դադարեցնելու արցախահայության էթնիկ զտումը և կանխելու հարձակումը, որը կարող է վերածվել նոր պատերազմի: