Սաթի Սպիվակովա Այն, ինչ կատարվում է Արցախում, իրականում մղձավանջ է

Արմինֆո.Այն, ինչ կատարվում է Արցախում, իրականում մղձավանջ է ։ Այդ մասին Instagram սոցիալական ցանցի իր էջում հայտարարել է դերասանուհի, հեռուստահաղորդավարուհի Սաթի Սպիվակովան։

<Ես հաճախ երազում տեսնում եմ տատիկիս. նրա պատմություններն այն մասին, թե ինչպես է նա 12 տարեկանում՝ մեկամյա եղբոր հետ փախել հայրենի տնից ՝ փրկվելով կոտորածից . այն,ինչ այսօր տեղի է ունենում նրա հայրենիքում, իրական մղձավանջ է: Եվ ոչ ուժ կա, ոչ էլ խոսք, որովհետև շատ բան ես ուզում ասել. Աստված շուտ է տեսնում, բայց ուշ է խոսում։ Ժամանակն է! Տեր! Օգնիր!!!> ,- գրել է նա:

Հիշեցնենք, որ սեպտեմբերի 19-ին ՝ ժամը 13:00-ի սահմաններում, ադրբեջանական զինուժը հրետանու և ԱԹՍ-ների կիրառմամբ գնդակոծել է Ստեփանակերտի արվարձանները և Լեռնային Ղարաբաղի այլ քաղաքներ: Պաշտոնական Բաքուն հայտարարել է "լոկալ բնույթի հակաահաբեկչական միջոցառումներ" սկսելու մասին, պնդելով, որ բարձր ճշգրտության զենքի կիրառմամբ հարվածներ է հասցնում միայն ռազմական օբյեկտներին:

Արցախի Հանրապետության Մարդու իրավունքների պաշտպան Գեղամ Ստեփանյանի տվյալներով ՝ ադրբեջանական զինուժի կողմից ագրեսիայի ենթարկված 16 համայնքներից տարհանվել է շուրջ 7 հազար մարդ: Մասնավորապես, նրանք Ասկերանի, Մարտակերտի, Մարտունու և Շուշիի շրջանների բնակիչներ են։ Նրա տվյալներով ՝ ժամը 22:30-ի դրությամբ Լեռնային Ղարաբաղի վրա Ադրբեջանի շարունակական լայնածավալ ահաբեկչական հարձակման հետևանքով կա 27 զոհ, այդ թվում ՝ 7 խաղաղ բնակիչ: Վիրավորների թիվը գերազանցում է 200-ը ։