Երեթշաբթի, 19 Սեպտեմբերի 2023 15:20

Արմինֆո. Անհրաժեշտ է անհապաղ դադարեցնել կրակը Լեռնային Ղարաբաղում և երկխոսություն սկսել Ստեփանակերտի և Բաքվի միջև ՝ խաղաղ գոյակցության հասնելու համար։ Այդ մասին X-ի (Twitter) իր էջում գրել է Հարավային Կովկասում Եվրամիության հատուկ ներկայացուցիչ Տոյվո Կլաարը։

 

"Այսօր ողբերգական լուր ստացանք ականի պայթյունից Ադրբեջանի կորուստների մասին: Սակայն ներկայիս ռազմական գործողությունն էլ ավելի կխորացնի իրավիճակը: Անհապաղ հրադադարը հնարավոր կդարձնի Բաքվի իշխանությունների և Ղարաբաղի հայերի միջև երկխոսությունը, ինչը խաղաղ համակեցության միակ ճանապարհն է", - նշել է Կլաարը։

 

Նշենք, որ այսօր ադրբեջանական զինուժը կրակ է բացել Արցախի ՊԲ ստորաբաժանումների հետ շփման գծի ողջ երկայնքով: