ՄՔԴ նախկին դատախազ. Բայդենի վարչակազմը կարող է դառնալ Արցախում ցեղասպանության համար պատասխանատու

Արմինֆո.Իմանալով, որ Ադրբեջանի նախագահ Իլհամ Ալիևն Արցախում կիրառում է ցեղասպանության մեթոդներ՝ ԱՄՆ նախագահ Ջո Բայդենի վարչակազմի կողմից այդ փաստի ժխտումը կարելի է դիտարկել որպես մեղսակցություն այդ հանցագործությանը: Սեպտեմբերի 6-ին ԱՄՆ Կոնգրեսի մարդու իրավունքների հանձնաժողովում Արցախում տիրող իրավիճակին նվիրված լսումների ժամանակ այդ մասին հայտարարել է Միջազգային քրեական դատարանի նախկին դատախազ Լուիս Մորենո Օկամպոն, որի խոսքը մեջբերում է Ամերիկայի Հայ դատի հանձնախումբը։

Նրա խոսքով՝ անհնար է մասնակցել բանակցություններին, երբ Ալիևն օգտագործում է ցեղասպանությունը՝ որպես ճնշման գործոն։ <Բանակցություններն ընթանում են ցեղասպանության կազմակերպիչների և զոհերի միջև: Դուք չեք կարող պահանջել բանակցություններ Հիտլերի և Օսվենցիմի մարդկանց միջև: Դա բանակցություններ չեն։ Դուք պետք է դադարեցնեք Օսվենցիմը, ապա քննարկեք բանակցությունները: Եվ դրանում է, կարծում եմ, ողջ գաղտնիքը", - ասել է Օկամպոն՝ ԱՄՆ նախագահ Ջո Բայդենին կոչ անելով վերջ դնել Ադրբեջանի ցեղասպան քաղաքականությանը: <Նախագահ Բայդենը կամ պետքարտուղար Բլինքենը

կարող են պաշտոնապես Ալիևին հրամայել վաղն եւեթ անվերապահորեն վերացնել Լաչինի միջանցքի արգելափակումը, հակառակ դեպքում՝ մենք նրանց պատասխանատու կհամարենք ցեղասպանության համար, ինչը, անծուծտ, բազմաթիվ հետևանքներ կառաջացնի", - հայտարարել է Օկամպոն։

Մարդու իրավունքների ենթակոմիտեի նախագահ, Մարդու գլոբալ իրավունքների հանձնաժողովի համանախագահ, կոնգրեսական Քրիսթոֆեր Սմիթ, իր հերթին, նշել է, որ "այդ սարսափելի հանցագործությունը ծրագրվել, փորձարկվել եւ պարտադրվել է Ադրբեջանի կառավարության կողմից, այսինքն ՝ նախագահ Ալիեւի կողմից, որն իր երկիրը կառավարում է բռնապետի երկաթե ձեռքով": <Կան 120 000 էթնիկ հայեր, որոնց Ադրբեջանի կառավարությունը զրկել է պարենի և դեղորայքի հասանելիությունից ՝ դատապարտելով նրանց սովի Քաղցը>, - ասել է Սմիթը:

Կոնգրեսականը Բայդենի վարչակազմի պաշտոնյաներին քննադատել է լսումներին մասնակցելու բազմակի հրավերներին չպատասխանելու համար: <Այս լսումներին երկու դատարկ աթոռ կա՝ ԱՄՆ Պետդեպարտամենտի եւ ԱՄՆ ՄԶԳ: Ես նրանց խնդրեցի ներկայացուցիչներ տրամադրել այս լսմանը։ Չնայած հեռախոսով և էլ.փոստով կրկնվող խնդրանքներին, նրանցից ոչ մեկը չպատասխանեց: 1995 թվականից ի վեր ես նախագահել եմ հարյուրավոր լսումներ, որոնց մասնակցում էին Պետդեպարտամենտի կամ USAID-ի ներկայացուցիչները: Սա պատասխանի բացարձակ բացակայության եզակի դեպք է", - ասել է Սմիթը:

Նա նշել է Ադրբեջանի կողմից Արցախի դեմ ագրեսիայի էսկալացիային և շրջափակմանը համարժեք արձագանքելու Բայդենի վարչակազմի անկարողությունը: "Այսօր Պետդեպարտամենտը հրապարակել է պետքարտուղար Բլինքենի եւ նախագահ Ալիեւի սեպտեմբերի 1-ի հեռախոսազրույցի տեքստը, որում նա "մտահոգություն է հայտնել վատթարացող հումանիտար իրավիճակի կապակցությամբ ՝ կրկնելով աշխատանքը վերսկսելու կոչը եւ ընդգծելով երկխոսության եւ փոխզիջման անհրաժեշտությունը", ինչը բոլորովին անհամարժեք եւ վիրավորական կոչ է: Մի կողմը ցեղասպանություն է իրականացնում մյուսի նկատմամբ, Իսկ Պետդեպարտամենտը մտահոգություն է հայտնում՝ զոհին երկխոսության եւ փոխզիջման կոչ անելով", - ընդգծել է կոնգրեսականը։

"Այն, որ Բայդեն-Հարիսի վարչակազմը հրաժարվել է լսումներին ԱՄՆ Պետքարտուղարության կամ USAID-ի առնվազն մեկ ներկայացուցիչ ուղարկելու Սմիթի բազմաթիվ խնդրանքներից, խոսուն կերպով վկայում է Արցախում ցեղասպանության խրախուսմանն ուղղված Բայդեն - Հարիսի վարչակազմի քաղաքականության սնանկության մասին", - իր ելույթում նշել է ANCA-ի ներկայացուցիչ Արամ Համբարյանը:

Մինչդեռ, Կոլումբիայի համալսարանի ՝ Արցախում տիրող իրավիճակի վերաբերյալ նախագծի տնօրեն, Ջորջթաունի համալսարանի պրոֆեսոր Դեյվիդ Լ. Ֆիլիպսը համոզիչ ցուցմունքներ է ներկայացրել, վկայակոչելով Ադրբեջանի կառավարության պաշտոնյաների կողմից Արցախում և Հայաստանում հայերի նկատմամբ իրականացված վայրագությունները՝ կոչ անելով ԱՄՆ վարչակազմին նրանց նկատմամբ կոնկրետ պատժամիջոցներ սահմանել: