Արմինֆո. ԱՄՆ օրենսդիրները ՄԱԿ-ին առընթեր ԱՄՆ մշտական ներկայացուցիչ Լինդա Թոմաս Գրինֆիլդին կոչ են արել ճնշում գործադրել Ադրբեջանի կառավարության նկատմամբ՝ Քաշաթաղի (Լաչինի) միջանցքի ապաշրջափակման համար։ Այդ մասին Twitter-ի իր միկրոբլոգում հաղորդել է ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը։
"Այսօր սենատոր Ալեքս Պադիլան և ես նամակ ենք հղել ՄԱԿ-ին առընթեր ԱՄՆ մշտական ներկայացուցչին ՝ կոչ անելով նրան ՄԱԿ Անվտանգության խորհրդի բոլոր անդամների հետ համատեղ ճնշում գործադրել Ադրբեջանի կառավարության նկատմամբ՝ շրջափակումը վերացնելու և կանխելու համար այն, ինչը, ինչպես վկայում են փաստերը, Լեռնային Ղարաբաղի ժողովրդի էթնիկ զտման համակարգված փորձ է", - գրել է Մենեդեսը:
ԱՄՆ մշտական ներկայացուցչին ուղղված նամակում, որը հրապարակել է Մենենդեսը, մասնավորապես ասվում է: "Մենք գրում ենք, որպեսզի կոչ անենք ձեզ կոշտ դիրքորոշում որդեգրել Լեռնային Ղարաբաղի ճգնաժամի վերաբերյալ ՄԱԿ Անվտանգության խորհրդի այսօրվա արտակարգ նիստում ՝ հումանիտար ճգնաժամը լուծելու համար: Ութ ամիսների ընթացքում Ադրբեջանն աստիճանաբար խստացրել է շրջափակումը, որը կոչված է Լեռնային Ղարաբաղի հայերին զրկել առաջին անհրաժեշտության ապրանքների, այդ թվում ՝ սննդամթերքի եւ դեղորայքի հասանելիությունից: Հունիսի 15-ին Ադրբեջանը փաստացի դադարեցրել է բոլոր կարեւոր մարդասիրական օգնության առաքումը, ինչը ծանր հետեւանքներ է ունեցել այնտեղ ապրող տասնյակ հազարավոր մարդկանց, այդ թվում ՝ երեխաների, ծերերի եւ հիվանդություններ ու հաշմանդամություն ունեցող բնակիչների համար: Գրեթե մեկ ամիս առաջ, վիրավորելով միջազգային մարդասիրական իրավունքը և մարդկային տարրական արժանապատվությունը, Ադրբեջանը սկսեց մերժել Կարմիր խաչի միջազգային կոմիտեի (ԿԽՄԿ) մուտքը ՝ վերջին մնացած մարդասիրական կազմակերպությունը, որն ունակ է կենսական օգնություն հասցնել բնակչության խոցելի խմբերին:
Անցյալ ամիս ԿԽՄԿ-ն հաղորդեց, որ "մրգերը, բանջարեղենը և հացը դառնում են ավելի սակավ և թանկ", մինչդեռ, "այլ սննդամթերքներ, ինչպիսիք են կաթնամթերքը, արևածաղկի ձեթը, հացահատիկը, ձուկը և հավը, անհասանելի են", նշելով նաև, որ "մարդիկ ստիպված են խնայել դեղերը և առաջին անհրաժեշտության իրերը, ինչպիսիք են հիգիենայի պարագաներնը և մանկական սնունդը": Այսօր մենք գիտենք, որ իրավիճակն էլ ավելի է վատթարացել. լրագրողները հրապարակում են դատարկ մթերային խանութների լուսանկարներ և հայտնում, որ շտապօգնության մեքենաներն այլևս վառելիք չունեն:
Ադրբեջանի գործողությունները ոչ այլ ինչ են, քան դարեր շարունակ այնտեղ բնակվող հայ համայնքի էթնիկ զտման փորձ ։ Իրոք, այս ամսվա սկզբին Միջազգային քրեական դատարանի նախկին գլխավոր դատախազ Լուիս Մորենո Օկամպոն զեկույց է հրապարակել, որում ասվում է, որ "ողջամիտ հիմքեր կան ենթադրելու, որ ցեղասպանություն է տեղի ունենում":
Մենք ոգևորված ենք, որ Միացյալ Նահանգները սատարել է հանդիպում հրավիրելու կոչին։ Որպես ՄԱԿ Անվտանգության խորհրդի նախագահ՝ մենք խնդրում ենք Ձեզ աշխատել ՄԱԿ Անվտանգության խորհրդի բոլոր անդամների հետ, որպեսզի ճնշում գործադրեք Ադրբեջանի կառավարության նկատմամբ, որպեսզի նա վերացնի շրջափակումը և կանխի այն, ինչը վկայում է Լեռնային Ղարաբաղի բնակչության էթնիկ զտմանն ուղղված համակարգված ջանքերի առկայության մասին: Մասնավորապես, մենք հորդորում ենք Ձեզ ներկայացնել բանաձև, որը կոչ է անում անհապաղ դադարեցնել շրջափակումը", - ասվում է նամակում։
Հիշեցնենք, որ 2022 թվականի դեկտեմբերի 12-ից Արցախը գտնվում է Ադրբեջանի կողմից շրջափակման մեջ ։ Եթե մինչև ս.թ. հունիսի 15-ը Կարմիր խաչի միջազգային կոմիտեն և ռուս խաղաղապահները հնարավորություն ունեին գոնե սահմանափակ քանակությամբ առաջին անհրաժեշտության սննդամթերք հասցնել Արցախի պաշարված բնակչությանը, ապա հունիսի 15-ից հետո այդ հնարավորությունն էլ չկա: Արցախի 120 հազար բնակչությունը սովամահության շեմին է՝ միջազգային հանրության անգործության ֆոնին։ Հուլիսի 26-ից Հայաստանի կառավարության կողմից 360 տոննա մարդասիրական բեռով բեռնատարները կանգնած են Կոռնիձորում և սպասում են պաշարված Արցախ մեկնելու հնարավորությանը:
Օգոստոսի 15-ին Արցախում արձանագրվել է սովամահության առաջին դեպքը։ 40-ամյա արցախցին մահացել է թերսնուցումից։
Հավելենք նաև, որ օգոստոսի 12-ին Հայաստանը դիմել Է ՄԱԿ Անվտանգության խորհրդին ՝ Լեռնային Ղարաբաղի շուրջ ստեղծված իրավիճակի վերաբերյալ հրատապ նիստ հրավիրելու խնդրանքով: Հավելենք նաև, որ իրավունքի ոլորտի միջազգային փորձագետներն արդեն իսկ արցախցիների նկատմամբ Ադրբեջանի գործողությունները որակում են որպես ցեղասպանություն:
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
