Արմինֆո.ՀՀ հակակոռուպցիոն կոմիտեում իրականացված քրեական վարույթով ձեռք բերված ապացույցներով հիմնավորվել է, որ Խ. Ա.-ն, 2013-2018 թվականների ընթացքում զբաղեցնելով ՀՀ ոստիկանության պետական պահպանության գլխավոր վարչության (ՊՊԳՎ) Արմավիրի պահպանության բաժանմունքի պետի պաշտոնը, նույն բաժանմունքի աշխատակիցների օժանդակությամբ և հիշյալ ժամանակահատվածում ՀՀ ոստիկանության ՊՊԳ վարչության պետի պաշտոնը զբաղեցրած անձանց կազմակերպմամբ յուրացրել է առանձնապես խոշոր չափերով գումարներ, ինչպես նաև կեղծել պաշտոնական փաստաթղթեր։ Այդ մասին հաղորդում է Հակակոռուպցիոն կոմիտեի մամուլի ծառայությունը:
«Մասնավորապես՝ նախաքննությամբ պարզվել է, որ Խ. Ա.-ն 2013 թվականի հունիսի 29-ից 2018 թվականի հունիսի 23-ն ընկած ժամանակահատվածում ֆիզիկական և իրավաբանական 42 անձանց հետ կնքել է օբյեկտների պահպանության իրականացման մասին պայմանագրեր, որոնց հիման վրա պահպանության բաժանմունքի ծառայողներն ամսական վարձավճարների դիմաց իրականացրել են տվյալ օբյեկտների պահպանությունը: Նշված ժամանակահատվածում ՀՀ ոստիկանության ՊՊԳ վարչության պետի պաշտոնը հաջորդաբար զբաղեցրած Ռ. Մ.-ն, Վ. Մ.-ն և Ա. Զ.-ն՝ յուրաքանչյուրն իր հերթին, Խ. Ա.-ին հրահանգել են հիշյալ պայմանագրերի հիման վրա տնտեսվարող սուբյեկտների կողմից տրամադրվելիք վարձավճարներից հափշտակել գումարներ՝ իրենց տալով հափշտակված գումարներից ամսական մասնաբաժին՝ երաշխավորելով, որ հափշտակությունը չի բացահայտվի:
Խ. Ա.-ն, չունենալով կանխիկ գործարքներ իրականացնելու իրավունք, հիշյալ տնտեսվարող սուբյեկտների հետ ձեռք է բերել բանավոր պայմանավորվածություն՝ պայմանագրերով նախատեսված վարձավճարները համապատասխան հաշվեհամարներին փոխանցելու փոխարեն առձեռն իրեն տրամադրելու վերաբերյալ: Այնուհետև Խ. Ա.-ն նույն բաժանմունքի ջոկի հրամանատար Ա. Ա.-ին հանձնարարել է մատուցված պահպանության ծառայության դիմաց տնտեսվարող սուբյեկտներից ամսական գանձվող գումարները ստանալ առձեռն և փոխանցել իրեն: Ըստ այդմ՝ Ա. Ա.-ն Խ. Ա.-ի հանձնարարությամբ յուրաքանչյուր ամիս հիշյալ տնտեսվարող սուբյեկտներից առձեռն հավաքագրել է սահմանված գումարները և դրանք ամբողջությամբ փոխանցել Խ. Ա.-ին: Վերջինս, սակայն, նշված գումարները չի փոխանցել բաժանմունքի արտաբյուջետային հաշվեհամարին, իսկ հափշտակության հանգամանքը քողարկելու նպատակով իրեն օժանդակող՝ տարբեր տարիներին բաժանմունքի հաշվապահի պաշտոնը զբաղեցրած Ս. Վ.-ի և Գ. Ա.-ի հետ նախնական համաձայնությամբ կեղծել է համապատասխան հաշվետվությունները, որոնցում ներառվել են կեղծ տեղեկություններ այն մասին, թե իբր հիշյալ տնտեսվարող սուբյեկտները չեն վճարել կամ մասամբ են վճարել կնքված պայմանագրով նախատեսված վարձավճարները:
Արդյունքում՝ Խ. Ա.-ն վերը նշված անձանց օժանդակությամբ յուրացրել է բաժանմունքի հաշվեհամարին փոխանցման ենթակա առանձնապես խոշոր չափերով, ընդհանուր՝ 49․472․474 ՀՀ դրամը, որից Ռ. Մ.-ի պաշտոնավարման ժամանակահատվածում վերջինիս է փոխանցել 11.900 ԱՄՆ դոլարին համարժեք 4.918.032 ՀՀ դրամ, Վ. Մ.-ի պաշտոնավարման ժամանակահատվածում նրան է փոխանցել 17.000 ԱՄՆ դոլարին համարժեք 8.239.390 ՀՀ դրամ, իսկ Ա. Զ.-ի պաշտոնավարման ժամանակահատվածում նրան է փոխանցել 18.000 ԱՄՆ դոլարին համարժեք 8.678.520 ՀՀ դրամ։
Վերը նշված հանցավոր արարքների կատարման համար՝
Խ. Ա.-ին մեղադրանք է ներկայացվել ՀՀ քրեական օրենսգրքի 256‑րդ հոդվածի 3‑րդ մասի 3‑րդ կետով և 445‑րդ հոդվածի 1‑ին մասով,
Ա. Ա.-ին՝ ՀՀ քրեական օրենսգրքի 46‑256‑րդ հոդվածի 3‑րդ մասի 3‑րդ կետով,
Գ. Ա.-ին՝ ՀՀ քրեական օրենսգրքի 46‑256‑րդ հոդվածի 3‑րդ մասի 3‑րդ կետով և 445‑րդ հոդվածի 1‑ին մասով
Ռ. Մ.-ին և Ա. Զ.-ին՝ ՀՀ քրեական օրենսգրքի 46‑256‑րդ հոդվածի 3‑րդ մասի 3‑րդ կետով:
Հիշյալ մեղադրյալների վերաբերյալ քրեական վարույթով նախաքննությունն ավարտվել է: Վարույթի նյութերը մեղադրական եզրակացությամբ հանձնվել են հսկող դատախազին՝ այն դատարան ուղարկելու միջնորդությամբ», - ասվում է հաղորդագրությունում:
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
Փաշինյանը քաղաքացիներին հրավիրում է Իրական Հայաստանի գաղափարախոսության նախագծի քննարկման
