Ադրբեջանն սկսել է Արցախի օկուպացված Աղավնո գյուղի ապօրինի բնակեցումը

Արմինֆո. Ադրբեջանն սկսել է Արցախի օկուպացված Աղավնո գյուղի ապօրինի բնակեցումը։ Հիշեցնենք, որ գյուղն ադրբեջանական վերահսկողության տակ է անցել անցած տարվա օգոստոսին։ Հայ բնակչությունը բռնի տեղահանվել է գյուղից։

Ինչպես հաղորդում են ադրբեջանական լրատվամիջոցները, փախստականների և հարկադիր վերաբնակների հարցերով պետական կոմիտեն տեղեկացրել է օգոստոսի 7-ին գյուղ վերադարձվող ընտանիքների միջև բնակարանների բաշխման համար վիճակահանություն անցկացնելու մասին: Վիճակահանությանը մասնակցել է 20 ընտանիք (88 մարդ): Ըստ ընտանիքների թվի ՝ նրանցից 4-ն ապահովված են 2 սենյականոց, 4-3 սենյականոց, 8 - 4 սենյականոց և ևս 4-5 սենյականոց առանձնատներով:

Հաղորդվում է նաև, որ առաջիկա օրերին նրանք կտեղափոխվեն Աղավնո։ Հավելենք, որ բնակեցումը տեղի է ունենում 2020 թվականի նոյեմբերի 9-ի եռակողմ հայտարարության դրույթների կոպիտ խախտմամբ, որտեղ ամրագրված է, որ տարածքների բնակեցումը պետք է իրականացվի ՄԱԿ-ի Փախստականների հարցերով գերագույն հանձնակատարի գրասենյակի (ՄԱԿ ՓԳՀ) աջակցությամբ ։