Զախարովա. Հարավային Կովկասի գործերին ՆԱՏՕ-ի ներգրավումը ապակայունացում կբերի եւ երկար ժամանակով կհետաձգի խաղաղությունը

Արմինֆո. Մոսկվան բազմիցս ընդգծել է, որ ՀՀ-ում ԵՄ առաքելությունը ենթակա է Ռուսաստանի հետ աշխարհաքաղաքական դիմակայության խնդրին։ Այդ մասին հուլիսի 26-ին ամենշաբաթյա մամուլի ասուլիսի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ՝ անդրադառնալով Հայաստանում ԵՄ դիտորդական առաքելության գործունեությանը։

"Երևանի և Բաքվի միջև հարաբերությունների կարգավորման գործում որևէ ներդրման մասին խոսք, իհարկե, չի գնում։ Երկկողմ հարաբերություններում ԵՄ առաքելությունից, իմ կարծիքով, միայն առկայծում եղավ։ Հայ-ադրբեջանական սահմանին ԵՄ քաղաքացիական առաքելությունը բախումների դեմ ոչ մի համադարման չդարձավ։ Ավելորդ անգամ այս ամենը հաստատում է մեր գնահատականները առ այն, որ ապաէսկալացման հիմնական մեխանիզմներից մեկը պետք է լինի հայ-ադրբեջանական սահմանի սահմանազատման երկկողմ հանձնաժողովի աշխատանքը", - ասել է ռուս դիվանագետը, ողջունելով նրա հերթական ՝ չորրորդ նիստը, որը տեղի է ունեցել հուլիսի 12-ին՝ երկար դադարից հետո։ Այս առումով նա վերահաստատել է կողմերին խորհրդատվական աջակցություն ցուցաբերելու Մոսկվայի պատրաստակամությունը։

Միևնույն ժամանակ, Զախարովան հայտարարել է, որ կանադացիների հայտնվելը Հայաստանում այդ առաքելության կազմում, ամենայն հավանականությամբ, հաստատում է, որ արտաքին քաղաքական ինքնուրույնությունն ամբողջությամբ կորցրած ԵՄ-ն զբաղված է ԱՄՆ-ի և ՆԱՏՕ-ի շահերի սպասարկմամբ:

"Սա բացատրում է, թե ինչու Հայաստանում ԵՄ առաքելությանը, որն իր մեջ ներառում է մոտ հարյուր մարդ, հարկավոր է մի քանի կանադացի մասնագետ։ Եվ՝ թե ինչպիսի մասնագետներ են դրանք, մենք նույնպես կռահում ենք: Մենք քաջատեղյակ ենք կանադական խաղաղապահության առանձնահատկություններին։ Հենց այսպիսի կանադացի մասնագետներն են 2015 թվականից ի վեր ակտիվորեն պատրաստել ուկրաինացի գրոհայիններին INIFAER գործողության շրջանակներում", - նշել է նա։

Մեկնաբանելով Պենտագոնի հետ հայ պաշտոնյաների շփումների մասին հարցը՝ Զախարովան նշել է, որ Մոսկվայում տեսնում են ՆԱՏՕ-ի երկրների, այդ թվում ՝ ԱՄՆ-ի և Թուրքիայի մեծ հետաքրքրության դրսևորում Հարավային Կովկասի նկատմամբ: "Վստահ ենք, որ դաշինքի ներգրավումը տարածաշրջանի գործերին ապակայունացում կբերի և երկար ժամանակով հետ կմղի լիարժեք, լիաֆորմատ եւ լիակատար խաղաղ կարգավորումը", - եզրափակել Է Զախարովան: