Մոսկվան Երևանին մեղադրել է եռակողմ պայմանավորվածությունների էությունից շեղվելու համար և Բաքվին կոչ է արել ապաշրջափակել միջանցքը

Արմինֆո.2022 թվականի հոկտեմբերին և 2023 թվականի մայիսին Եվրամիության հովանու ներքո անցկացվող գագաթաժողովներում Հայաստանը Լեռնային Ղարաբաղը ճանաչել է Ադրբեջանի տարածքի մաս։ Այդ մասին ասվում է Ռուսաստանի ԱԳՆ հուլիսի 15-ի հայտարարությունում։

"Մենք հարգանքով ենք վերաբերվում Հայաստանի ղեկավարության ինքնիշխան որոշմանը, սակայն դա արմատապես փոխել է այն հիմնարար պայմանները, որոնց ներքո ստորագրվել է Ռուսաստանի, Ադրբեջանի և Հայաստանի ղեկավարների 2020թ. նոյեմբերի 9-ի հայտարարությունը, ինչպես նաև տարածաշրջանում տեղակայված ռուսական խաղաղապահ զորակազմի վիճակը։

Կարծում ենք, որ այս պայմաններում պետք չէ Ղարաբաղի հայ բնակչության ճակատագրի համար պատասխանատվությունը բարդել երրորդ երկրների վրա։ Պետք է անհապաղ սկսել Բաքվի և Երևանի միջև խաղաղության պայմանագրի նախապատրաստումը՝ հենվելով ավելի վաղ ձեռք բերված պայմանավորվածությունների վրա։

Ելնում ենք այն բանից, որ այդ համաձայնագրի անքակտելի մաս պետք է դառնան Ղարաբաղի հայերի իրավունքների և անվտանգության հուսալի և հստակ երաշխիքները, ինչպես նաև Ռուսաստանի, Ադրբեջանի և Հայաստանի միջև եռակողմ պայմանավորվածությունների ողջ համալիրի անշեղ կատարումը, ներառյալ տրանսպորտային հաղորդակցությունների ապաշրջափակումը և հայ-ադրբեջանական սահմանի սահմանազատման գործընթացի մեկնարկը:

Հաշվի առնելով վերոգրյալը՝ ռուսական կողմը վերահաստատում է Լեռնային Ղարաբաղի բնականոն կենսագործունեության վերականգնմանն ուղղված միջազգային հանրության ջանքերին ակտիվորեն նպաստելու տրամադրվածությունը: Պատրաստ ենք մոտ ժամանակներս Մոսկվայում կազմակերպել արտգործնախարարների եռակողմ հանդիպում՝ քննարկելու բարձր մակարդակով պայմանավորվածությունների կատարման ուղիները, ներառյալ խաղաղության պայմանագրի համաձայնեցման թեման, որին հաջորդելու է Մոսկվայում կայանալիք ռուս-ադրբեջանահայկական գագաթնաժողովը՝ վերոհիշյալ փաստաթղթի ստորագրման համար։

Մտահոգություն է հարուցում այն հանգամանքը, որ այսօր Լեռնային Ղարաբաղի շուրջ իրավիճակը զարգանում է բացասական սցենարով։ Խորանում է հումանիտար ճգնաժամը տվյալ տարածքում։ Տեղի բնակչությունը սննդաաաամթերքի, դեղորայքի, առաջին անհրաժեշտության իրերի սուր պակաս է զգում, գործնականում, զրկված է էլեկտրա-և գազամատակարարումից։ Դա կարող է ամենադրամատիկ հետեւանքներ ունենալ Ղարաբաղի հայերի՝ տարածաշրջանի հասարակ բնակիչների համար։

Կոչ ենք անում Ադրբեջանի ղեկավարությանը շտապ միջոցներ ձեռնարկել Լաչինի միջանցքի անհապաղ ապաշրջափակման, դրանով քաղաքացիների, տրանսպորտային միջոցների և բեռների անարգել տեղաշարժը երկու ուղղություններով վերսկսելու, ինչպես նաև տարածաշրջանի էներգամատակարարման վերականգնմնա համար", - ընդգծել են ՌԴ ԱԳՆ-ում: