Արմինֆո. 2023թ. հուլիսի 11-ին Իրավունքի և արդարության «Թաթոյան» հիմնադրամը Քերքոնեան Դաջանի ընկերության հետ համագործակցությամբ Վաշինգտոնում խմբային հայց են ներկայացրել Մոհամադ Ռեզա Վազիրիի` Anglo-Asian Mining Company-ի գործադիր տնօրենի դեմ` կապված Ադրբեջանի կողմից Արցախի շարունակվող շրջափակման հետ:
Ինչպես հաղորդել է «Թաթոյան» հիմնադրամի մամուլի ծառայությունը, հայցն այն մասին է, որ պատասխանող Վազիրին օգնել և նպաստել է Խոշտանգումների զոհերի պաշտպանության ակտի խախտմանը, ինչպես նաև օգնել և նպաստել է Արցախի հայերի կեղծ բանտարկությանը` նպատակ ունենալով մուտք գործել և ապահովել Արցախի թանկարժեք մետաղների հանքարդյունահանումը:
Գործը կոչվում է Լալաբեկյանն ընդդեմ Վազիրիի և վերաբերում է մոտ 120,000 մարդկանց, որոնք արդեն 7 ամիս է ինչ ենթարկվում են շարունակական տառապանքի` Ադրբեջանի կողմից ենթարկվելով ֆիզիկական մեկուսացման և շրջափակման: Փաստաբաններն են՝ Արման Թաթոյանը, Գառնիկ Քերքոնեանը, Էլիզաբեթ Ալ-Դաջանին, Անի Նազարյանը, Լաուրա Սեֆերյանը եւ Կարօ Ղազարեանը:
Ինչպես ավելի վաղ գրել էր ԱրմԻնֆո-ն, այն բանից հետո, երբ Հայաստանն Արցախին կապող միակ ճանապարհը արգելափակվեց, այսպես կոչված, ադրբեջանցի էկոակտիվիստների և Ադրբեջանի ուժային կառույցների ներկայացուցիչների կողմից, ԶԼՄ-ներում տեղեկատվություն տարածվեց, որ Ադրբեջանի կառավարությունը Բրիտանական Anglo Asian Mining Company ընկերությանը փոխանցել է Արցախի Մարտակերտի շրջանում գտնվող Կաշենի հանքի կառավարումը ՝ 2022 թվականի հուլիսին 3 մլրդ դոլար արժողությամբ գործարքի շրջանակներում:
Մեծ Բրիտանիայում պաշտոնապես գրանցված Anglo Asian Mining Company-ն իր կայքում հաղորդել է, որ 2022 թվականի հուլիսի 5-ի կոնցեսիոն համաձայնագիրը ներառում է երեք հանք, որոնց ընդհանուր մակերեսը կազմում է 340 քառակուսի մղոն: Ադրբեջանի կողմից ընկերությանը հանձնված հանքերից մեկը Արցախի Հանրապետության Մարտակերտի շրջանում գտնվող Կաշենի պղնձամոլիբդենային հանքավայրն է: Լրատվամիջոցները գրում են, որ ընկերությունն իր հաղորդագրության մեջ օգտագործել է Կաշենի ադրբեջանական անվանումը և հաղորդել, որ 2016 թվականի հունվարի դրությամբ հանքի պաշարները կազմել են 275 հազար տոննա պղինձ և 3,2 հազար տոննա մոլիբդեն: Նշվում է, որ ընկերությունն օգտագործել է նախկինում հանքավայրը շահագործող հայկական Base Metals ընկերության կողմից հրապարակված տվյալները:
Հաղորդվում է նաև, որ բրիտանական ընկերության բաժնետերերից մեկը ԱՄՆ նախկին նախագահ ավագ Ջորջ Բուշի աշխատակազմի ղեկավար Ջոն Սունունուն է (ընկերության բաժնետոմսերի 9,3%-ի սեփականաատեր): Նշվում է, որ Սունունու ընտանիքի մյուս անդամները նույնպես մասնակցում են ընկերության կառավարմանը: Բաժնետոմսերի ևս 3,5 տոկոսը պատկանում է Limelight Industrial Developments ընկերությանը, որի մասին հրապարակային տեղեկատվություն չկա, գրում է պարբերականը:
Anglo Asian Mining-ի խոշորագույն բաժնետերը ծնունդով Իրանից Ռեզա Վազիրին է (Reza Vaziri) ՝ 28% բաժնեմասով, որն իր բիզնեսն իրականացնում է Ադրբեջանում:
Նշենք, որ 2022 թվականի դեկտեմբերի 10-ին մի խումբ ադրբեջանցիներ փորձել են մուտք գործել ԼՂՀ-ում գործող երկու հանքեր, սակայն ղարաբաղցիները թույլ չեն տվել։ Երկու հանքերն էլ արդեն 6 ամիս չեն գործում՝ ադրբեջանական շրջափակման պատճառով։
Base Metal-ը ներկայումս Կաշենի հանքավայրի օպերատորն է և Արցախի խոշորագույն հարկատուն։ Ըստ նրա տարեկան զեկույցի, 2021 թվականին ընկերությունը վճարել է ավելի քան 22 միլիոն դոլարի հարկեր, մինչդեռ, պատերազմից առաջ այդ գումարը կազմում էր մոտ 48 մլն դոլար։ Ընկերությունը Vallex Group-ի կազմում է: Բացի Կաշենից, Vallex-ը կառավարում է Դրմբոնի ոսկու հանքը, որը նույնպես գտնվում է Արցախի Մարտակերտի շրջանում: Կաշենի հանքավայրում երկրաբանահետախուզական աշխատանքները սկսվել են 2007թ.: Vallex Group-ի տվյալներով՝ հանքավայրում ներդրվել է շուրջ 130 մլն դոլար:
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
