Հայաստանի վարչապետը կայցելի Վրաստան

Արմինֆո. Հայաստանի վարչապետ Նիկոլ Փաշինյանը հուլիսի 7-ին կայցելի Վրաստան: Այդ մասին հաղորդում են վրացական լրատվամիջոցները ՝ վկայակոչելով Վրաստանի կառավարության աշխատակազմի հաղորդագրությունը։

Աշխատանքային այցի շրջանակներում նախատեսված է Հայաստանի վարչապետի հանդիպումը Վրաստանի վարչապետ Իրակլի Ղարիբաշվիլիի հետ՝ ինչպես առանձնազրույցի, այնպես էլ ընդլայնված ձևաչափով:

Վրաստանը և Հայաստանը դիվանագիտական հարաբերություններ են հաստատել 1992թ. հուլիսին: Երկրները համագործակցում են առևտրի, տրանսպորտի, էներգետիկայի և զբոսաշրջության ոլորտներում։

Այս տարիների ընթացքում Վրաստանը և Հայաստանը միմյանց միջև ձևակերպել են միջազգային բնույթի 88 փաստաթուղթ՝ առևտրի, արտադրողների սեփականության իրավունքների պաշտպանության, թմրամիջոցների և հոգեմետ նյութերի ապօրինի շրջանառության դեմ պայքարի և այլ ոլորտներում: