Փորձագետ. Փաշինյանի դեպքում գործ ունենք ծուռ հայելիների աշխարհի հետ, որտեղ միակ խնդիրն Արարատ լեռն է

Արմինֆո.Կես տարվա շրջափակումից հետո հինգ օր անգամ մարդասիրական բեռներ չեն հասնում Արցախ։ Դա կարող է հանգեցնել սովի: Այդ մասին իր Telegram-ալիքում գրել է Ադրբեջանի գծով փորձագետ Տաթևիկ Հայրապետյանը։

«Էլ ինչպե՞ս պետք է դրսևորվի էթնիկ զտումների քաղաքականությունը, որպեսզի ակնհայտ դառնա, որ 120 հազար հայ, որոնցից 30 հազարը՝ երեխա, այսօր վտանգված է: Այդ նույն ժամանակ, Հայաստանի առաջնորդը հերթական մենախոսությունն է կարդում Ազգային ժողովում, առաջ քաշում Մադրիդյան սկզբունքների և բանակցային գործընթացի կիսաճշմարտություններ, կեղծ բացահայտումներ, մոլորեցնող նոր տեքստեր։ Նա հանրային դաշտ է նետում հին սկավառակը. մեղավոր են նախկին իշխանավորները, ռուսները, բանակը, բոլորը՝ բացի իրենից", - նշել է քաղաքագետը։

Նա նշել է, որ հնարավոր է, որ այս առաջնորդը անսպառ ցանկություն ունի շարունակել խոսել և մեր հանրային դաշտը լցնել անհասկանալի դատողություններով, բայց այսօր հայ ժողովուրդը կանգնած է լուրջ վտանգի առաջ: «Նա և իր թիմը կամ տեղյակ չեն, կամ, պարզապես, լուռ հետևում են, թե ինչ է կատարվում: Նրանք պատասխանատու են այսօրվա իրավիճակի համար։ Թող չմոռանան, թե ով էր Արցախը Ադրբեջանի մաս ճանաչած առաջնորդը, ես դա չեմ ասել, դա ասել է Բորելը>, - նշել է Հայրապետյանը։

Նա հավելել է, որ անհրաժեշտ էր բազմաթիվ զանգեր կատարել միջազգային գործընկերներին, ջանքեր գործադրել Արցախում հումանիտար աղետը կանխելու համար: <Բայց Փաշինյանի դեպքում գործ ունենք ծուռ հայելիների աշխարհի հետ, որտեղ միակ խնդիրը Արարատ լեռն է", - գրել է փորձագետը: