Մարզպետ. Ադրբեջանն իր առջև նպատակ է դնում խոչընդոտել Հայաստանի սահմանամերձ բնակավայրերի բնականոն զարգացումը

Արմինֆո. Ադրբեջանն իր առջև նպատակ է դնում խոչընդոտել Հայաստանի սահմանամերձ բնակավայրերի բնականոն զարգացմանը: Այդ մասին  հունիսի 15-ին լրագրողների հետ զրույցում հայտարարել է Արարատի մարզպետ Սեդրակ Թեւոնյանը։

Հիշեցնենք, որ հունիսի 13-ից ադրբեջանական ստորաբաժանումները պարբերաբար գնդակոծում են Երասխի ուղղությամբ տեղակայված հայկական դիրքերը: Հունիսի 14-ին ՀՀ ՊՆ-ն հաղորդել էր, որ Ադրբեջանի զինված ուժերը կրակ են բացել Երասխում օտարերկրյա ներդրումներով կառուցվող մետալուրգիական գործարանի ուղղությամբ, ինչի հետևանքով Հնդկաստանի 2 քաղաքացի է վիրավորվել:

Մարզպետը նշել է, որ բնապահպանական խնդիրների առկայության մասին ադրբեջանական կողմի պնդումները չեն համապատասխանում իրականությանը: "Վստահեցնում եմ, որ ոչ մի բնապահպանական խնդիր չկա, Բաքվի միակ նպատակը սահմանամերձ բնակավայրերի զարգացմանը խանգարելն է", - ընդգծել է մարզպետը: Նա հավելել է, որ միջազգային գործընկերները հրավիրվել են Երասխ ՝ գործարանի տարածք, որպեսզի տեսնեն այն ամենը, ինչ կատարվում է և իրենց ներդրումն ունենան խնդրի լուծման գործում: "Այս պահին միայն շինարարական աշխատանքներ են ընթանում, եւ բնապահպանական որեւէ խնդիր այս պահին այստեղ չկա", - ընդգծել է մարզպետը:

Թևոնյանի խոսքով ՝ ամերիկյան կողմը մետաղագործական ձեռնարկությունում ավելի քան 70 մլն դոլար է ներդրել։ Գործարանի շինարարության ավարտից հետո կստեղծվի մոտ 1000 աշխատատեղ։