Գեներալ-լեյտենանտ Ջալալ Հարությունյանի նկատմամբ քրեական վարույթը ժամանակավորապես կասեցվել է

Արմինֆո. Պաշտպանության բանակի նախկին հրամանատար, գեներալ-լեյտենանտ Ջալալ Հարությունյանի նկատմամբ քրեական վարույթը ժամանակավորապես կասեցվել է:

Ինչպես հայկական ԶԼՄ-ներին պատմել է Քննչական կոմիտեի մամուլի քարտուղար Գոռ Աբրահամյանը, հետապնդումը կասեցնելու մասին որոշումը կայացրել է դատախազը ՝ վարույթն իրականացնող քննիչի միջնորդությամբ, այն հիմքով, որ նշանակվել է ռազմագիտական փորձաքննություն: Նրա խոսքով՝ ստացված արդյունքներն էական դեր են ունենալու իրավական գնահատականներ տալու առումով։

Հիշեցնենք, որ 2020 թվականի փետրվարի 24-ին Ջալալ Հարությունյանը գլխավորել է Պաշտպանության բանակը: Նա ղեկավարել է ՊԲ-ն և 2020 թվականի սեպտեմբեր-նոյեմբեր ամիսներին Արցախի դեմ լայնածավալ ռազմական ագրեսիայի ընթացքում։ Նա ՊԲ ղեկավարի պաշտոնը լքել է 2020 թվականի հոկտեմբերի 27-ին՝ լուրջ վիրավորում ստանալուց հետո. ԱԹՍ-ը գրոհել էր մեքենան, որով նա տեղաշարժվում էր։

Մարտական գործողությունների ավարտից և երկարատև վերականգնումից հետո Հարությունյանը նշանակվել է ՀՀ ՊՆ ռազմական վերահսկողության ծառայության պետի պաշտոնում: Այնուհետև նրան մեղադրանք է առաջադրվել ծառայողական պարտականությունների նկատմամբ անփույթ վերաբերմունքի համար, ինչն առաջացրել է ծանր հետևանքներ՝ կենդանի ուժի և զինտեխնիկայի, դիրքերի հսկայական կորուստներ:

2022թ. սեպտեմբերի 2-ին նրան մեղադրանք է առաջադրվել երկու դրվագով ՝ 2003թ.ապրիլի 18-ին ընդունված ՀՀ քրեական օրենսգրքի 376-րդ հոդվածի 3-րդ մասով (համապատասխանում է ՀՀ գործող քրեական օրենսգրքի 550-րդ հոդվածի 3-րդ մասին), նույն օրը վերջինիս նկատմամբ որպես խափանման միջոց է ընտրվել ելքի արգելքը, դադարեցվել են լիազորությունները: Նախաքննությունը շարունակվում է: