Arminfo.info



 Ուրբաթ, 2 Հունիսի 2023 11:16
Ալեքսանդր Ավանեսով

Փաշինյան. Ուկրաինայի հետ պատերազմում մենք Ռուսաստանի դաշնակիցը չենք

Փաշինյան. Ուկրաինայի հետ պատերազմում մենք Ռուսաստանի դաշնակիցը չենք

Արմինֆո. ՀՀ վարչապետ Նիկոլ Փաշինյանը մայիսի 4-5-ին Չեխիայի Հանրապետություն կատարած պաշտոնական այցի շրջանակում հարցազրույց է տվել CNN Prima News հեռուստաընկերությանը: Նախօրեին վարչապետի մամուլի ծառայությունը հրապարակել է հարցազրույցի սղագրությունը:

 

CNN Prima News – Ակնհայտ է, որ այսօր Հայաստանի գլխավոր խնդիրը Լեռնային Ղարաբաղի իրավիճակն է։ Լեռնային Ղարաբաղում այս պահին մնացել է շուրջ 120.000 հայ: Նրանք կախված են մեկ ցամաքային միջանցքից, որը վերահսկվում է ռուսական զորքի կողմից։ Այսպիսով, ինչպիսի՞ն է այս պահին Լեռնային Ղարաբաղում բնակչության տնտեսական, հումանիտար և անվտանգային վիճակը։

Վարչապետ Նիկոլ Փաշինյան – Գիտեք, որ նախորդ տարվա դեկտեմբերից Ադրբեջանն ապօրինի կերպով արգելափակել է Լաչինի միջանցքը: Ինչո՞ւ ենք ասում ապօրինի, որովհետև նոյեմբերի 9-ի եռակողմ հայտարարության համաձայն, Լաչինի միջանցքը ստեղծվել է Լեռնային Ղարաբաղի հայերի, Լեռնային Ղարաբաղի կապը Հայաստանի Հանրապետության հետ ապահովելու համար: Եվ համաձայն եռակողմ հայտարարության՝ Ադրբեջանը որևէ վերահսկողություն այդ միջանցքի նկատմամբ չպետք է ունենա: Ընդ որում՝ միջանցքը ոչ միայն ճանապարհ է, այլև 5 կմ լայնությամբ անվտանգության գոտի: Արգելափակումը, այդ բերումով, ապօրինի է:

Արգելափակման հետևանքով Լեռնային Ղարաբաղում առաջացել է հումանիտար ճգնաժամ, որովհետև նախ մարդիկ զրկված են տեղաշարժի իրավունքից, երկրորդ՝ սննդի և առաջին անհրաժեշտության ապրանքների մատակարարումները տեղի են ունենում ընդհատումներով՝ խաղաղապահների և Կարմիր խաչի միջոցով: Եվ դրա հետևանքն այն է, որ մարդիկ ապրանքներ խանութներից կարող են գնել միայն կտրոններով, որոնք թողարկվել են Լեռնային Ղարաբաղի կառավարության կողմից, որպեսզի սննդի պաշարները կարողանան կառավարել:

Նախորդ տարվա դեկտեմբերից շարունակական բնույթ են կրում Լեռնային Ղարաբաղի բնական գազի և էլեկտրական էներգիայի անջատումները, և այս պահին էլ բնական գազ և էլեկտրական էներգիա Լեռնային Ղարաբաղին չի մատակարարվում: Ձմռան ամիսներին դրա ամենակարևոր հետևանքն այն էր, որ փակվել էին բոլոր դպրոցները և մանկապարտեզները, բարձրագույն ուսումնական հաստատությունները, և շուրջ 30 000 երեխաներ և ուսանողներ զրկվել էին կրթության իրավունքից: Իհարկե, եղանակների տաքացման հետ, արդեն և՛ մանկապարտեզները, և՛ դպրոցները, և՛ բուհերը բացվել են, և կրթական պրոցեսը վերականգնվել է:

Հաջորդ կարևոր հանգամանքը, որ այս իմաստով պետք է նշել հետևյալն է. 2023 թվականի արդեն փետրվարին Արդարադատության միջազգային դատարանը միջանկյալ որոշում կայացրեց, որով Ադրբեջանին պարտավորեցնում էր ապաարգելափակել Լաչինի միջանցքը՝ ապահովելու քաղաքացիների և ապրանքների տեղաշարժը Լաչինի միջանցքով: Ադրբեջանն այդ որոշման պահանջը, որն իրավական պարտադիր ուժ ունի, որովհետև Արդարադատության միջազգային դատարանը միջազգային բարձրագույն դատական ատյանն է, ըստ էության, ոչ միայն չկատարեց, այլև մոտ տասն օր առաջ ապօրինի կերպով անցակետ տեղադրեց Լաչինի միջանցքում: Սա արդեն ոչ միայն 2020 թվականի նոյեմբերի 9-ի եռակողմ հայտարարության, այլև Արդարադատության միջազգային դատարանի կայացրած որոշման խախտումն է:

Հիմա, ինչո՞ւ է Ադրբեջանն այս ամենն անում: Մեր գնահատականը և համոզմունքն այն է, որ սրանք առանձին վերցրած գործողություններ չեն, այլ նախապատրաստություններ՝ Լեռնային Ղարաբաղում էթնիկ զտումներ իրականացնելու, երբ խոսքը գնում է էթնիկական զտումների մասին, խոսքը այն մասին է, որ ըստ Ադրբեջանի՝ Լեռնային Ղարաբաղում հայերն ընդհանրապես չպետք է ապրեն:

CNN Prima News – Հայաստանը 90-ականների սկզբից ի վեր բավականին մեծ կախում ունի Ռուսաստանից անվտանգության տեսանկյունից, դուք ունեք ռուսական ռազմաբազա Հայաստանում, ունեք ռուսական սպառազինություն, երկուսդ էլ անվտանգային պայմանագրի կազմակերպության անդամ եք, ուստի ես մի տեսակ երկակի հարց ունեմ՝ դա խելացի՞ քայլ էր, և մյուս կողմից այլ տարբերակներ ունեի՞ք:

Վարչապետ Նիկոլ Փաշինյան – Ըստ էության, մենք այսօր գտնվում ենք մի իրավիճակում, երբ որոշակի հիասթափություն կա Հավաքական անվտանգության պայմանագրի կազմակերպության գործունեության վերաբերյալ, որովհետև Հավաքական անվտանգության պայմանագրի կազմակերպությունն այն հիմնական մեխանիզմն է, որով Հայաստանի Հանրապետությունը պիտի ապահովեր իր անվտանգությունը: Բայց 2021 թվականի մայիսին և նոյեմբերին և 2022 թվականի սեպտեմբերին Ադրբեջանի ձեռնարկած ագրեսիաների ընթացքում Հավաքական անվտանգության պայմանագրի կազմակերպության ոչ պատշաճ արձագանքը որոշակի հիասթափություն է առաջացրել առաջին հերթին Հայաստանի ժողովրդի շրջանում, որովհետև որոշակի վստահություն կար, որ Հավաքական անվտանգության պայմանագիրը հուսալի մեխանիզմ է անվտանգության ապահովման:

Բայց դա տեղի չունեցավ, և նաև սա էր պատճառը, որ մենք ՀԱՊԿ-ի երևանյան գագաթնաժողովի ընթացքում հնարավոր չհամարեցինք կոնսենսուսի հաստատումը մի շարք հիմնարար փաստաթղթերի վերաբերյալ: Բայց ես ուզում եմ, որ մենք հարցը դիտարկենք նաև հակառակ կողմից, որովհետև դա վնասակար է նաև կազմակերպության համար, որովհետև, ըստ էության, այն ինչ տեղի ունեցավ իմ նշած ժամանակաշրջանում Հայաստանի հետ, դա առաջին հերթին հարվածում է Հավաքական անվտանգության պայմանագրի կազմակերպության հեղինակությանը: Այսինքն, սա նաև հենց իր՝ կազմակերպության համար որոշակի հետևանքներ կունենա:

CNN Prima News – Կարծում եմ՝ ամբողջ պատերազմի ընթացքում, և անցյալ տարվա նոյեմբերին Երևանում կայացած գագաթնաժողովի ժամանակ, երբ Դուք հրաժարվեցիք ստորագրել փաստաթուղթը, և պարոն Լուկաշենկոն ցնցված էր, իսկ պարոն Պուտինն ակնհայտորեն զայրացած էր, ես նրան երկար ժամանակ այդքան զայրացած չէի տեսել, և զայրացած թողեց հեռացավ։

Վարչապետ Նիկոլ Փաշինյան – Դրանք աշխատանքային իրավիճակներ են, և Ձեր նշած ամփոփումից հետո աշխատանքային ճաշ է տեղի ունեցել, և մենք հանդարտ, փոխադարձ հարգանքի մթնոլորտում քննարկել ենք գործերի ընթացիկ վիճակը և թե ինչպես կարող ենք հաղթահարել ստեղծված իրավիճակը:

CNN Prima News – Ինչպե՞ս են Ձեր անձնական հարաբերությունները Վլադիմիր Պուտինի հետ. նա կարծես շատ սառը մարդ է, գրեթե առանց զգացմունքների: Նրա հետ աշխատանքային հարաբերություններ ունե՞ք, կամ անձնական հարաբերություններ ունե՞ք, թե՞ ոչ, թե՞ դա երկու պետության գործն է։

Վարչապետ Նիկոլ Փաշինյան – Ընդհանուր առմամբ, պիտի ասեմ, որ էկրաններից երևացող տպավորությունները, իրական կյանքի տպավորությունները, այն բարդությունները, որոնք մենք ապրում ենք և այն բարդ ժամանակաշրջանները, որոնցում մենք գտնվում ենք, տարբեր շերտեր են իրականում: Եվ այո՛, մեր շփումը Ռուսաստանի Դաշնության նախագահի հետ շատ ինտենսիվ է եղել և շարունակում է ինտենսիվ լինել:

Մենք այս ամիս առնվազն 2 անգամ կհանդիպենք: Եվ պիտի ասեմ, որ դա և՛ անձնական շփում է, և՛ քաղաքական շփում է, և՛ աշխատանքային շփում է: Այլ բան, որ հատկապես հիմա մենք շատ չենք քննարկում, կամ համարյա չենք քննարկում այն հարցերը, որոնք չեն վերաբերում մեր երկկողմ հարաբերությունների օրակարգին կամ մեր տարածաշրջանային օրակարգին: Ես Ձեզ անկեղծ մի բան ասեմ՝ Հայաստանը չափից ավելի մեծ խնդիրներ ունի՝ ավելի լայն տարածաշրջանի և աշխարհամասերի հոգսը նույնպես իր ուսերին կրելու համար: Մեր հոգսերը, ցավոք, ավելի քան բավարար են, և մենք մեր հարաբերություններում՝ Եվրամիության, Միացյալ Նահանգների և Ռուսաստանի հետ, փորձում ենք լուծել մեր օրակարգի խնդիրները, ինչն ինչպես տեսնում եք, ցավոք, միշտ չէ, որ հաջողվում է:

CNN Prima News – Իսկ ինչպիսի՞ն է Հայաստանի դիրքորոշումն ուկրաինական պատերազմի, Ուկրաինայի վրա ռուսական ագրեսիայի վերաբերյալ, որովհետև մի կողմից դուք Ռուսաստանի դաշնակիցն եք, մյուս կողմից մենք ականատեսն ենք լինում Ռուսաստանի Դաշնության կողմից շատ անցանկալի արարքների Ուկրաինայում։

Վարչապետ Նիկոլ Փաշինյան –Դուք ասացիք, որ մենք Ռուսաստանի դաշնակիցն ենք: Իհարկե, սրա մասին երբեք բարձրաձայն չի ասվել, բայց կարծում եմ՝ դա տեսանելի է. Ուկրաինայի հետ պատերազմում մենք Ռուսաստանի դաշնակիցը չենք: Եվ մեր զգացումն այդ պատերազմից, այդ հակամարտությունից՝ անհանգստություն է, որովհետև դա ուղիղ ազդում է մեր բոլոր հարաբերությունների վրա:

Արևմուտքում նկատում են, որ մենք Ռուսաստանի դաշնակիցն ենք, ավելի շատ դա են նկատում, Ռուսաստանում տեսնում են, որ մենք Ուկրաինայի պատերազմում իրենց դաշնակիցը չենք, և ստացվում է, որ մենք այս իրավիճակում ոչ մեկի դաշնակիցը չենք, ինչը նշանակում է, որ խոցելի ենք: Որովհետև, ընդ որում, թվում է, թե կա տարբերակ խուսանավել այս բոլոր բախումների միջև, բայց նաև ճշմարտությունն այն է, որ ինչքան բարդանում է իրադրությունը, այնքան նեղանում է խուսանավելու հնարավորությունը: Մենք ոչ թե խուսանավում ենք նրա համար, որ մենք կարծիքներ չունենք իրավիճակի վերաբերյալ, այլ մենք խուսանավում ենք քիչ առաջ իմ ասածի պատճառով, որ մեր հոգսերը, ցավոք, ավելին են, քան թույլ կտան մեզ ավելի շատ ներգրավված լինել այլ հոգսերի լուծման գործում:

CNN Prima News – Հայաստանը շատ բարդ քաղաքական իրավիճակում է. ձեր խոշոր հարևանն է՝ Թուրքիան, Ռուսաստանը տարածաշրջանային այլ մեծ տերություն է, կա նաև Իրանը, իսկ Եվրամիությունը, թվում է, բավականին հեռու է, բայց ինչպե՞ս կարող է իրատեսորեն Եվրամիությունն օգնել լուծելու Հայաստանի՝ Լեռնային Ղարաբաղի բարդ հարցը։ Մենք իրականում տարբերակներ ունե՞նք, մեր ձեռքում որևէ լծակներ կա՞ն:

Վարչապետ Նիկոլ Փաշինյան – Նախ մեր ռազմավարությունը հենց Ձեր նշածի բերումով է: Տեսեք, Դուք ասում եք, որ մենք բարդ աշխարհաքաղաքական իրադրության մեջ ենք: Իրականում, մենք ոչ թե բարդ աշխարհաքաղաքական իրադրության մեջ ենք, մենք աշխարհագրական իրադրության մեջ ենք:

Այսինքն՝ մեր բարդությունը ոչ թե աշխարհաքաղաքականությունից է, մեր բարդությունն աշխարհագրությունից է, որովհետև ինչպես էլ փոխվի աշխարհի քաղաքականությունը, մեր աշխարհագրությունը չի փոխվելու: Եվ դրա համար մենք, առավել ևս հիմա, մեր ժողովրդին առաջարկում ենք և առաջարկել ենք քաղաքական հետևյալ տեսլականը, որ մեր արտաքին քաղաքականության առաջնային նպատակը պետք է լինի բնականոն հարաբերություններն առաջին հերթին մեր անմիջական հարևանների հետ: Ինչքան էլ սա բարդ է՝ նույնիսկ լսելը, որովհետև պատմությունն իր հետ շատ մեծ բարդություններ է բերել, շատ մեծ նեգատիվ բեռ է բերել:

CNN Prima News – Դուք իշխանության եք եկել Հայաստանում տեղի ունեցած թավշյա հեղափոխության արդյունքում, որը բոլոր չեխերին հիշեցնում է 1989 թվականի թավշյա հեղափոխության մասին։ Երկու տարի անց Դուք բախվեցիք 90-ականների սկզբից ի վեր հայ ժողովրդի ամենամեծ մարտահրավերին։ Սպասու՞մ էիք, որ նման մարտահրավերի կհանդիպեք։

Վարչապետ Նիկոլ Փաշինյան – Ես կարող եմ ասել, որ կարծեմ այդ հարցազրույցը հրապարակված է, դա հաստատ հեղափոխությունից առաջ էր. մի անգամ ինձ հարցեցին՝ ո՞վ է քաղաքական գործչի Ձեր իդեալը, ես երկու մարդու անուն եմ տվել, եթե հիշողությունս ինձ չի դավաճանում, վստահաբար ես ասել եմ Նելսոն Մանդելա և Վացլավ Հավել: Եվ իրոք այն հեղափոխությունը, որը մենք իրականացրել ենք, այդ օրինակները և Չեխոսլովակիայի օրինակը, իհարկե, միշտ իմ մտքում և իմ աչքի առաջ եղել են: Կարո՞ղ էի արդյոք ենթադրել, այո՛, կարող էի ենթադրել, բայց մյուս կողմից, ըստ էության, չէի կարող ենթադրել, որ իրականում ոչ միայն մարտահրավեր էր, այլև ըստ էության, այս դեպքում աշխարհաքաղաքական թակարդ, և, ըստ էության, փակուղի:

Իհարկե, ես այդ մասին շատ եմ մտածում և, բնականաբար, ինքս ինձ հարցեր եմ տալիս, և պետք է ուղիղ ասեմ, որ մինչև հիմա այնպես չէ, որ բոլոր հարցերի պատասխաններն ինքս ինձ համար գտել եմ: Ենթադրել, իհարկե, միշտ էլ կարելի է ենթադրել, բայց, իհարկե, մարդն իր էությամբ լավատես է լինում և լավատես է, չնայած այդպիսի ասացվածք էլ կա՝ երկու տարբերակ կա, որ լավատեսը վատ տեղեկացված հոռետեսն է: Բնականաբար, վարչապետի պաշտոնը ստանձնելուց հետո ինչքան ավելի շատ տեղեկացա, այնքան ավելի լավատեսությունը պակասեց:

CNN Prima News – Պարոն վարչապետ, շնորհակալ եմ Ձեզ ժամանակ տրամադրելու համար և հաջողություն եմ մաղթում Ձեր դժվար գործում։

Վարչապետ Նիկոլ Փաշինյան – Ես եմ շնորհակալ: 

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     

Նորություններ
Ստեփանակերտում մանրամասներ են ներկայացրել Բաքվի հետ հանդիպումիցՍտեփանակերտում մանրամասներ են ներկայացրել Բաքվի հետ հանդիպումից
Նիկոլ Փաշինյանը բանակցություններ է վարել Սամանթա Փաուերի հետՆիկոլ Փաշինյանը բանակցություններ է վարել Սամանթա Փաուերի հետ
Ֆրանսիայի դեսպանը հերքում է արցախահայերին ընդունելու և ապաստան տրամադրելու Փարիզի պատրաստակամության մասին լուրերըՖրանսիայի դեսպանը հերքում է արցախահայերին ընդունելու և ապաստան տրամադրելու Փարիզի պատրաստակամության մասին լուրերը
Լեռնային Ղարաբաղից Հայաստան մուտք է գործել բռնի տեղահանված 5580 անձԼեռնային Ղարաբաղից Հայաստան մուտք է գործել բռնի տեղահանված 5580 անձ
ԵՊՀ-ում ակցիայի համար ձերբակալել են լրագրող Դավիթ ՍարգսյանինԵՊՀ-ում ակցիայի համար ձերբակալել են լրագրող Դավիթ Սարգսյանին
"Տաշիր" բարեգործական հիմնադրամը կացարանով կապահովի Արցախից բռնի տեղահանված 1000 անձի
Մոսկվա. Տարածաշրջանային գործերում Փաշինյանը Լեռնային Ղարաբաղի կարգավիճակի մասին ջենթլմենական պայմանավորվածությունը պահպանելու փոխարեն տեղի տվեց  Արևմուտքի հորդորներինՄոսկվա. Տարածաշրջանային գործերում Փաշինյանը Լեռնային Ղարաբաղի կարգավիճակի մասին ջենթլմենական պայմանավորվածությունը պահպանելու փոխարեն տեղի տվեց  Արևմուտքի հորդորներին
Ալիևն ու Էրդողանը դռնփակ բանակցություններ են վարելԱլիևն ու Էրդողանը դռնփակ բանակցություններ են վարել
ԻԻՀ դեսպանը Փաշինյանի հետ հանդիպմանը ընդգծել է Հայաստանի տարածքային ամբողջականության պաշտպանության վերաբերյալ իրանական կողմի հստակ դիրքորոշումըԻԻՀ դեսպանը Փաշինյանի հետ հանդիպմանը ընդգծել է Հայաստանի տարածքային ամբողջականության պաշտպանության վերաբերյալ իրանական կողմի հստակ դիրքորոշումը
Դատավորները հավանություն են տալիս կալանավորմանը. փաստաբանները կոչ են անում  իրավասու պետական մարմիններին վերադառնալ իրավական դաշտ և չանցնել անդառնալի կետըԴատավորները հավանություն են տալիս կալանավորմանը. փաստաբանները կոչ են անում  իրավասու պետական մարմիններին վերադառնալ իրավական դաշտ և չանցնել անդառնալի կետը
Իրավիճակը ծայրահեղ ծանր է Հայաստանի եւ հայ ժողովրդի համար. ՀՀ-ում ԵՄ պատվիրակության ղեկավարԻրավիճակը ծայրահեղ ծանր է Հայաստանի եւ հայ ժողովրդի համար. ՀՀ-ում ԵՄ պատվիրակության ղեկավար
Արցախի ՆԳՆ-ն որոնողական աշխատանքների արդյունքում հայտնաբերել է 105 զոհված արցախցու դիԱրցախի ՆԳՆ-ն որոնողական աշխատանքների արդյունքում հայտնաբերել է 105 զոհված արցախցու դի
Կրեմլ. Լեռնային Ղարաբաղի ներկա իրավիճակում գլխավորը երրորդ կողմի միջամտություն թույլ չտալն էԿրեմլ. Լեռնային Ղարաբաղի ներկա իրավիճակում գլխավորը երրորդ կողմի միջամտություն թույլ չտալն է
Վաշտի հրամանատարը կալանավորվել է զինծառայողին անզգուշությամբ ինքնասպանության հասցնելու մեղադրանքովՎաշտի հրամանատարը կալանավորվել է զինծառայողին անզգուշությամբ ինքնասպանության հասցնելու մեղադրանքով
ԶԼՄ. Իվանյան քաղաքում սկսվել է Բաքու-Ստեփանակերտ բանակցությունների երկրորդ փուլըԶԼՄ. Իվանյան քաղաքում սկսվել է Բաքու-Ստեփանակերտ բանակցությունների երկրորդ փուլը
Հայաստան են ժամանել Սամանթա Փաուերը եւ Յուրի ՔիմըՀայաստան են ժամանել Սամանթա Փաուերը եւ Յուրի Քիմը
Միացյալ Նահանգները հայ ժողովրդի կողքին են. ԱՄՆ սենատորՄիացյալ Նահանգները հայ ժողովրդի կողքին են. ԱՄՆ սենատոր
Լեռնային Ղարաբաղից Հայաստան տեղափոխված 23 վիրավորից 4-ի առողջական վիճակը գնահատվում է ծայրահեղ ծանր. ՀՀ առողջապահության նախարարությունԼեռնային Ղարաբաղից Հայաստան տեղափոխված 23 վիրավորից 4-ի առողջական վիճակը գնահատվում է ծայրահեղ ծանր. ՀՀ առողջապահության նախարարություն
Էդմոն Մարուքյան. Մենք ընդունում ենք, որ միջազգային խաղացողները, ինչպես նաև ռուս խաղաղապահները չեն կարողացել ապահովել Լեռնային Ղարաբաղի հայերի իրավունքներն ու անվտանգության երաշխիքներըԷդմոն Մարուքյան. Մենք ընդունում ենք, որ միջազգային խաղացողները, ինչպես նաև ռուս խաղաղապահները չեն կարողացել ապահովել Լեռնային Ղարաբաղի հայերի իրավունքներն ու անվտանգության երաշխիքները
Միացյալ Նահանգները Հայաստանին հեռվից կոնֆետ են ցույց տալիս: Ավելի շուտ՝ կոնֆետի թուղթը. փորձագետՄիացյալ Նահանգները Հայաստանին հեռվից կոնֆետ են ցույց տալիս: Ավելի շուտ՝ կոնֆետի թուղթը. փորձագետ
Ֆրանսիացի պատգամավոր. Ո՞վ կարող է հավատալ, որ ադրբեջանցիները թույլ կտան հայերին խաղաղ ապրել իրենց հողումՖրանսիացի պատգամավոր. Ո՞վ կարող է հավատալ, որ ադրբեջանցիները թույլ կտան հայերին խաղաղ ապրել իրենց հողում
«Լավ են անում». ԱԺ խոսնակը՝ ցուցարարների նկատմամբ բիրտ ուժի մասին«Լավ են անում». ԱԺ խոսնակը՝ ցուցարարների նկատմամբ բիրտ ուժի մասին
Ֆրանսիացի լրագրող. Ադրբեջանը հայ տղամարդկանց շուրջկալ է սկսումՖրանսիացի լրագրող. Ադրբեջանը հայ տղամարդկանց շուրջկալ է սկսում
Հայաստանի ՊՆ-ը կրկին հերքել է թշնամական կողմի պնդումներըՀայաստանի ՊՆ-ը կրկին հերքել է թշնամական կողմի պնդումները
Ֆրանսիայի նախագահը Ռուսաստանին մեղադրել է Արցախի հարցում Ադրբեջանին աջակցելու համարՖրանսիայի նախագահը Ռուսաստանին մեղադրել է Արցախի հարցում Ադրբեջանին աջակցելու համար
Պատգամավոր. Ոստիկանության պետն ու ՆԳ նախարարը երկրում արգելել են խաղաղ հավաքների անցկացումըՊատգամավոր. Ոստիկանության պետն ու ՆԳ նախարարը երկրում արգելել են խաղաղ հավաքների անցկացումը
Երևանում վերսկսվել են վարչապետի հրաժարականի պահանջով բողոքի ակցիաներըԵրևանում վերսկսվել են վարչապետի հրաժարականի պահանջով բողոքի ակցիաները
Միրզոյանը՝ ՄԱԿ-ում. Լեռնային Ղարաբաղի նկատմամբ էթնիկ զտումների քաղաքականությունն ավելի լայն պատկերի միայն մի մասն էՄիրզոյանը՝ ՄԱԿ-ում. Լեռնային Ղարաբաղի նկատմամբ էթնիկ զտումների քաղաքականությունն ավելի լայն պատկերի միայն մի մասն է
Հայաստանն ու Հնդկաստանը քննարկել են Լեռնային Ղարաբաղի հակամարտության գոտում ստեղծված ծանր իրավիճակըՀայաստանն ու Հնդկաստանը քննարկել են Լեռնային Ղարաբաղի հակամարտության գոտում ստեղծված ծանր իրավիճակը
ՀՀ ԱԳ նախարարը ՄԱԿ-ի գլխավոր քարտուղարի հետ հանդիպմանն ընդգծել է Լեռնային Ղարաբաղի ժողովրդի էթնիկ զտման և զանգվածային ոճրագործության կանխման հրամայականըՀՀ ԱԳ նախարարը ՄԱԿ-ի գլխավոր քարտուղարի հետ հանդիպմանն ընդգծել է Լեռնային Ղարաբաղի ժողովրդի էթնիկ զտման և զանգվածային ոճրագործության կանխման հրամայականը
Փաշինյանը հայտարարել է, որ առաջնորդում է ՀՀ «անկախության պաշտպանության շարժումը»Փաշինյանը հայտարարել է, որ առաջնորդում է ՀՀ «անկախության պաշտպանության շարժումը»
Հայաստանի արտգործնախարարը Ֆրանսիայի և Նիդերլանդների գործընկերների հետ հանդիպումներում  կարևորել է Արցախի ժողովրդի ցեղասպանության կանխարգելումըՀայաստանի արտգործնախարարը Ֆրանսիայի և Նիդերլանդների գործընկերների հետ հանդիպումներում կարևորել է Արցախի ժողովրդի ցեղասպանության կանխարգելումը
ԱՄՆ պետքարտուղարը Թուրքիայի ԱԳ նախարարին կոչ է արել աջակցել Արցախում մարտական գործողությունների դադարեցման ջանքերինԱՄՆ պետքարտուղարը Թուրքիայի ԱԳ նախարարին կոչ է արել աջակցել Արցախում մարտական գործողությունների դադարեցման ջանքերին
Լևոն Քոչարյանը ձերբակալվել է՝ բողոքի ակցիաների ընթացքում հատուկջոկատայինների աշխատակիցներին ծեծի ենթարկելու մեղադրանքովԼևոն Քոչարյանը ձերբակալվել է՝ բողոքի ակցիաների ընթացքում հատուկջոկատայինների աշխատակիցներին ծեծի ենթարկելու մեղադրանքով
Ղարիբաշվիլի. Վրաստանը պատրաստ է աշխատել Ադրբեջանի և Հայաստանի հետ ՝ հանուն Հարավային Կովկասում խաղաղությանՂարիբաշվիլի. Վրաստանը պատրաստ է աշխատել Ադրբեջանի և Հայաստանի հետ ՝ հանուն Հարավային Կովկասում խաղաղության
Ֆրենկ Փալոն-կրտսերը ներկայացրել է հայերին աջակցության երկկուսակցական օրինագիծ՝ ընդդեմ 2023 թվականի ադրբեջանական ագրեսիայիՖրենկ Փալոն-կրտսերը ներկայացրել է հայերին աջակցության երկկուսակցական օրինագիծ՝ ընդդեմ 2023 թվականի ադրբեջանական ագրեսիայի
ԱԱԾ. Սեպտեմբերի առաջին տասնօրյակից համացանցի հայկական տիրույթում կիբերհարձակումների աճ է արձանագրվելԱԱԾ. Սեպտեմբերի առաջին տասնօրյակից համացանցի հայկական տիրույթում կիբերհարձակումների աճ է արձանագրվել
ՀՀ փոխարտգործնախարար. Ադրբեջանի կողմից Արցախում հայկական մշակութային ժառանգության օբյեկտների միտումնավոր ոչնչացումը մարտահրավեր է ողջ մարդկության համարՀՀ փոխարտգործնախարար. Ադրբեջանի կողմից Արցախում հայկական մշակութային ժառանգության օբյեկտների միտումնավոր ոչնչացումը մարտահրավեր է ողջ մարդկության համար
ՄԱԿ-ի գլխավոր քարտուղարի ցեղասպանության կանխարգելման հարցերով հատուկ խորհրդականը մտահոգություն է հայտնել Արցախում Ադրբեջանի նախաձեռնած վերջին ռազմական էսկալացիայի առնչությամբՄԱԿ-ի գլխավոր քարտուղարի ցեղասպանության կանխարգելման հարցերով հատուկ խորհրդականը մտահոգություն է հայտնել Արցախում Ադրբեջանի նախաձեռնած վերջին ռազմական էսկալացիայի առնչությամբ
Հայաստանը Հնդկաստանում նոր դեսպան ունիՀայաստանը Հնդկաստանում նոր դեսպան ունի
Լեմկինի ինստիտուտը կոչ է արել երբեք չմոռանալ Արցախի ցեղասպանությանը միջազգային հանրության մեղսակցության մասինԼեմկինի ինստիտուտը կոչ է արել երբեք չմոռանալ Արցախի ցեղասպանությանը միջազգային հանրության մեղսակցության մասին
ԶԼՄ. Գուտերեշը ողջունել է ողջ աշխարհում խաղաղապահ գործողություններին ԻԻՀ զինված ուժերի մասնակցության վերաբերյալ Ռաիսիի առաջարկըԶԼՄ. Գուտերեշը ողջունել է ողջ աշխարհում խաղաղապահ գործողություններին ԻԻՀ զինված ուժերի մասնակցության վերաբերյալ Ռաիսիի առաջարկը
Թեքվանդոյի Հայաստանի չեմպիոնը ծանր մարմնական վնասվածք է ստացել կառավարության շենքի առջեւ ոստիկանության կիրառած լուսաձայնային նռնակիցԹեքվանդոյի Հայաստանի չեմպիոնը ծանր մարմնական վնասվածք է ստացել կառավարության շենքի առջեւ ոստիկանության կիրառած լուսաձայնային նռնակից
Վարդանյան. միջազգային առաջնորդները երկակի ստանդարտներ են կիրառում և ընդունում են բռնապետական երկրին՝ անտեսելով 30 000 երեխայի ճակատագիրըՎարդանյան. միջազգային առաջնորդները երկակի ստանդարտներ են կիրառում և ընդունում են բռնապետական երկրին՝ անտեսելով 30 000 երեխայի ճակատագիրը
Արցախի տեղեկատվական շտաբը հերքում է թշնամական ուժերի՝ Ստեփանակերտ մուտք գործելու մասին լուրերըԱրցախի տեղեկատվական շտաբը հերքում է թշնամական ուժերի՝ Ստեփանակերտ մուտք գործելու մասին լուրերը
ԱԳ փոխնախարարը ՄԱԿ-ի ներկայացուցչին կոչ է արել կանխել էթնիկ զտումներն ԱրցախումԱԳ փոխնախարարը ՄԱԿ-ի ներկայացուցչին կոչ է արել կանխել էթնիկ զտումներն Արցախում
ՀՀ ԱԳ նախարարը ԿԽՄԿ նախագահի և ԵԽ գլխավոր քարտուղարի հետ քննարկել է Լեռնային Ղարաբաղում ստեղծված իրավիճակըՀՀ ԱԳ նախարարը ԿԽՄԿ նախագահի և ԵԽ գլխավոր քարտուղարի հետ քննարկել է Լեռնային Ղարաբաղում ստեղծված իրավիճակը
Ադրբեջանը կավելացնի գազի մատակարարումները ԵվրամիությունԱդրբեջանը կավելացնի գազի մատակարարումները Եվրամիություն
ՌԴ ԱԳ նախարարն ու ԿԽՄԿ նախագահը քննարկել են Արցախի շուրջ ստեղծված իրավիճակըՌԴ ԱԳ նախարարն ու ԿԽՄԿ նախագահը քննարկել են Արցախի շուրջ ստեղծված իրավիճակը
Լավրովը հանդիպել է Բայրամովի հետԼավրովը հանդիպել է Բայրամովի հետ
Նիկոլ Փաշինյանը հեռախոսազրույց է ունեցել Օլաֆ Շոլցի հետՆիկոլ Փաշինյանը հեռախոսազրույց է ունեցել Օլաֆ Շոլցի հետ
Արցախի շուրջ ստեղծված իրավիճակը եղել է Ռուսաստանի և Իրանի ԱԳ նախարարների բանակցությունների օրակարգումԱրցախի շուրջ ստեղծված իրավիճակը եղել է Ռուսաստանի և Իրանի ԱԳ նախարարների բանակցությունների օրակարգում
Հայաստանում է ԱՄՆ կոնգրեսական պատվիրակությունը՝ սենատոր Գերի Փիթերսի գլխավորությամբՀայաստանում է ԱՄՆ կոնգրեսական պատվիրակությունը՝ սենատոր Գերի Փիթերսի գլխավորությամբ
Միրզոյանը հանդիպել է Քիմի հետՄիրզոյանը հանդիպել է Քիմի հետ
Ալիևը Լեռնային Ղարաբաղը վերածել է հսկայական համակենտրոնացման ճամբարի՝ 120 000 հայերի համար. The Washington PostԱլիևը Լեռնային Ղարաբաղը վերածել է հսկայական համակենտրոնացման ճամբարի՝ 120 000 հայերի համար. The Washington Post
Փորձագետ. Ռուսների գլխավոր զենքը Հայաստանում ու Հայաստանի դեմ դա Փաշինյանն է, մնացածը խաղալիքներ են ընդամենըՓորձագետ. Ռուսների գլխավոր զենքը Հայաստանում ու Հայաստանի դեմ դա Փաշինյանն է, մնացածը խաղալիքներ են ընդամենը
Սկսվել է Լեռնային Ղարաբաղի պաշտպանության բանակի սպառազինության հանձնումը․ՌԽԶՍկսվել է Լեռնային Ղարաբաղի պաշտպանության բանակի սպառազինության հանձնումը․ՌԽԶ
Բելգիան դատապարտել է Արցախի դեմ Բաքվի ագրեսիանԲելգիան դատապարտել է Արցախի դեմ Բաքվի ագրեսիան
Ցեղասպանագետ. Ցեղասպանության ռիսկի գործոնները տարիներ շարունակ առկա են եղել Լեռնային ՂարաբաղումՑեղասպանագետ. Ցեղասպանության ռիսկի գործոնները տարիներ շարունակ առկա են եղել Լեռնային Ղարաբաղում
Ադրբեջանը հնարավոր է համարում հայ զինվորականների Ադրբեջանը հնարավոր է համարում հայ զինվորականների "համաներումը" Լեռնային Ղարաբաղում
Կարդալ ավելին



Մեկնաբանվողներ
Փորձագետ. Ռուսների գլխավոր զենքը Հայաստանում ու Հայաստանի դեմ դա Փաշինյանն է, մնացածը խաղալիքներ են ընդամենըՓորձագետ. Ռուսների գլխավոր զենքը Հայաստանում ու Հայաստանի դեմ դա Փաշինյանն է, մնացածը խաղալիքներ են ընդամենը
Փորձագետ. Լեռնային Ղարաբաղի տարածաշրջանում նոր իրողություն է ի հայտ եկելՓորձագետ. Լեռնային Ղարաբաղի տարածաշրջանում նոր իրողություն է ի հայտ եկել
Լեռնային Ղարաբաղում ստեղծված իրավիճակի շուրջ լսումները տեղի կունենան սեպտեմբերի 14-ինԼեռնային Ղարաբաղում ստեղծված իրավիճակի շուրջ լսումները տեղի կունենան սեպտեմբերի 14-ին
ՄՔԴ նախկին դատախազ. Բայդենի վարչակազմը կարող է դառնալ Արցախում ցեղասպանության համար  պատասխանատուՄՔԴ նախկին դատախազ. Բայդենի վարչակազմը կարող է դառնալ Արցախում ցեղասպանության համար պատասխանատու
Իրինա Խակամադան Հայաստանում վարպետության դաս կանցկացնի  Հուզական կապիտալ. Ինչպես հույզերը վերածել եկամտիԻրինա Խակամադան Հայաստանում վարպետության դաս կանցկացնի Հուզական կապիտալ. Ինչպես հույզերը վերածել եկամտի
Միգուցե, եկե՞լ է ժամանակը համազգային մոբիլիզացիայի համար. Դավիթ ԱնանյանՄիգուցե, եկե՞լ է ժամանակը համազգային մոբիլիզացիայի համար. Դավիթ Անանյան
Դ.Պեսկով. Ռուսաստանը չի կարող հեռանալ ՀայաստանիցԴ.Պեսկով. Ռուսաստանը չի կարող հեռանալ Հայաստանից
Հայաստանի և Ադրբեջանի միջև մարտական գործողությունների վերսկսման ռիսկը զգալիորեն աճել է. փորձագետՀայաստանի և Ադրբեջանի միջև մարտական գործողությունների վերսկսման ռիսկը զգալիորեն աճել է. փորձագետ
ԿԸՀ-ն ընդունել է քաղաքացիների ստորագրությունների լրացված ձևաթղթերի 5 տուփԿԸՀ-ն ընդունել է քաղաքացիների ստորագրությունների լրացված ձևաթղթերի 5 տուփ
Գեներալ. Արցախը կարող է պայքարել և մնալ հայկական միայն մեկ պարագայումԳեներալ. Արցախը կարող է պայքարել և մնալ հայկական միայն մեկ պարագայում
Երևանի բնակիչները, հիմնականում, անտարբեր են ավագանու ընտրությունների նկատմամբԵրևանի բնակիչները, հիմնականում, անտարբեր են ավագանու ընտրությունների նկատմամբ
Իրավապաշտպանը պատահական չի համարում այնպիսի հայամետ գործիչների մուտքի արգելումը Հայաստան, ինչպիսիք են Վիկտոր Կրիվոպուսկովը և Կոնստանտին ԶատուլինըԻրավապաշտպանը պատահական չի համարում այնպիսի հայամետ գործիչների մուտքի արգելումը Հայաստան, ինչպիսիք են Վիկտոր Կրիվոպուսկովը և Կոնստանտին Զատուլինը
Քաղաքապետի թեկնածու. Կառավարությունն ու խորհրդարանական ընդդիմությունը քաղաքական պինգ-պոնգ են խաղումՔաղաքապետի թեկնածու. Կառավարությունն ու խորհրդարանական ընդդիմությունը քաղաքական պինգ-պոնգ են խաղում
Արցախի նախագահը հրատապ ուղերձ է հղել միջազգային հանրությանը ՝ խնդրելով կասեցնել Արցախի ժողովրդի ցեղասպանությունըԱրցախի նախագահը հրատապ ուղերձ է հղել միջազգային հանրությանը ՝ խնդրելով կասեցնել Արցախի ժողովրդի ցեղասպանությունը
Անպատժելիությունը կանաչ լույս է վառում նոր հանցագործությունների համար. ՀՀ ԱԳ փոխնախարարն արձագանքել է Ալիևի հայտարարությանըԱնպատժելիությունը կանաչ լույս է վառում նոր հանցագործությունների համար. ՀՀ ԱԳ փոխնախարարն արձագանքել է Ալիևի հայտարարությանը