Փաշինյան. Իլհամ Ալիևը պատրաստ չէ Լեռնային Ղարաբաղին լայն ինքնավարություն տրամադրել

Արմինֆո."Մենք էլ ունենք օկուպացված գյուղեր, եթե Ադրբեջանը պատրաստ է վերադարձնել դրանք, մենք պատրաստ ենք": Այդ մասին մայիսի 5-ին "Ազատություն" ռադիոկայանի հարցազրույցում հայտարարել է ՀՀ վարչապետ Նիկոլ Փաշինյանը ՝ ի պատասխան այն դիտարկմանը, թե Բաքուն ՄԱԿ-ին պահանջ է ներկայացրել, որ Հայաստանը վերադարձնի "դեռեւս օկուպացված ութ գյուղերը", Երեւանը հայտարարում է, որ Ադրբեջանն, իր հերթին, օկուպացրել է հայկական գյուղերը:

Հարցին, թե արդյոք օրակարգում դրված է դրանց փոխանակման կամ վերադարձման հարցը,

Փաշինյանն արձագանքել է. "Եթե Ադրբեջանը պատրաստ է վերադարձնել դրանք, մենք պատրաստ ենք":

"Մենք էլ օկուպացված գյուղեր ունենք, իսկ գյուղը միայն գյուղապետարանի շենք չէ: Արդյո՞ք Ադրբեջանը պատրաստ է վերադարձնել Բերքաբեր, Վազաշեն, Այգեհովիտ, Պառավաքար գյուղերը [եթե պատրաստ է], այո, մենք պատրաստ ենք: Բայց այստեղ այլ հարց կա. ենթադրենք, որ Ադրբեջանի կամ Հայաստանի բանակը կանգնած է այդ գծի վրա և պետք է հետ քաշվի այդ գծից, մենք սկզբունքորեն համաձայն ենք դրան, բայց եթե այն հետ քաշվի, ապա որտե՞ղ պետք է կանգնի։ Այդ տեղը, այդ գիծը, ինչպե՞ս է սահմանվում: Նշանակում է, այնտեղ կա սահման, Իսկ եթե սահման կա, ուրեմն, եկեք վերցնենք այդ սահմանը, և ադրբեջանական զորքերը չպետք է լինեն սահմանագծի այս կողմում, իսկ հայկական զորքերը չպետք է լինեն սահմանագծի այն կողմում", - ասել է նա։

Փաշինյանն ընդգծել է, որ շատ հնարավոր է, որ դա ոչ թե նախ տեղի ունենա, ապա խաղաղության պայմանագիր ստորագրվի, այլ նախ խաղաղության պայմանագիր ստորագրվի, թե ինչպես ֆիզիկապես և ինչ ժամկետներում դա պետք է տեղի ունենա: "Մենք ոչ թե պատրաստ ենք, որ իրենք հետ քաշվեն, հետո ստորագրենք, այլ պատրաստ ենք ստորագրել, հետո միայն մենք էլ, իրենք էլ հետ քաշվենք, բայց դա պետք է գրվի ու ստորագրվի այնպես, որ տարընթերցումների տեղ չլինի", - հավելել է Նիկոլ Փաշինյանը:

Հայաստանի վարչապետը նաև ասել է, որ Ադրբեջանի նախագահ Իլհամ Ալիևը պատրաստ չէ Լեռնային Ղարաբաղին լայն ինքնավարություն տրամադրել, ինչի մասին պաշտոնական Բաքուն բազմիցս հայտարարել է մինչև 44-օրյա պատերազմը: Հարցին, թե ինչու է այդ մասին խոսվում միայն հիմա, մինչդեռ, արտահերթ ընտրություններում իշխող "Քաղաքացիական պայմանագիր" կուսակցությունը հայտարարում էր Շուշիի և Հադրութի դեօկուպացիայի և Լեռնային Ղարաբաղի ինքնորոշման մասին, Փաշինյանն ասել է. "Մենք բախվեցինք այդ խնդիրներին, երբ գնում էինք այդ ճանապարհով։ 30 տարի մենք խոսում էինք ինքնորոշման մասին ՝ չհասկանալով հիմնարար խնդիրը։ Այո, մենք մինչև վերջ չենք ախտորոշել մեր խնդիրը։ Մենք խնդիրներ ենք դրել, ձևակերպել և գնացել ենք դրանց հետևից"։ "Այո, մենք պետք է [իրական խնդիրներ] դնենք, բայց դրա համար, նախ, պետք է հասկանանք իրականությունը", - հավելել է Նիկոլ Փաշինյանը: