Բանկերի ընդհանուր կապիտալի չափերի վերաբերյալ ՀՀ ԿԲ նորմատիվը
կբարձրացնի երկրի բանկային համակարգի կայունությունը: Մարտի 25-ին կայացած մամուլի
ասուլիսում նման կարծիք է արտահայտել ՎՏԲ24 Բանկի փոխնախագահ և միջազգային բիզնեսի
վարչության ղեկավար, ՎՏԲ-Հայաստան Բանկի Խորհրդի անդամ Վսեվոլոդ Սմակովը:
Նրա խոսքով,
Ռուսաստանում և Հայաստանում դիտվում է բանկային համակարգի կապիտալի նվազագույն
չափերի նկատմամբ պահանջների խստացման միտում: Ընդ որում, Ռուսաստանում այդ քայլը
տանում է բանկային համակարգի կասկածելի և անվճարունակ մասնակիցների թվաքանակի
կրճատման: «Բարձրացնելով կապիտալի նվազագույն չափը, ԿԲ տնտեսական արգելք է դնում,
որպեսզի ֆինանսական տեսանկյունից կասկածելի հանդիսացող գործարքները դառնան ավելի
անհետաքրքիր»,-նշել է Վ.Սմակովը:
Նրա խոսքով,
Հայաստանում ԿԲ այդ միջոցով արձագանքում է մակրոտնտեսական իրավիճակի
տատանումներին: «Գաղտնիք չէ, որ բարձր կապիտալացված բանկային համակարգը, կոմերցիոն
իրավիճակի անորոշության պայմաներում, թույլ է տալիս հանդես գալ որպես յուրօրինակ
պաշտպանական բարձիկ, մեղմելով ճգնաժամային տարրերի առաջացման հնարավորությունը
մակրոտնտեսությունում»,-նշել է նա, հավելելով, որ ՎՏԲ Խումբը ողջունում է ՀՀ Կենտրոնական
բանկի որոշումը, «քանի որ այն տանում է դեպի բանկային համակարգի և բանկային
ծառայությունների շուկայի կանունացում»:
Նա նաև ընդգծել
է, որ ՎՏԲ-Հայաստան Բանկի կապիտալն արդեն գերազանցում է 2017 թվականից ուժի մեջ
մտնող նորմատիվային սանդղակը: Մասնավորապես, 2015 թվականի հունվարի 1-ին բանկի
ընդհանուր կապիտալը կազմել է 44.8 մլրդ.դրամ, 2017-ից պահանջվող`30 մլրդ.դրամի
փոխարեն: «Սակայն, դա չի նշանակում, որ մենք չենք քննարկի բանկի կապիտալի հետագա
բարձրացումը Հայաստանում: Դա կանենք, ելնելով բանկի բիզնես-ցուցանիշներից, ինչպես
նաև բիզնեսի զարգացման հետագա պահանջներից»,-եզրափակել է Վ.Սմակովը:
Հիշեցնենք, որ
2017 թվականի հունվարի 1-ից Հայաստանի բանկային համակարգում գործող բանկերի
ընդհանուր կապիտալի նվազագույն չափը պետք է կազմի 30 մլրդ.դրամ, ներկայիս 5
մլրդ.դրամի փոխարեն: Որոշումն ընդունվել է ՀՀ ԿԲ Խորհրդի կողմից, 2014 թվականի
դեկտեմբերի 30-ին, փոփոխություն կատարելով «Բանկերի գործունեության կարգավորման և
բանկային գործունեության հիմնական տնտեսական նորմատիվների մասին» Կանոնակարգ
2-ում:
Ըստ ԱրմԻնֆո գործակալության` Հայաստանի Բանկերի
Ֆինանսական Վարկանիշի, ՎՏԲ-Հայաստան Բանկի ընդհանուր կապիտալը 2014 թվականի
արդյունքներով կազմել է 44.8 մլրդ.դրամ, տարեկան աճը` 20.2%: Կանոնադրական
կապիտալը տարվա արդյունքներով աճել է 50.3%, մինչև 20.9 մլրդ դրամ (չորրորդ տեղ),
ակտիվներն աճել է 25.6%, մինչև 379,6 մլրդ դրամ (երկրորդ տեղ), ընդհանուր առմամբ
վարկային ներդրումները տարեկան կտրվածքով աճել են 17.3%, մինչև 266,7 մլրդ դրամ
(երկրորդ տեղ), իսկ ընդհանուր պարտավորությունները` 26.3%, մինչև 334,9 մլրդ. դրամ
(երկրորդ տեղ): Բանկի 2014 թվականը եզրափակել է 777 մլն.դրամ զուտ շահույթով,
նախորդ տարվա 5.6 մլրդ.դրամի փոխարեն: Հայաստանի բանկային համակարգի համախառն
ընդհանուր կապիտալը2014 թվականի վերջին կազմել է 488,7 մլրդ դրամ, տարեկան
աճը`4,2%, ինչը բացառապես ապահովվել է կանոնադրական կապիտալի համալրման հաշվին, մասնավորապես,
վեց բանկերի, այդ թվում նաև ՎՏԲ-Հայաստան Բանկի միջոցով: Ներկայումս Հայաստանում
գործում է 21 բանկ:
Նշենք,
որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել
2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100%
բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ
շարքով մշտապես ներառվում է ՀՀ բանկային համակարգի առաջատարների թվի մեջ: Ներկա
դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ:
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
