Արմինֆո. «Գազպրոմ Արմենիա» ՓԲԸ-ն խորին ցավով հայտնում է, որ 2023 թվականի մարտի 24-ին 60 տարեկան հասակում կյանքից հեռացավ «Գազպրոմ Արմենիա» ՓԲԸ Վարչության նախագահ — Գլխավոր տնօրեն Հրանտ Թադևոսյանը։
«Հրանտ Թադևոսյանը անգնահատելի և մեծ ավանդ ունի Հայաստանի գազաէներգետիկ ոլորտի կայացման և զարգացման գործում։ Նա երկարամյա ճանապարհ է անցել համակարգում՝ ՀԽՍՀ Գազիֆիկացման պետական կոմիտեի ճարտարագետից մինչև «Գազպրոմ Արմենիա» ՓԲԸ Վարչության նախագահ — Գլխավոր տնօրեն։
Կրթությունը ստացել է Երևանի Կ. Մարքսի անվան պոլիտեխնիկական ինստիտուտում, որն ավարտել է գերազանցությամբ։ Սովորել է Մոսկվայի կառավարման համամիութենական բարձրագույն դպրոցում:
Աշխատանքային գործունեությունը գազի ոլորտում սկսել է 1985 թվականից որպես ՀԽՍՀ Գազիֆիկացման պետական կոմիտեի Շահագործման-տեխնիկական վարչության ճարտարագետ, այնուհետև՝ ավագ ճարտարագետ և առաջատար ճարտարագետ։ 1986 թվականին աշխատել է ՀԽՍՀ «Պետագրոպրոմ»-ի Էլեկտրաֆիկացման, էներգետիկայի և գազիֆիկացման վարչության առաջատար ճարտարագետ, այնուհետև՝ Էլեկտրաֆիկացման, էներգետիկայի և գազիֆիկացման բաժնի գլխավոր մասնագետ։ 1992–1999թթ․զբաղեցրել է «Հայգազվառելիք» պետական ձեռնարկության Գազիֆիկացման և գազամատակարարման վարչության Տեխնիկական բաժնի ճարտարագետի պաշտոնը, «Հայգազարդ» ՀՆՊՁ-ում աշխատել է որպես Արտաքին հարաբերությունների վարչության ճարտարագետ, այնուհետև՝ «Հայգազարդ» պետական կոնցեռնում՝ Գազիֆիկացման և գազամատակարարման վարչության պետի տեղակալ, Արտաքին հարաբերությունների վարչության պետի տեղակալ, Արտաքին հարաբերությունների բաժնի պետ, Արտաքին կապերի վարչության պետի տեղակալ։ 1999 թվականի հունիսին նշանակվել է «ՀայՌուսգազարդ» ՓԲԸ-ում (հետագայում վերանվանվել է «Գազպրոմ Արմենիա» ՓԲԸ) Հեռանկարային զարգացման, փորձագիտության և բնապահպանության վարչության պետ, 2002 թվականի հունվարին՝ Տեխնիկական վարչության պետ, հետագայում՝ 2011 թվականի փետրվարին զբաղեցրել է Ընկերության Գլխավոր տնօրենի տեղակալ — Գլխավոր ճարտարագետի պաշտոնը։ 2016 թվականի հոկտեմբերին ընտրվել է «Գազպրոմ Արմենիա» ՓԲԸ Վարչության նախագահ — Գլխավոր տնօրեն։
Երկար տարիներ աշխատելով գազի համակարգում՝ ոլորտի կայուն զարգացումը համարել է իր աշխատանքի գլխավոր նպատակը և կոչումը, իր գիտելիքներն ու հսկայական փորձը ներդրել է Հայաստանի գազի տնտեսության վերականգնման և համակարգը զարգացման ճանապարհով առաջ տանելու համար։
ՀՀ նախագահի հրամանագրով պարգևատրվել է «Անանիա Շիրակացի» մեդալով։ ՀՀ Էներգետիկ ենթակառուցվածքների և բնական պաշարների նախարարի հրամանով պարգևատրվել է «Հայաստանի Հանրապետության Էներգետիկայի բնագավառում նշանակալի ավանդի համար» հուշամեդալով: ԱՊՀ էլեկտրաէներգետիկական խորհրդի կողմից արժանացել է «ԱՊՀ վաստակավոր էներգետիկ», «Գազպրոմ» ՀԲԸ ղեկավարության կողմից՝ «„Գազպրոմ“ ՀԲԸ պատվավոր աշխատող» կոչումներին: Ռուսաստանի ճարտարագիտական ակադեմիայի նախագահության կողմից արժանացել է «ՌԴ վաստակավոր ճարտարագետ» պատվավոր կոչմանը: Գազի արդյունաբերության զարգացման գործում անձնական մեծ ավանդի, երկարամյա բարեխիղճ աշխատանքի համար արժանացել է «Գազպրոմ» ՀԲԸ շնորհակալագրին», - ասվում է «Գազպրոմ Արմենիա»-ի հասարակայնության և զանգվածային լրատվության միջոցների հետ կապերի ծառայության հաղորդագրությունում:
Հարություն Մանգոյան. Հայաստանի առողջապահության համակարգին հարկավոր են կանոններ, և դրանցով պետք է աշխատել ու զարգանալ
Ռուս փորձագետ. Արցախից խաղաղապահների հեռացումն ինքնըստինքյան կհանգեցնի Գյումրիից ՌԴ ռազմակայանի դուրսբերման եւ Երեւանի իրական վերակողմնորոշման դեպի Արևմուտք
ՀԱՊԿ ծալովի հովանոցը կամ ով է Կովկասում լավ ապրում
Հայաստանում ստեղծվում է "Մայր Հայաստան" նոր շարժում
Փաշինյանն Էրդողանին շնորհավորել է նախագահական ընտրություններում հաղթանակի կապակցությամբ
Քաղաքական գործիչ. Ժողովուրդը պետք է հաղթահարի ինքն իրեն և վերադարձնի պետականություն և հայրենիք ունենալու իր իրավունքը
Արցախի Ազգային ժողովը ողջ հայությանը կոչ է արել թույլ չտալ Հայաստանի իշխանությունների աղետալի քայլերը
Ռուբեն Վարդանյան. ես չգիտեմ, պարոն Փաշինյան, ինչքան եք մնալու ղեկավար, բայց ես ձեզ ասում եմ. դուք վտանգավոր բաներ եք անում
Փաշինյանը բացել է "Օվերտոնի պատուհանը" և հայտնվել ծուղակում. ընդդիմադիր քաղաքագետ
Շառլ Միշելը պատմել է Ալիևի և Փաշինյանի հետ հանդիպման արդյունքների մասին. արդյունքները Հայաստանի համար անմխիթար են
Ռուբեն Վարդանյանը հաղորդել է Արցախի անվտանգության և զարգացման ճակատի ստեղծման մասին
Թուրքիայի քրդամետ Ժողովրդադեմոկրատական կուսակցություն. մարդկության դեմ հանցագործություններին հակազդեցությունը կարևոր քայլ է ընդհանուր և իրավահավասար ապագա և սոցիալական աշխարհ կառուցելու համար
Ադամ Շիֆը Լեռնային Ղարաբաղի անկախության ճանաչման վերաբերյալ օրինագիծ է պատրաստել
Հայաստանն անվտանգության ճգնաժամ է ապրում, բայց այդ ճգնաժամն այսօր չի ստեղծվել․Փաշինյան
Փորձագետ. Հանրային իմունիտետի լուրջ խնդիր ունեցող երկրում ընդդիմությունը պիտի կրկնակի, եռակի ավելի զգոն, մոբիլ ու պատասխանատու լինի
Հայաստանում Գերմանիայի դեսպանությունն այսուհետ վիզայի հերթագրումը կիրականացնի սպասելացուցակով
