Ստեփանակերտ. Արցախը շարունակելու է պայքարը ինքնորոշման իրավունքի միջազգային ճանաչման համար

Արմինֆո. Արցախը շարունակելու է պայքարը իրացված ինքնորոշման իրավունքի միջազգային ճանաչման համար։ Այդ մասին մարտի 23-ին հայտարարել է Արցախի ԱԳ նախարար Սերգեյ Ղազարյանը՝ "Արցախ. շրջափակման 100 օր" տեսակամրջի ընթացքում։

Ի պատասխան "վերաինտեգրման" մասին Բաքվից հնչող հայտարարությունների մասին հարցին ՝ ԼՂՀ ԱԳՆ ղեկավարը նշել է, որ, նույնիսկ, չի ցանկանում կրկնել այդ ձեւակերպումը։ Նա ընդգծել է, որ Արցախի պաշտոնական դիրքորոշումը հայտնի է։ Այդ համատեքստում նա հիշեցրել է, որ ադրբեջանական կողմը փորձել է խեղաթյուրել մարտի 1-ի հանդիպման բովանդակությունը՝ ներկայացնելով օրակարգի սեփական տարբերակը։ Ղազարյանն ընդգծել է, թե, հաշվի առնելով, որ երկար տարիներ ԵԱՀԿ ՄԽ շրջանակներում ընթանում էին բանակցություններ, ՄԱԿ ԱԽ մշտական անդամ երեք խոշոր պետություններ ՝ Ռուսաստանը, ԱՄՆ-ը և Ֆրանսիան երկար տարիներ ուղեկցել են գործընթացը, նրանք մինչ օրս պատասխանատվություն են կրում ստեղծված իրավիճակի համար, և 44-օրյա պատերազմի հետևանքների մասով նրանցից յուրաքանչյուրը կրում է պատասխանատվության իր բաժինը: "Միջնորդները բազմիցս հայտարարել են, որ հակամարտությունը ռազմական լուծում չունի, իսկ Ադրբեջանը սանձազերծել է 44-օրյա պատերազմ և դրա ավարտից հետո ԵԱՀԿ Մինսկի խմբի համանախագահների հետ հանդիպման ժամանակ Ադրբեջանի նախագահը նաև հայտարարել է, որ ինքը հարցը լուծել է պատերազմով՝ չնայած այդ հայտարարություններին։ Իրավիճակն անընդունելի է։ Հայկական կողմերը տրամադրված էին համապարփակ լուծում գտնելու, Ադրբեջանը գնում էր այլ ուղղությամբ՝ պատրաստվելով ուժային լուծման։ Չնայած շրջափակման հետ կապված բոլոր դժվարություններին՝ Արցախի ժողովուրդը հավատարիմ է իր ընտրած ուղուն և ակնկալում է աշխարհի բոլոր հայրենակիցների և գործընկերների աջակցությունը", - ասել է ԼՂՀ ԱԳՆ ղեկավարը։

Միեւնույն ժամանակ, նա ընդգծել է "վերաինտեգրման" մասին ձեւակերպումների եւ, ընդհանուր առմամբ, համատեղ ապրելու գաղափարի անընդունելիությունը, եւ մշտական սադրանքներն ու շրջափակումը դրա վառ ապացույցն են:

Ցավով արձանագրելով, որ համախմբված ջանքերն արդյունք չեն տվել, և Արցախը շարունակում է շրջափակման մեջ մնալ առ այսօր, Ղազարյանը համոզմունք է հայտնել, որ անհրաժեշտ է համախմբել ջանքերը Ադրբեջանի վրա ճնշում գործադրելու, ՄԱԿ-ի դատարանի վճիռն ու միջազգային կազմակերպությունների հորդորները կատարելու համար:

Իր հերթին՝ Արցախի պետնախարար Գուրգեն Ներսեսյանը նշել է, որ Արցախի իշխանությունները շարունակելու են ջանքերը միջազգային հանրությանը տեղեկացնելու ղարաբաղա-ադրբեջանական հակամարտության էության և ակունքների, 20-րդ դարասկզբի ողջ պատմության մասին: Նա նաև անհիմն է համարել Բաքվի իշխանությունների կողմից "վերաինտեգրում" տերմինի օգտագործումը, քանի որ ղարաբաղցիները երբեք չեն գոյակցել ադրբեջանցիների հետ, միմյանց կողքին գտնվելու ողջ պատմության ընթացքում ադրբեջանական իշխանությունները փորձել են բնաջնջել հայերին, ոչնչացնել նրանց ունեցվածքը, մշակութային և կրոնական ժառանգությունը: Նրա խոսքով ՝ այդ պատճառով ակնհայտ է նրա հետ համակեցության անհնարինության փաստը, ով անընդհատ փորձում է քեզ ոչնչացնել։

Թե Ներսիսյանը, թե Ղազարյանը համակարծիք են եղել նաև, որ Արցախից հարկադրաբար տեղահանվածները չեն կարող վերադառնալ իրենց տները, որոնք անցել են ադրբեջանական վերահսկողության տակ, քանի որ կբնաջնջվեն:

Ղազարյանը հիշեցրել է, որ չնայած 2020 թվականի նոյեմբերի 9-ի եռակողմ հայտարարության մեջ ՄԱԿ-ի համապատասխան ինստիտուտի վերահսկողության ներքո բռնի տեղահանված անձանց վերադարձի մասին կետի առկայությանը, Ադրբեջանը, խախտելով պայմանավորվածությունները, իրականացնում է Արցախի տարածքների ապօրինի բնակեցում ադրբեջանցիներով: