Արմինֆո.Հայաստանը վստահելի գործընկերների կարիք ունի, եւ ես կփորձեմ օգնել նրան այդ հարցում։ Այդ մասին Հայաստանի Հանրային հեռուստատեսությամբ հեռարձակված հարցազրույցում հայտարարել է ՆԱՏՕ-ի նախկին գլխավոր քարտուղար Անդերս Ֆոգ Ռասմուսենը։
Անդրադառնալով Ադրբեջանի ապակառուցողական գործողությունների պատճառով արդեն չորրորդ ամիսը փակ Բերձորի միջանցք կատարած իր այցին ՝ Ռասմուսենը նշել է, որ այդ այցն իր համար լուրջ փորձ է եղել։
Նա ևս մեկ անգամ ընդգծել է Լեռնային Ղարաբաղը Հայաստանի և արտաքին աշխարհի հետ կապող միակ ճանապարհի արգելափակման անօրինականությունն ու անմարդկայնությունը։ "Այս շրջափակումը կարող է շատ արագ վերածվել հումանիտար աղետի։ Ավելին, այն անօրինական է եւ անմարդկային", - ասել Է ՆԱՏՕ-ի նախկին գլխավոր քարտուղարը: Այդ իմաստով նա հիշեցրել է, որ փետրվարի 22-ին ՄԱԿ-ի Միջազգային դատարանն Ադրբեջանին պարտավորեցրել է ապահովել Լեռնային Ղարաբաղի անխափան կապը Հայաստանի հետ։ "Միջազգային դատարանի որոշումը պարտադիր է կատարման համար, ուստի միջանցքի արգելափակումը միջազգային իրավունքի խախտում է։ Ես Ալիևին կոչ եմ անում անհապաղ դադարեցնել շրջափակումը", - ասել է նա։
Դիտարկմանը, թե Ալիևին նման ուղերձներ են հղել և ԱՄՆ պետքարտուղարը, և Միջազգային դատարանը, և այլ միջազգային դերակատարներ, մինչդեռ, Ադրբեջանը հասկանում է միայն պատժամիջոցների լեզուն, որին Արևմուտքը պատրաստ չէ գնալ, այդ կապակցությամբ որն է նրա անձնական պատասխանատվությունը, Ռասմուսենը նշել է, որ իրականությունն այն է, որ Իլահմ Ալիևն իշխանություն ունի դադարեցնելու այդ շրջափակումը։ Ընդ որում, նա համոզմունք է հայտնել, որ Ալիևը չի ցանկանում ընդգրկվել միջազգային ագրեսորների շարքերում։
Այս առումով նա կոչ է արել ԵՄ-ին ուժեղացնել ճնշումը Ադրբեջանի նախագահի նկատմամբ։ Նրա խոսքով ՝ ԵՄ-Ադրբեջան էներգետիկ փոխգործակցությունը հիանալի հարթակ է, որի միջոցով Ալիևին կարող են ասել, որ նա չի կարող խախտել միջազգային իրավունքը և անպատիժ մնալ: Ընդ որում, նախկին գլխավոր քարտուղարը նշել է, որ իր նպատակն այստեղ ոչ թե ինչ-որ մեկին սադրել է, այլ մեկ անգամ ևս հասկացնել, որ բոլոր միջազգային դերակատարները պետք է հարգեն միջազգային իրավունքը, այդ թվում՝ և Ադրբեջանը, և Ռուսաստանը:
"Փաստը մնում է փաստ, որ Ռուսաստանը խաղաղապահ առաքելություն ունի Լեռնային Ղարաբաղում, որն ի զորու չի եղել ոչ կանխել միջանցքի շրջափակումը, ոչ էլ՝ Հայաստանի դեմ ագրեսիան։ Եվ դա է պատճառը, որ ես կխրախուսեի ԵՄ-ին ամրապնդել իր առաքելությունն այստեղ։ Ես կարծում եմ, որ պետք է ավելացնել առաքելության թվակազմը և համոզվել, որ Ադրբեջանը կհրաժարվի Հայաստանի նկատմամբ հետագա ագրեսիայից։ Իսկ երկարաժամկետ կտրվածքով խաղաղության պայմանագիրը պետք է երաշխավորի արդար խաղաղություն, որտեղ երաշխավորված կլինեն Լեռնային Ղարաբաղի բնակիչների արդար իրավունքներն ու անվտանգությունը", - ասել Է Ռասմուսենը, հավելելով, որ դրա համար անհրաժեշտ է միջազգային մեխանիզմ, որը երաշխավորում է Լեռնային Ղարաբաղի բնակիչների իրավունքներն ու անվտանգությունը։
Նրա խոսքով ՝ ինքը խոսում է մի պայմանագրի մասին, որը կհանգեցնի երկարաժամկետ և համապարփակ խաղաղության, որի հետ կհամաձայնեն և Հայաստանը, և Ադրբեջանը։ ՆԱՏՕ-ի նախկին գլխավոր քարտուղարն ընդգծել է, որ նման պայմանագիրը պետք է երաշխավորի Լեռնային Ղարաբաղի բնակիչների իրավունքներն ու անվտանգությունը: "Եվ ես չեմ կարող պատկերացնել այլ մեխանիզմ, բացի միջազգային խաղաղապահ զորակազմից, որը կարող է երաշխավորել այդ իրավունքներն ու անվտանգությունը։ Եվ, կարծում եմ, Ադրբեջանը պետք է համաձայնվի նման առաքելությանը", - հավելել է նա, ճկունություն որակելով ՀՀ վարչապետի դիրքորոշումը, ով հայտարարել է, որ Արցախի բնակչության անվտանգության երաշխիքներն ավելի կարևոր են, քան նրա կարգավիճակը։ Նրա խոսքով ՝ ինքը կցանկանար նույն ճկունությունը տեսնել ադրբեջանական դիրքորոշման մեջ։
Անդրադառնալով հայկական կողմի նկատմամբ Ադրբեջանի նոր ագրեսիայի հավանականությանը՝ ՆԱՏՕ-ի նախկին գլխավոր քարտուղարը նշել է, որ հասկանում է հայկական կողմի մտավախությունները հնարավոր ագրեսիայի վերաբերյալ, նման վտանգ միշտ էլ կա։ Սակայն, նրա խոսքով, ոչ ԱՄՆ-ը, ոչ ԵՄ-ը չեն ընդունի Հայաստանի նման ինքնիշխան երկրի վրա հարձակումը։ "Հայաստանը գոյության իրավունք ունի", - ասել է նա։
Դիտարկմանը, թե Արևմուտքը չի ընդունում նաև Թուրքիայի կողմից Կիպրոսի տարածքների օկուպացիան, Ռասմուսենը վստահեցրել է, որ դրանք տարբեր իրավիճակներ են, սակայն չի բացատրել, թե որն է տարբերությւոնը:
"ԱՄՆ-ն այս պահին զբաղված է Իրանով և Ադրբեջանին դիտարկում է այդ համատեքստում։ Իսկ Եվրոպային հարկավոր է գազ, և նա Ադրբեջանին դիտարկում է այդ համատեքստում։ Ես հասկանում եմ, որ Հայաստանում կարող են մտածել, թե այդ գործոնները թույլ են տալիս Ադրբեջանին իրեն ավելի ուժեղ զգալ ։ Բայց ես ուզում եմ ընդգծել, որ այն փաստը, որ Եվրոպան ունի էներգետիկ շահեր, չի նշանակում, որ մենք աչք կփակենք հումանիտար աղետի կամ Հայաստանի դեմ ագրեսիայի վրա", - ասել է նա։ -
Իսկանդարյան. Հայաստանի և Ադրբեջանի միջև խաղաղության պայմանագրի ստորագրումը քիչ հավանական է՝ բանակցային գործընթացում ասիմետրիայի պատճառով
Կարինե Գևորգյան. Ֆրանսիան, նույնիսկ, տեսականորեն չի կարող ապահովել Հայաստանի անվտանգությունը՝ անհրաժեշտ ռազմական լոգիստիկայի բացակայության պատճառով
Ջրբաշյան. Հայաստանի մարդկային կապիտալում ներդրումները կբերեն 43.6 մլրդ դոլարի ավելացված արժեք
Փորձագետ. "Զանգեզուրի միջանցքի" բացումը կարմիր գիծ է հայոց պետության համար
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Վլադիմիր Վարդանյան. քանի դեռ Գյումրիի ավագանու լիազորությունները չեն դադարեցվել, Հայաստանի իշխանությունները միջամտելու սահմանադրական իրավունք չունեն
«Իմ տունը իմ ամրոցն է» բանաձևը պետք վերաձևակերպել «մեր պետությունն է մեր ամրոցը». Փաշինյան
Հայկ Մարությանը ստորագրահավաք է սկսում՝ ընդդեմ 2025 թվականի հունվարի 1-ից հասարակական տրանսպորտի ուղեվարձի թանկացման
Քաղաքագետը նշել է Հայաստանում ընդդիմադիր շարժումների ձախողումների պատճառները
Կարծիք. Փաշինյանն ավելի ու ավելի է գնում ազգային-պետական ինքնության վերաֆորմատավորման ճանապարհով
Հայաստանը փախստականի կարգավիճակ կտրամադրի Վլադիմիր Բալանդինին
Քաղաքագետ. Հայաստանում հասունանում է հեղաշրջում
Հայաստանի դատավորների միություն. Կարեն Անդրեասյանը ոտնձգություն է իրականացնում դատական իշխանության անկախության նկատմաբ
Հայաստանի ֆուտբոլի ազգային հավաքականի գլխավոր մարզիչը հեռացվել է զբաղեցրած պաշտոնից
Ընդդիմադիր գործիչը կոչ է արել ձևավորել Համահայկական միացյալ դաշինք՝ Հայաստանում իշխանափոխության համար
Երևանում կկայանա օպերային արվեստի լեգենդ Պլասիդո Դոմինգոյի համերգը
Կոբախիձե. Վրաստանը Հայաստանին եւ Ադրբեջանին առաջարկում է տարածաշրջանային համագործակցության ձեւաչափ՝ հարաբերությունների կարգավորման համար
Ինչպե՞ս է պատկերացնում Քամալա Հարիսը հայերի, այսպես կոչվող, արժանապատիվ վերադարձն Արցախ. Հակոբ Բադալյան
ՀՅԴ. Ադրբեջանի հետ սահմանագծման մասին դրույթը հակասահմանադրական է
Քամալա Հարիս. Լեռնային Ղարաբաղի հայերի՝ իրենց տներ վերադառնալու իրավունքը վճռորոշ նշանակություն ունի հայ ժողովրդի արժանապատվության վերականգնման և տարածաշրջանում կայունության համար
