Պայմանավորվածություն է ձեռք բերվել Արցախի էլեկտրա- եւ գազամատակարարման լիակատար վերականգնման շուրջ

Արմինֆո. Ռուսական խաղաղապահ զորախմբի հրամանատարության անմիջական մասնակցությամբ Արցախի և Ադրբեջանի ներկայացուցիչների հանդիպում է կայացել։ Այս մասին հաղորդում է «Արցախպրեսը»՝ վկայակոչելով Արցախում ռուսական խաղաղապահ զորախմբի հրամանատարությանը։

Աղբյուրի համաձայն, հանդիպման ընթացքում պայմանավորվածություններ են ձեռք բերվել Հայաստանից Արցախը սնուցող բարձրավոլտ միակ էլեկտրագծի և գազամատակարարումը լիարժեք վերականգնելու վերաբերյալ:

Ռռուսական խաղաղապահ զորախմբի հրամանատարությունը շարունակում է բանակցությունները Լաչինի միջանցքով ավտոմոբիլային տրանսպորտի անարգել երթևեկությունը վերսկսելու ուղղությամբ», - ասվում է հաղորդագրությունում, նշում է աղբյուրը: