Արմինֆո. "Առանց պատասխանատվության արդարադատություն չկա", - հայտարարել է ԱՄՆ Սենատի արտաքին հարաբերությունների կոմիտեի նախագահ Բոբ Մենենդեսը, Ադրբեջանի կողմից կատարված վայրագությունների առնչությամբ իր մտահոգությունը ներկայացնելով Հայաստանում ԱՄՆ գործող դեսպան Լին Թրեյսիի թեկնածության շուրջ լսումների ժամանակ, որը դիտարկվում է որպես դեսպան Ռուսաստանի Դաշնությունում: Այդ մասին հաղրոել է Ամերիկայի հայկական համագումարը։
Ինչպես հաղորդում է ԱՀՀ-ը, Ռուսաստանում ԱՄՆ դեսպանի թեկնածու Լին Թրեյսին ընդգծել է Հայաստանում ժողովրդավարության ուժը:
Մենենդեսի պարզաբանմանը, թե արդյոք Թրեյսին պատրաստ է կատարել իրեն սպասվող բարդ խնդիրը Ռուսաստանում, դիվանագետը, վկայակոչելով տարածաշրջանում աշխատելու իր փորձը, ասել է, որ իր համար "մեծ պատիվ է" ԱՄՆ-ի դեսպան լինելը Հայաստանում՝ 2019 թվականից ի վեր ՝ "հսկայական հնարավորությունների, բայց նաև հսկայական խնդիրների" ժամանակաշրջանում։ Թրեյսին հիշեցրել է, որ ինքը ղեկավարել է ամերիկյան դիվանագիտական ներկայացուցչությունը ակտիվ հակամարտության շրջանում, պատերազմ, որը հսկայական ճնշում է գործադրել ԱՄՆ դեսպանատան և նրա անձնակազմի վրա:
Միևնույն ժամանակ, հատկապես գովաբանելով Հայաստանում ժողովրդավարությունը, անդրադառնալով 2018 թվականի "ազատ և արդար" ընտրություններին, երբ Նիկոլ Փաշինյանն ընտրվեց վարչապետ, նա հիշեցրել է, որ դրան հաջորդեց "ամենամեծ սթրես-թեստերից մեկը, որին կարող է դիմակայել ժողովրդավարությունը՝ 2020-ի պատերազմը և 2021-ին ազատ և արդար ընտրությունների պահպանումը:
Սենատոր Միթ Ռոմնին Թրեյսիից հետաքրքրվել է, թե ինչպես է հայ ժողովուրդը վերաբերվում "Ռուսաստանին, նախագահ Պուտինին և Ուկրաինական ներխուժմանը"։ Դեսպանը հայտարարել է, որ նախկին խորհրդային երկրները "իրական մտահոգություն" ունեն "իրենց անկախության ապագայի, ինքնիշխանության եւ տարածքային ամբողջականության" կապակցությամբ: Ինչ վերաբերում է Հայաստանին, Թրեյսին հայտարարել է, որ "հայերն ասում են, որ Ռուսաստանի հետ իրենց նախկին հարաբերություններն այսօր չեն բավարարում Հայաստանի կարիքները, եւ հետաքրքրվում են, թե ինչպես ԱՄՆ-ն կարող է ավելի օգտակար լինել Հայաստանի համար, քանի որ նա շարունակում է ավելի ժողովրդավարական եւ անվտանգ ապագա փնտրել": Դեսպանն ընդգծել է, որ ԱՄՆ-ն և Հայաստանն աշխատում են միասին ՝ Կոնգրեսի աջակցությամբ և երկկողմ հիմունքներով։
Դեսպանը նաև հավելել է, որ Միացյալ Նահանգների ներդրումները Հայաստանում ՝ լինի դա զարգացման, տնտեսության, թե մարդկանց մեջ, "մեծ նշանակություն" են ունեցել հատկապես 2018 թվականի "տնաբույծ" ժողովրդավարական ընտրությունների հետ կապված։ "Հայ ժողովուրդը տեսնում է, թե ինչ է իրենից ներկայացնում Ռուսաստանը, և նա տեսնում է, թե ինչպես է կառավարվում երկիրը", - ասել է դեսպան Թրեյսին:
"Մենք կարող ենք շարունակել ներդրումներ կատարել Հայաստանում (եւ նախկին ԽՍՀՄ այլ երկրներում), որպեսզի հանդես գանք որպես ապահովագրություն այն կործանարար մոդելից, ինչ իրենից ներկայացնում է Ռուսաստանը", - հայտարարել է նա:
Իր հերթին՝ կոմիտեի նախագահ Մենենդեսը դեսպան Թրեյսիին ասել է, որ Հարավային Կովկասի հարցերով Պետքարտուղարության լսումները, որոնք տեղի են ունեցել 2022 թվականի նոյեմբերի 16-ին, եղել են "ամենահիասթափեցնող լսումները, որոնք նա երբևէ անցկացրել է" ։ Նա հարցրել է, թե արդյոք տեսել է Ադրբեջանի կողմից հայ զինվորների գնդակահարության տեսագրությունները։
Թրեյսին հայտարարել է, որ տեսել է այդ տեսագրությունները եւ դրանք անվանել է "ամենազազրելի բաներից մեկը, որ տեսել է իր կյանքում", հատկապես հայ կին զինվորին խեղելու եւ պղծելու առումով: Նա ասել է, որ դիմել է Հայաստանի մարդու իրավունքների պաշտպան Քրիստինե Գրիգորյանին, ով աշխատել է տեսանյութի իսկությունը հաստատելու և փաստաթղթավորելու ուղղությամբ ։ Դեսպան Թրեյսին ընդգծել է, որ ինքը "կենտրոնացած է հայ ռազմագերիների եւ քաղաքացիական անձանց մահապատժի նկատմամբ հաշվետվողականության վրա":
Մենենդեսի այն հարցին, թե ում է նա փոխանցել մահապատժի ենթարկված հայերի գրաֆիկական տեսագրությունները, դեսպան Թրեյսին հայտարարել է, որ դրանց մասին հաղորդել է Պետդեպարտամենտ։ Վկայակոչելով 2022 թվականի նոյեմբերի 16-ի լսումները՝ նախագահ Մենենդեսն ասել է, որ "ոչ ոք չգիտեր տեսանյութի մասին կամ, օրինակ, դեսպան Ռիքերի դեպքում (Պետդեպարտամենտի Կովկասի հարցերով ավագ խորհրդական - խմբ.), նա գիտեր, բայց ոչինչ չարեց դրանց իսկությունը հաստատելու համար" ։
"Մեզ պետք են մեր դեսպանները հակամարտության վայրերում, որպեսզի նրանք կարողանան իմանալ ճշմարտությունը, որպեսզի մենք, որպես քաղաքականություն վարողներ, կարողանանք որոշել, թե ինչ պետք է անենք այդ ճշմարտության հետ", - շարունակել է նախագահ Մենենդեսը, հավելելով, որ առանց պատասխանատվության արդարություն չկա:
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
