Արմինֆո. Շատ կարևոր է Սոչիում Հայաստանի, Ադրբեջանի և Ռուսաստանի ղեկավարների հանդիպման բուն փաստը։ Այդ մասին նոյեմբերի 1-ին լրագրողների հետ զրույցում հայտարարել է Հայաստանում Ռուսաստանի դեսպան Սերգեյ Կոպիրկինը՝ ի պատասխան հայ-ադրբեջանական հարաբերությունների կարգավորման եւ Լեռնային Ղարաբաղի հակամարտության կարգավորման նպատակով երեք երկրների ղեկավարների անցած հանդիպման նկատմամբ իր վերաբերմունքն արտահայտելու խնդրանքին։
Ընդ որում, նա արձանագրել է, որ Ռուսաստանի նախագահ Վլադիմիր Պուտինը բավական տարողունակ գնահատական է տվել հանդիպմանը, և դժվար է էլի ինչ-որ բան ավելացնել։ "Ինչպես ասել է մեր նախագահը, ոչ բոլոր հարցերի շուրջ է հաջողվել առայժմ պայմանավորվել, բայց կարեւոր է, որ այդ քննարկումը տեղի է ունեցել", - ասել է Ռուսաստանի դեսպանը։
Դիվանագետը, միաժամանակ, կարևորել է այն հանգամանքը, որ կողմերը պատրաստակամություն են հայտնել առաջ շարժվել կարգավորման ճանապարհով։ "Ինձ համար դեռ կարևոր է, որ այս հանդիպումը տեղի է ունեցել Ռուսաստանում։ Դա ակնհայտ վկայությունն է այն բանի, որ Ռուսաստանի Դաշնությունը, Ռուսաստանի ղեկավարությունը, չնայած այն խնդիրներին, որոնք այժմ նա ստիպված է լուծել այլ տարածաշրջաններում, այդ թվում, նա, այնուամենայնիվ, մեծ ուշադրություն է դարձնում Հարավային Կովկասում տիրող իրավիճակին եւ չի թուլացնում իր ջանքերը կարգավորման ուղղությամբ առաջընթացի ոլորտում", - նշել է Կոպիրկինը։
Ռուս դիվանագետը կարևորել է նաև այն, որ Ռուսաստանի առաջնահերթությունը, ինչի մասին ասել է նաև Ռուսաստանի առաջնորդը, Հայաստանի և Ադրբեջանի միջև հարաբերությունների համակողմանի կարգավորմանը նպաստելն է։
Դեսպանը ևս մեկ նշանակալի կետ է համարել Ռուսաստանի Դաշնության շարունակական լիակատար հանձնառությունը Հայաստանի Հանրապետության հետ դաշնակցային հարաբերություններին։ "Կարծում եմ, որ սա շատ, շատ կարեւոր ազդակ է ինչպես Հայաստանի, այնպես էլ հայ հասարակության, այնպես էլ տարածաշրջանի բոլոր երկրների եւ ոչ միայն տարածաշրջանի համար", - ասել է Կոպիրկինը:
Պարզաբանելով Ռուսաստանի դիրքորոշումը Լեռնային Ղարաբաղի հարցում՝ դեսպանը նշել է, որ կարող է միայն կրկնել այն, ինչ բազմիցս ասվել է արդեն Ռուսաստանի ղեկավարության, այդ թվում ՝ նախագահ Պուտինի կողմից։ "Մեր կարծիքով, Լեռնային Ղարաբաղի կարգավիճակի հարցն այն հարցն է, որը պետք է թողնել հաջորդ սերունդներին, երբ կլինեն բոլոր կողմերի համար ընդունելի ձեւավորված պայմաններ այդ հարցի արդարացի լուծման համար։ Բայց, իհարկե, այդ մասին խոսել է նաև մեր նախագահը, այդ թվում նաև Վալդայի համաժողովում, իհարկե, կարգավորման ողջ համալիրը, դա պետք է լինի Հայաստանի և Ադրբեջանի միջև պայմանավորվածությունների արդյունք", - ընդգծել է Հայաստանում Ռուսաստանի դեսպանը։
Քաղաքական գործիչ․ Ընտրողների բարձր մասնակցության դեպքում ներկայիս իշխանությունը, գործնականում, վերարտադրվելու հնարավորություն չի ունենա
Քաղաքագետ. ընտրողների բավականին բարձր մասնակցությունը վկայում է այն մասին, որ Հայաստանի քաղաքացիներն ակտիվորեն և գիտակցաբար մասնակցում են երկրի ապագայի ձևավորմանը
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով
Հայաստանում ավարտվեց երկրի հերթական խորհրդարանական ընտրությունների քվեարկությունը
«Ուժեղ Հայաստան». Վարչական դատարանը դատական ակտեր չի տրամադրում խորհրդարանական ընտրություններում քվեարկել ցանկացող քաղաքացիներին
Ռուսաստանը փորձում է Հայաստանին հասցնել, որ ԵՄ-ը, գործնականում, արդեն փոխակերպվել է ռազմաքաղաքական դաշինքի․ Օվերչուկ
Հայաստանի ԱԳ նախարար․ Հայաստանի եւ Ռուսաստանի հարաբերություններն առողջացման կարիք ունեն
