ԵՄ-ում մտահոգված են Հայաստանից Ռուսաստան կենցաղային տեխնիկայի մատակարարումների աճի առնչությամբ

Արմինֆո.Եվրոպական միության երկրներում պաշտոնյաներն ուշադրություն են դարձրել Հայաստանից Ռուսաստան կենցաղային տեխնիկայի մատակարարումների ծավալների աճին։ Այդ իրավիճակը նրանց  շրջանումորոշակի մտահոգություններ է հարուցում, հաղորդել է Bloomberg գործակալությունը։

Նշվում է, որ ԵՄ պաշտոնյաների շրջանում մտավախություն է առաջացնում Ռուսաստանի Դաշնության կողմից այդ ապրանքներից մի քանիսի և դրանց բաղադրիչների ռազմական նպատակներով օգտագործման հնարավորությւոնը։

Եվրոստատի վերլուծության տվյալներով՝ 2022 թվականի հունվար-օգոստոս ամիսներին Հայաստանը ԵՄ-ից ավելի շատ լվացքի մեքենաներ է ներկրել, քան վերջին երկու տարում։ Ռուսաստան կենցաղային տեխնիկայի մատակարարների թվում է նաև Ղազախստանը։ Օգոստոսին ԵՄ երկրներից Ղազախստան են արտահանվել 21,4 միլիոն դոլարի Սառնարաններ, ինչը ավելի քան երեք անգամ գերազանցում է 2021 թվականի նույն ամսվա ցուցանիշը։ Պարբերականի լրագրողները նաեւ ուշադրություն են դարձրել այն հանգամանքին, որ, ինչպես հետեւում է Ղազախստանի կառավարության տվյալներից, երկիրը ավելացրել է սառնարանների, լվացքի մեքենաների եւ էլեկտրական կթի պոմպերի մատակարարումը Ռուսաստան:

Ավելի վաղ ՌԴ արդյունաբերության նախարար Դենիս Մանտուրովը հայտարարել էր, որ Ռուսաստանում 2023 թվականին կերկարաձգվի զուգահեռ ներմուծման մեխանիզմը։ Հունիսի 21-ին Ռուսաստանի Դաշնության Պետդուման երկրորդ և երրորդ ընթերցմամբ ընդունել է Ռուսաստանում զուգահեռ ներմուծման օրինականացման մասին օրենքը:Այն սահմանում է, որ մտավոր գործունեության արդյունքների նկատմամբ բացառիկ իրավունքի օգտագործումը, որոնք արտահայտված են տվյալ ապրանքները պիտակավորող ապրանքի մեջ, խախտում չէ ։