Արմինֆո. Հոկտեմբերի 21-ին ՀՀ արտաքին գործերի նախարար Արարատ Միրզոյանը և Իրանի ԱԳ նախարար Հոսեյն Ամիր Աբդոլլահիանը ներկա են եղել Կապանում Իրանի Իսլամական Հանրապետության գլխավոր հյուպատոսության բացման արարողությանը: ԱԳՆ հաղորդագրույթյան համաձայն, նախարար Միրզոյանը հանդես է եկել ելույթով, որի ընթացքում, մասնավորապես, նշել է.
«Ուրախ եմ ողջունել բարեկամ և հարևան Իրանի Իսլամական Հանրապետության արտաքին գործերի նախարար, իմ գործընկեր պարոն Հոսեյն Ամիր Աբդոլլահիանին և նրան ուղեկցող պատվիրակությանը Հայաստանի Հանրապետության Սյունիքի մարզկենտրոն Կապան քաղաքում՝ Իրանի գլխավոր հյուպատոսության պաշտոնական բացման արարողության կապակցությամբ։ Այսօր նշանակալից օր է հայ-իրանական բազմադարյա և բարիդրացիական հարաբերությունների պատմության մեջ: Վստահաբար կարող եմ նշել, որ Իրանի գլխավոր հյուպատոսության հիմնումն ու արդյունավետ գործունեությունը նոր որակ կհաղորդեն երկու երկրների առանձնահատուկ հարաբերություններին, կխթանեն երկկողմ փոխգործակցությունն ու կնպաստեն հայ-իրանական կապերի զարգացմանը:
Հատկանշական է, որ այս կարևոր միջոցառումը տեղի է ունենում Հայաստանի Հանրապետության և Իրանի Իսլամական Հանրապետության միջև դիվանագիտական հարաբերությունների հաստատման երեսուներորդ տարում: Անցած երեսուն տարիներին մեր անցած ուղին նշանավորվել է ռազմավարական բնույթ ունեցող հարաբերությունները եղբայրության և սերտ գործընկերության ոգով զարգացնելու մեր անկեղծ մղումով:
Վստահ եմ, որ հետայսու ևս կներդրվեն անհրաժեշտ ջանքեր՝ ապագա փոխշահավետ համագործակցությունն առավել խորացնելու և ամրապնդելու համար:
Հարգելի՛ պարոն նախարար, սիրելի՛ գործընկեր, Ուզում եմ Ձեզ հավաստիացնել, որ Հայաստանում խորապես ընկալում և բարձր են գնահատում մեր երկրի ողնաշարը հանդիսացող այս հատվածում՝ Սյունիքի մարզում, գլխավոր հյուպատոսություն բացելու Իրանի իշխանությունների որոշումը։ Ցանկանում եմ ևս մեկ անգամ վերահաստատել հայկական կողմի մտադրությունը Թավրիզում գլխավոր հյուպատոսություն հիմնելու վերաբերյալ։ Իրանի Իսլամական Հանրապետությունը Հայաստանի Հանրապետության համար մշտապես եղել է և կշարունակի լինել առանցքային գործընկեր: Մեր փոխգործակցությունը ներառում է բավականին ընդգրկուն քաղաքական օրակարգ, ինչպես նաև առևտրի, էներգետիկայի, տրանսպորտի, գիտակրթական, զբոսաշրջային, մշակույթի, գիտության, կրթություն ոլորտներում ամուր կապեր, որոնք, լիահույս ենք, էլ ավելի կխորանան և որակական ու գործնական նոր շունչ կստանան այսօր բացվող գլխավոր հյուպատոսության գործունեության շնորհիվ: Վստահ եմ, որ գլխավոր հյուպատոսությունը մեծապես կնպաստի նաև հայ և իրանցի ժողովուրդների միջև մարդկային շփումների առավել ակտիվացմանը: Այն կդառնա երկու բարեկամ և հարևան երկրների ջերմ հարաբերությունների ցուցիչ, տարածաշրջանում խաղաղության և անվտանգության ապահովման յուրօրինակ հանգրվան:
Հարգարժա՛ն պարոն գլխավոր հյուպատոս, ևս մեկ անգամ շնորհավորում եմ Ձեզ Հայաստանի Հանրապետությունում Իրանի Իսլամական Հանրապետության գլխավոր հյուպատոսի պատասխանատու պաշտոնին նշանակվելու կապակցությամբ՝ մաղթելով նորանոր ձեռքբերումներ ու հաջողություններ՝ ի շահ հայ և իրանցի ժողովուրդների: Վստահ եղեք, որ Ձեր գործունեության մեջ մշտապես կտեսնեք ՀՀ արտաքին գործերի նախարարության և պատկան մարմինների աջակցությունը՝ Ձեր կարևոր առաքելության հաջող իրականացման համար: Կրկին շնորհավորում եմ բոլորիս այս կարևոր իրադարձության կապակցությամբ:
Շնորհակալություն»:
Իրանի ԱԳ նախարար Հոսեյն Ամիր Աբդոլլահիանը, իր հերթին, գոհունակություն է հայտնել Կապանում ԻԻՀ գլխավոր հյուպատոսության բացման կապակցությամբ, ինչը, ըստ նրա, հնարավոր դարձավ նաև Հայաստանի իշխանությունների աջակցության շնորհիվ։ Նա նաև Իրանի իշխանությունների պատրաստակամությունն է հայտնել աջակցել Թավրիզում ՀՀ գլխավոր հյուպատոսության բացմանը։
"Կապանում գլխավոր հյուպատոսություն հիմնելու Իրանի իշխանությունների որոշումը արտացոլումն է այն կարեւորության, որն իրանական իշխանությունները տալիս են հայ եւ իրանցի ժողովուրդների հազարամյա պատմությանը։ Կցանկանայի հարգելի և հյուրընկալ կապանցիների ներկայությամբ տեղեկացնել, որ Իրանը Հայաստանի և տարածաշրջանի անվտանգությունն ընկալում է որպես սեփական անվտանգություն։ Մեր քաղաքականությունը տարածքային ամբողջականության և միջազգայնորեն ճանաչված սահմանների հարգումն է", - ասել Է Իրանի գլխավոր դիվանագետը։
Նրա խոսքով ՝ իրանական կողմը Երեւանում եւ Կապանում իր դիվանագետների հետ միասին աշխատելու է, որպեսզի հայ-իրանական առեւտրատնտեսական հարաբերություններն էլ ավելի զարգանան։ Այս առումով Աբդոլլահիանը փաստել է, որ Սյունիքի մարզը "Հյուսիս-Հարավ" միջազգային տրանսպորտային միջանցքի կարեւոր մասն է, իսկ Հայաստանը կարեւոր տեղ է զբաղեցնում այդ նախագծում:
"Եվ մենք առավելագույն ջանքեր կգործադրենք, որպեսզի այդ տարանցիկ ճանապարհը, ինչպես նաև բեռնափոխադրումները առավելագույնս զարգանան։ Կեցցե Իրանը, կեցցե Հայաստանը, կեցցե երկու ժողովուրդների բարեկամությունը", - եզրափակել է Իրանի արտգործնախարարը:
Քաղաքագետ. Կառավարությունը երաշխավորում է տասնյակ միլիոնավոր դրամների աշխատավարձեր Սահմանադրական դատարանի ինը դատավորների համար, մինչդեռ միևնույն ժամանակ, Սյունիքում մոտ 869 ընտանիք կորցրել է իրենց ընտանեկան նպաստը
Հայ փորձագետներն ու Թուրքիայի առաջատար վերլուծական կենտրոնների ներկայացուցիչները քննարկել են երկրների միջև համագործակցության ընդլայնման հեռանկարները
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
